Salmos 81:1 - Biblia Dc en Mixe de Quetzaltepec

¹ Kuuy'ëwtë mëët yë jotkujk'ajtën yë Dios, jä'ä ko yë'ë tu'ukyë ntukjotkujk'ajtëm. Tukxoonta'aktë yë Dios mëët yë yaxën jojkën ets xoontakën mëti'ipë Jacob Tyiosajtën.

Biblia Mixe de Quetzaltepec

¹ Kuuy'ëwtë mëët yë jotkujk'ajtën yë Tios, jä'ä ko yë'ë tu'ukyë ntukjotkujk'ajtëm. Tukxoonta'aktë yë Tios mëët yë yaxën jojkën ets xoontakën mëti'ipë Jacob Tyiosajtën.

Salmos 81:1 ပူးပေါင်းရင်းမြစ်များ

Salmos 66:1

Kuuy'ëwtë yë Dios mëët yë xoontakën, tëkokyë jënu'un m'itën mjuuky'atën naaxwiiny naaxkëjxy;

Jeremias 31:7

Jëtu'un yë Wintsën y'ënä'äny: Ëwtë akujk jotkujk, tukxoonta'aktë yë Jacob yë nyaax kyajpn mëti'ipë tu'uk je'eyë kajpn'ajtpën ets mëj'äämpyë y'ityën ma wiinkëtypë naax kajpnën. Mëk ëwtë ets mëjjaw kënu'kxyjyawëtë yë Wintsën, wä'än ja'ay tmëtowtë ets m'ëna'antëty: Tëë yë Wintsën tyajtso'oky yë nyaax kyajpn, niwäänëpë ënety të jyaakwë'ëmtën ma Israel ja'ayëtyën.

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Salmos 8:1

Wintsën, mëj'äämpyë yajpaatyën ma ëëtsëtyën, yë mxëëw yë'ë y'ënä'ämtääpy yë naax kajpn naaxwiinyëtë apëtsëmy, yë m'oy'ajt mëj'ajtën wyinajxyp yë tsajp.

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Salmos 28:7

Yë Wintsën yë'ëjës mëk xykyuwaanp, yë'ëjës të ntuk'ijxpety etsës të xypyutëkë. Jotkujkës näjyawëty; Ëwaanpës ko ënety ja Wintsën nkukajpxës.

Mateo 22:32

Ëjts xyTios'ajt ja Abraham, Isaac ets ja Jacob? Dios ka'ap yë'ëjëty niTios'aty o'kpë, yë'ë nyiTios'ajtyp mëti'ipë juuky'ajtëpën.

Salmos 67:4

Wä'än yë mëjëtypë naax kajpn tukyaax tukjokëtë yë xoontakën, jä'ä ko mijts, mëët yë tëyajtën yë naax kajpn xy'ëne'emy xymyëkäjpxy; mijts tu'kë'ëyë yë naax kajpn mtu'uwinwoopy naaxwiinyëtë apëtsëmy.

Salmos 52:7

Ix wi'ix jyäty kyëpety ja ja'ay mëti'ipë ka'ap ja Dios nyätyukë'ëwanëtyën, mëti'ipë yi'iyë tyuk'ijxpejtypyën ja wyit myeeny, ets ni'ikyë winë ëxëëk ttuun'ëtë'ëtsy.

Génesis 50:17

ko mijts n'ënëëmëtëty: ko xytyunëty yë mëyajtën xymyä'kx xyajnitëkoyëty ja nyëë pyokyëty ja mmëku'uktëjk mmëkä'äxtëjk oy ojts ëxëëk mtunyë. Paaty yam mijts nmënu'kxta'aktë etsës xypyojkpë mä'kxtëty, ëëtsëty Dios näjyëtu'un xytyuunpë'ajtëpës, mëti'ipë yë mteety y'ëwtajtën. Tam ënety jëtu'un yajmëmëtyä'äky yë José ko jyänty tyëjkëy yaxpë.

1 Crónicas 6:17

Guersón y'u'unk y'ëna'k jä'ä xyëëwajtë Libní ets Simí.

Salmos 50:1

Yë Wintsën mëti'ipë Tios'ajtpën ma wiinkëtypë tiosën, tëë kyäjpxy; tëë tmëkäjpxy tëkokyë ja'ayëty jënu'un tsyëënëtën naaxwiiny naaxkëjxy anajnytsyowpë, a'oytsyowpë.