Salmos 82:2 - Biblia Dc en Mixe de Quetzaltepec

² ¿Jëna'apaat miitsëty aak tëkatsy winë xynyipaye'eya'antë, ets jä'ä mputëkäjantëp ja ja'ayëty ëxëëkpë winë tuntën tkajpxtën?

Biblia Mixe de Quetzaltepec

² ¿Jëna'apaat miitsëty aak tëkatsy winë xynyipaye'eya'antë, ets jä'ä mputëkäjantëp ja ja'ayëty ëxëëkpë winë tuntën tkajpxtën?

Salmos 82:2 ပူးပေါင်းရင်းမြစ်များ

Deuteronomio 1:17

Ko tii poky xynyipaye'eyëty, këtii pën tu'uk xy'oyjyawëty ets tu'uk xy'ëxëëk'ixtëty. Tu'knax ja ja'ay xyjyawëtëty, wä'än yë'ëjëty mëti'ipë ëmaay amutsk yajpatpën ets wä'än yë'ëjëty jotkujkja'ayëty. Ni pën xykyatsë'ëkëty, jä'ä ko ja oypyë ets ja tëyajtënpë ja nipaye'eyën Dios yë jyä'ä. E pën jamts ja jotmay mëti'ipë m'ijxtëpën tsip xyaj'oyëtëty, yaa käjxnaxtë ma ëjtsën, ëjts yam nija'ap wi'ixës nyaj'oyë.

Proverbios 18:5

Ka'ap y'oyëty ko yë kutuunktëjk t'oyjyawëtë tëëpë tyuuntëkoyën jä'ä ko tsojk ka'ap tii yajxon tnipaye'eya'antëty ets yë'ë wa'ats ja'ay t'ëkyajpokytyëjkënëtëty.

Gálatas 2:6

Ka'ap ojts tii jempyë ijxpëjkën xymyo'otës mëti'ipë ja kuttujkën myëët'ajtypyën; oyës ënety ka'ap yë'ëjëty nijawëja'any tii tyuunk'ajtëp, jä'ä ko Dios ka'ap yë'ë tmëjpëjktä'äky wi'ix pën y'ixëtyën.

Salmos 62:3

¿Jëna'apaat miitsëty xynyipëtë'ëka'antës ets xyajkëtawa'antës tä ja'ay tëjk potsy tjityën ëkë tä muum yë nakäm jëtu'unyë nyaaxmëkëtawën?

Job 34:19

Yë'ë ka'ap tpukajpxë yë yajkutujkpëtëjk ets ka'ap yë kumeenyjyä'äytyëjk ni'ik tputëkë këtiinëm yë ëyoowpëja'aytyëjk, jä'ä ko yë'ë yajkojtaay wä'än tpënëty.

2 Crónicas 19:7

Ets t'ënëmaay: Mwinkutsë'ëkëtëp yë Wintsën ets mëk xytyim'ixtëty wi'ix winë oy xytyuntëtyën, jä'ä ko Wintsën ka'ap jëtu'unyë tnani''ijxnaxa'any ja ka'apë myëtëyëtyën ja tu'unën kajpxën, ka'apë pën tii oy tnipaye'eyën, ëkë mëti'ipë ëxëëktu'un ëxëëkajpxën nyimeenypyijkpyën.

1 Reyes 18:21

Tä ja Elías tmëwinkoony ja naax kajpn ets y'ënäny: ¿Jëna'apaat jëtu'un miitsëty ya'atë jëtu'unpë xytyuunk'ata'antë jëtu'un tä jeexyë je'eyë m'ëyë'ëktën mkëyätën ma xy'ixtën mëjpë mutskpë? Tyam yajxon n'ënëëmëtë, pën yë Wintsën yë'ë mëj ets janty mëtëy ko Tyiosëty panëjkxtëkëtë yë'ë, e pën yë Baal yë'ëts mëj oy yë'ë xypyanëjkxtëkëtëty. Ja naax kajpn nitii ayuk tkapaty.

Éxodo 10:3

Moisés ets ja Aarón ojts jam nyëjkxtë ma ja yajkutujkpën ets t'ënëmaaytyë: Jëtu'un y'ënä'äny ja Wintsën mëti'ipë yë hebreo ja'ayëty Tyios'ajtëpën ¿jëna'a jëtää miitsëty yu'unk naxym m'ëk näpyëjkta'akëtëty maas ëjtsën? Ëxmajtskës yë nnaax nkajpn wä'änës min xy'ëwtaty.

Mateo 17:17

Tääts ja Jesús y'ëtsooy: Miitsëty jä'ä mja'ay'atë mëpëjkëntuk ets je'eyë ja m'ëxëëkjot m'ëxëëk winma'anyëty. ¿Jëna'a jëtu'un xyä'äkyukëja'antë koos nyajpaaty ma miitsëtyën? ¿Maapaat jëtu'un mëk näpyëjkta'akëtëtyës ko miitsëty ka'ap mja'akyukëtë? Yaa yajmintë ja yujkyeeky ëna'k.

Job 32:21

Ka'apës win'ixy wiinkexy ja'ay nimëtya'aka'any, tu'knaxës yam nimëtya'aka'any.

Ezequiel 45:9

Ëjts Wintsën, jëtu'unës n'ëna'any: Miitsëty yajkutujkpëtëjk, jëtu'un myaj'ënëëmëtë ko Wä'än najääyë tkexy tnaxy yë tsip käjpxy. Këtii nëkoo o'ktëy xytyimtuntë ëyoopëja'aytyëjk. Tuntë ja mëti'ipë mëtëyën ets nipaye'eytyë winë tëy tëtä'äky. Këtii yë nyaax kyam xy'ëkpëjkënëtë yë nnaax nkajpnës. Ëjts Wintsën, ëjts jëtu'un ni'ënä'ämëp.