Salmos 80:9 - Biblia Dc en Mixe de Quetzaltepec

⁹ Ojts yajxon xyajni'ëwaatsë ma xypyäna'anyën, ets ja tsatym yoonë'ky ets tyiktskeky, jëtu'un tyajwintujky ja naax kajpn.

Biblia Mixe de Quetzaltepec

⁹ Ojts yajxon xyajni'ëwaatsë ma xypyäna'anyën, ets ja tsatym yoonë'ky ets tyiktskeky, jëtu'un tyajwintujky ja naax kajpn.

Salmos 80:9 ပူးပေါင်းရင်းမြစ်များ

Josue 24:12

Ja nimäjtskpë Amor ja'ay yajkutujkpë ojts y'ooktë, ka'ap myiitsëty xyaj'o'ktë mëët ja mtëypyujxnëty ets ja mti'pxnëty, ëjts ojts ja nmëk'ajtënës nyajkëtä'äkyës miits mwintuuyëty ets yë'ë kyäktaaytyë ka'anëm ënety miits jam mja'tënëm.

Isaías 27:6

Ko xëëw jëmëjt tpaatëty, nëjkxëp ja tyikts y'aats tpëktë yë Jacob y'u'unk y'okëty, nëjkxëp yë Israel ja'ayëty xye'enty tpëjkta'aktë ets nëjkxëp oy yaj'ixtë nyaax kyajpnëty tä pëjyën, nëjkxëp tyajtuktuktë ja it naaxwiinyëtë.

Jeremias 12:2

Jëtu'un mijts të xyajjuuky'äty tä jeexyë ujts xypyenyën, jëtu'un mëk y'itë tä ujtsën mëti'ipë tiktskäkpën ets ënät winë tuntë tä jeexyë tyëëmpätën. Ko mkajpxpaatyë nëkoopë je'eyë tyajmëtoyë, jä'ä ko wiinkë'ëy akë'ëy je'eyë mnikäjpxyë.

Isaías 37:31

Ja Judá ja'ayëty mëti'ipë jaakwë'ëmtëpën, jëtu'un nëjkx yontë jyiitstë tä aay ujtsën. Nëjkxëp tyiktskä'äktë ets nëjkxëp tyëëmpätë,

Salmos 105:44

ets myooyëtë ja naaxwiinyëtë mëti'ipë wiink kajpn jyä'ä'ajtypyën, ets ja jë'kxy pëky mëti'ipë wiink ja'ay nyitu'unëyën,

1 Crónicas 21:5

Ko ja Joab wyimpijty, ënät tukë'ëtëjkëy ja David ja mayjyä'äyxyëëw ets yaj'ijxpëtsëëmy ko jä'ä ënety ja Israel ja'ayëty nyimay'atë tu'kmillon ja tu'kmëko'px mil, aakyë'ë mëti'ipë maayëtëpën nyëjkxtëty tsiptuunpë. E jam Judá jä'ä yajmëtyoowpëtsëëmtë taxk mëko'px ja tëkë'px majk mil.

1 Reyes 4:25

Mapaat ja Salomón jyuuky'äjtyën, yë Israel ja'ayëty ets Judá ja'ayëty jampë Dan yajpaatën ets tyimja'ty jam Beerseba aak jotkujk y'ijtë; nitu'ukjaty aak kyë'ëmtuunk tyuunk'ajtëp; nyiyu'ujëtëp ja higo kepy ets ja parrë.

1 Reyes 4:20

Judá ets Israel, aak mëj aak këjääjëty ënety tmëët'atë ja nyaax kyajpnëty, ka'ap tjëkyepy nmëtsyo'owmëty; jëtu'un ja jyä'äyëty nyimay'ajtë tä nëë ajinën. Ma tääpë kajpnëtyën jë'kxy pëky ka'ap ënety y'ëmaaytyä'äky, aak akujk jotkujk ja ja'ay yajpaatë.

2 Samuel 7:10

Tëë näjyëtu'un tu'uk yë it naaxwiinyëtë nipëjktaakës maas yë naax nkajpn tsyëënëtëty jyuuky'atëty; mëti'ipë yë'ë kë'ëm tyimjä'ä'atëpën, ma ka'ap pën y'ëtsipëtëtyën ets ma ka'ap yë ëxëëkja'aytyëjk yajjtokëxëtyën jëtu'un tä të pya'tkë'p'atyën.

Salmos 44:3

Ka'ap ojts yë'ëkyëjxmëty myëta'aktë ko tmëët'atë kyë'ë ets pyujxn mëti'ipë myëtsiptuuntëpën; ka'ap ojts yë it naaxwiinyëtë tpaatë. Mijts ojts winë xytyuny mëët yë mëk'ajtën ets mëjaaw. Yë mtë'kxën mjajën yë'ë ojts winë tyaj'ixyë, ko mëj këjää ënety xytsyoky xyjyawë.

Isaías 5:2

Yajxon ojts naax tajyuky, wa'ats tpiiwpëtsëëmtaay ja tsaa ets ojts nakemy. Jam kam'itkujky ojts tu'uk ja tëjk tkojy, ets tnipëjktakëy ma ja tsatym yajwinma'atsëtyën. Ja nmëku'ukës jëtu'un tjëjp'ixy pa'ak yowë ja tsatym pyëtsëmëty, e ko ja tsatym ojts tyëëm'aty, aak xunëty ojts pyëtsimy.

Isaías 27:2

Jä'ä xëëw nëjkx ja Wintsën y'ënä'äny: Kuuy'ëw kuuya'axtë tsatsymkyam.

Jeremias 2:21

Jëtu'un ojts mijts njakojy njamä'kxy tä tu'uk yë tsatym aatsën oypyë juunpë mëti'ipë pyajk oy të pyëtsimyën. E mijts ëxëëk të mnätyunyë, ka'ap të n'ëk'ijxkajpnë.