Salmos 85:6 - Biblia Dc en Mixe de Quetzaltepec

⁶ ¿Tii këtii ëëtsëty xy'ëkyajjuuky'atanëtë, ets ja mkajpn mtukxoonta'akëtëtyë?

Biblia Mixe de Quetzaltepec

⁶ ¿Tii këtii ëëtsëty xy'ëkyajjuuky'atanëtë, ets ja mkajpn mtukxoonta'akëtëtyë?

Salmos 85:6 ပူးပေါင်းရင်းမြစ်များ

Habacuc 3:2

Tëkokyë yë m'aaw m'ayuk mëti'ipës të nmëtoyën, Wintsën ets mëti'ipë të xytyunyën, nmëjja'ap nkënu'kxyjya'apës mëjwiin këjää. Näyjyëtu'un ënät tyam winë tun maas yë njuukyajtënëtyën, jëtu'un tä tëëyëp winë xytyuunyën ets nijawëtëtyës. Tuk'ijxtëk ëëtsëty ko mijts mëët'ajtyp yë pa'ëyo'owën najts'ëyo'owën oy jënu'un mjajoot'anpëky.

Salmos 80:18

ets jëtu'un ka'ap nijëna'a ëëts ëpëky nyajpaatëty mëët mijts, mooytyëkës ja juukyajtën ets mijts atu'uk myajja'amyätsëty.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Salmos 90:14

Myaj'utsëp yë njot nwinma'anyëtyës mëët yë mtsojkën mja'awën ko xyiinytya'akëty, ets jotkujk n'ëwtëty nya'axtëtyës mapaatës njuuky'atën.

Oseas 6:2

Wäänë y'ita'any tääts xyajtso'oka'anëmë, xyajpëtë'ëka'anëmë ets nyajpatmëty ma yë'ëjën.

Salmos 71:20

Oyës të xy'ëktuk'ixy yë ëyo'on jotmay etsës të një'ëy të nyä'äxy, nija'apës wa'ats koos jatëkok xyajjuuky'ata'any, ets koos jatëkok jap xyajpëtsëma'any ëyoowtaknjoty maas ënety jap ëxëëk njatyën nkëpetyën.

Salmos 53:6

Jääpëk jeexyë myiny yë Israel kajpn nyitsokën ma Sión kopkën. Ko ënety yë Wintsën tyaj'oyë yë nyaax kyajpn, wi'ixpëm nëjkx xyoonta'aktë Jacob yë y'u'unk y'ok, ets tu'kë'ëyë Israel kajpn.

Salmos 138:7

Koos muum nyajpaaty o'këntum, mijts kë'ëm mpëjk'ijtyp mmajts'ijtyp yë njuukyajtënës. Pojën yë mmëkajtën xyajkëtä'äky maas yë nmëtsiptëjkën ets jëtu'unës xyajtso'oky.

Jeremias 33:11

ja ëy xoontä'äky ets xuxën wojpën. Nëjkxëp ja pëjkpë ukpë yajwinxoonta'aktë ets ja ja'ay tyaka'antë ja wintsë'kën, tyajnaxa'antë ja kukajpxën.

Salmos 149:2

Xoonta'aktë miitsëty Israel ja'ayëty, miitsëty naax kajpn jampë myajpaatën Sión, jä'ä ko Dios yë'ë yajkojpë ets yë'ë yajkutujkpë ma miitsëtyën.

Salmos 74:1

Dios, ¿wi'ix koos xëmëkyëjxm xy'ëxmats xymyajtstu'utë? ¿Wi'ix ko nëkooyë të xytyimtukjoot'anpëky yë m'u'unk m'ëna'k mëti'ipë jëtu'un mmëët'ajtypyën tä yë kupixyny ëna'k myäytyänëtën mëëykyijxy ujtskëjxy?

Salmos 77:8

¿Tëë jëtää jäpaat kyixy nyäxy yë tsyojkën jya'awënë? ¿Tëë jëtää kyixy nyäxy ja wyaantakën xëmëkyëjxmë?

Jeremias 3:5

¿tii xëmëtën m'äka'anyë, xëmë kyëjxmën yë mjoot'an xymyëët'ata'anyë? Ets nëkoopë jëtu'un m'ëna'any, mijts je'eyëm mpokytyuun'ëtë'ëtsy.