Salmos 81:7 - Biblia Dc en Mixe de Quetzaltepec

⁷ Jam mijts të xymyëkäjpxyës ma ënety ëxëëk mjaty mkëpetyën, e tëë nyajtso'oky; jap ojts n'ëtsoy jokjoty yootsjoty ma ja ënääw yä'äxy jyokyën; ojts näjyëtu'un nwinma'any'ixy wi'ix mja'ay'ätyën ma ja Meribá nëëjën.

Biblia Mixe de Quetzaltepec

⁷ Jam mijts të xymyëkäjpxyës ma ënäty ëxëëk mjaty mkëpetyën, e tëë nyajtso'oky; jap ojts n'ëtsoy jokjoty yootsjoty ma ja ënääw yä'äxy jyokyën; ojts näjyëtu'un nwinma'any'ixy wi'ix mja'ay'ätyën ma ja Meribá nëëjën.

Salmos 81:7 ပူးပေါင်းရင်းမြစ်များ

Éxodo 19:19

E ja jëtu'unpë yajmëtoyën, tä ja pujxnxuxn y'ënä'änyën ni'ikyë ënety jyänty myëktä'äky; ënät ja Moisés ojts tyëkë mëtyakpë mëët ja Dios, ja Dios ja y'aaw y'ayuk jëtu'un yajmëtoy tä ënääw y'ënä'änyën ko y'ëtsoy.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Éxodo 2:23

Jëtu'un nyäjxy ja xëëw po'o, ja yajkutujkpë mëti'ipë ënety jap të y'ëne'emyën Egiptë ojts ja y'o'knë. E ja Israel ja'ayëty je'eyëm ënety jap mëk jyänty y'ëyowtë ets xëmë je'eyë kyumon kyutukëtë mëët ja nätyiytyunë jap Egiptë. Yë Dios ojts tmëtoow'ity ko jap Israel ja'ayëty jyë'ëtë ya'axtë.

Éxodo 14:10

Ko ja Israel ja'ayëty t'ijxpatë ko ja mëj'ënä'ämpë jam wyinkony mëët ja myäytsyiptuunpë, ënät ojts ja tsyë'ëkëtë ets ënätyë t'amëtoowtë ja putëjkën pupäjtën ma Tiosën.

Éxodo 14:24

E kujk ënety ëka'any jyajtä'äky ko ja wintsën t'ijxy ja maytsyiptuunpëtëjk japë Egiptë tsyoontën. E ja Dios jap ënety yajpaaty ma ja yootsën, jëtu'unpë kyëxë'ëkyën tä yë jëënën, ënät jëtu'unyë tyimlokëjajtaaytyë ja tsiptuunpëtëjkëty, aakyë'ë ojts nyäy'ijxma'tënëtë.

Deuteronomio 33:8

Ënet ojts tkënu'kxy ja Leví mëët ya'atë aaw ayuk: Wintsën mijts mjä'ä'ajtyp yë tsaa'u'unk mëti'ipë mëët winë yajnijawën. Näyjyëtu'un ja ja'ay mëti'ipë oy mëtuunëpën, mijts mjä'ä'ajtyp, ja ja'ayëty mëti'ipë mwinma'any'ijxën jam Masá, ets ojts jam Meribá mëët mnäyajjoot'anpëkyë,

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kuttujkën tëypyë jaantypë.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

Deuteronomio 5:6

Ëjts jëtu'un Wintsën, mëti'ipë mijts mTios'ajtypyën ets jap nju'ty Egiptë, ma ënety m'ëyoyën mmëtunyën.

Jeremias 16:14

E ëjts Wintsën, jëtu'unës n'ëna'any: miimp ja xëëw po'o ma nëjkx ka'ap pën y'ëk'ënanën: Mëët ja Wintsën ja jyuukyajtën, mëti'ipë yajpëtsëëmën ja naax kajpn jap Egiptë,