Salmos 85:5 - Biblia Dc en Mixe de Quetzaltepec

⁵ ¿Ëkë winë xëëw winë jëmëjt xyaj'ita'any yë mtsip m'äkë mëët ëëtsëtyë?

Biblia Mixe de Quetzaltepec

⁵ ¿Ëkë winë xëëw winë jëmëjt xyaj'ita'any yë mtsip m'äkë mëët ëëtsëtyë?

Salmos 85:5 ပူးပေါင်းရင်းမြစ်များ

Salmos 79:5

Mijts Wintsën, ¿Jëna'apaat mijts mjoot'anpëka'any? ¿Xëmë yë mjoot'an tyoyä'äny tä jëënënë?

Salmos 80:4

Wintsën, mëti'ipë maaytyääyëpën winë, ¿Jëna'a yë mjoot'an kyëxa'any xyajnaxa'any ma ja mnaax mkajpn mmëwaantä'äky mmënu'kxtä'äkyën?

Salmos 74:1

Dios, ¿wi'ix koos xëmëkyëjxm xy'ëxmats xymyajtstu'utë? ¿Wi'ix ko nëkooyë të xytyimtukjoot'anpëky yë m'u'unk m'ëna'k mëti'ipë jëtu'un mmëët'ajtypyën tä yë kupixyny ëna'k myäytyänëtën mëëykyijxy ujtskëjxy?

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.

Miqueas 7:18

Ka'ap ma Dios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Salmos 89:46

Mijts Wintsën, ¿Jëna'a mwa'këxë'ëka'any ma tyam yu'utsy myajpaatyën? ¿Jekpyaat xyajtoyä'äny yë mtsip m'äkë tä jëën tyoy jyemyënë?

Salmos 77:9

¿Tii tëë jëtää Dios tja'atyëkooynyë yë y'oyjyot y'oywyinma'anyë? ¿Tëë jëtää yajxon tu'ukyë tyimjoot'anpëkyë ets ënät ka'ap ja pa'ëyo'owën t'ëkmëët'ajnë?

Deuteronomio 29:27

Paatykyëjxm jëtu'un yë Wintsën të tukjoot'anpëky tääpë naax kajpn ets të tyajkëtä'äky jam yë ëyo'on jotmay, jä'ä jëtu'un atëëp ja pojkën, tä jap myinyën ma nokyën.

Salmos 60:3

Mijts të xyajkutuky ets mnaax mkajpn ëxëëk jyatëty kyëpätëty, jëtu'unës të tjatë tä ja'ay tsatym nyëë t'uukyën ets yajlokëjatyë.

Miqueas 7:7

E ëjts Wintsënës ntuk'ijxpejtyp; jamës yë n'ijxën mpëjktä'äky ma Tiosën mëti'ipë yajnitsokpën, jä'ä ko xymyëtoow'itaanpës yë'ë.