Salmos 8:2 - Biblia Dc en Mixe de Quetzaltepec

² Mëët ja y'aaw y'ayuk ja pi'k ëna'këty mëti'ipë tsi'tspnëmën, yë'ë mëët të xykyojy tu'uk ja ijtakn ma ja mëtsip ka'ap mnitëkëtëty ets jëtu'un kyutëkooytya'atëty ja ëxëëkja'aytyëjk ets ja ëxëëk ijxpë.

Biblia Mixe de Quetzaltepec

² Mëët ja y'aaw y'ayuk ja pi'k ëna'këty mëti'ipë tsi'tspnëmën, yë'ë mëët të xykyojy tu'uk ja ijtakn ma ja mëtsip ka'ap mnitëkëtëty ets jëtu'un kyutëkooytya'atëty ja ëxëëkja'aytyëjk ets ja ëxëëk ijxpë.

Salmos 8:2 ပူးပေါင်းရင်းမြစ်များ

Salmos 148:13

Mmëjpëjkta'aktë ni'ëmukë Wintsën yë xyëëw, jä'ä ko yi'iyë tu'uk ijtp mëj'äämpy. Yë y'oyajtën ets xyoontakën jam yajpaaty tsajpkëjxm ets naaxwiiny.

Salmos 4:4

Mëët'atë ja näywyinkutsë'kën ets këtii mpokytyuntë. Ko ënety jam mmaanëtë mpo'kxnëtë, ëk'itë amonyë ets mëmay mëtajtë pën oy winë të xytyuntë.

Salmos 44:16

mëët koos yë nmëtsip xy'ëxëëk ixtë ets ko xyaj'ooka'antës.

Salmos 46:10

Näkyë'ëyakëtë. Ijxkajptëkës koos ëjts nTiosëty. Ëjts mëj'äämpy ijtp ma mëjëtypë naax kajpnën, Mëj'äämpyës n'ity ma naaxwiinyëtë y'ëwtityën.

Salmos 57:6

Yë nmëtsiptëjkës kanaakjëjp yë winma'any të t'ixta'atë mëti'ipës jeexyë ëxëëk xyajjajtp xyajkëpäjtpën; tëës xynyëë'ëtuk xytyu'u'ëtuktë, e yë'ë kë'ëm ëxëëk të jyat të kyëpätë.

Éxodo 11:7

Ets nëjkxëp näjyëtu'un xynyijawëtë ko yë Dios ëpëky tyaj'ity yë Israel kajpn mëët yë Egiptë kajpn, ma Israel ja'ayëtyën ni'uk kyawoja'any ets ni jëyujk tsajpkaa kyayajnipëtë'ëka'any.

Éxodo 15:16

Wintsën, wä'än tsë'ëkëtë, wä'än tsë'ëkëtë tjawëtë. Wä'än jëtu'unyë twë'ëmta'atë tä tsaajën mëët ja mëk'ajtën mkutujkën, koonëm ënety ja mnaax mkajpn të nyajxta'atë, ja mëti'ipë të xyjyä'äniwa'anyën.

Isaías 40:31

yë'ë tëyëty mëti'ipë yi'iyë Wintsën tyuk'ijxpäjtëpën xëmë amëk jotmëk yajpaata'antë ets jëtu'un nyäjyawëja'anëtë nipe'tym kupe'tym tä witsnën; jyëkyejpy mëk pyëyë'ëktëty ets jyëkyejpy pe'tym ye'eytyëty. Ka'ap y'ënu'kxëja'antë.

Isaías 6:3

Ets xim yam nyäy'ëna'anëtë: Wa'ats, wa'ats, wa'ats ja Wintsën mëti'ipë maaytyääyëpën winë; ujts ja naaxwiinyëtë yajpaaty mëët ja myëj'ajt y'oyajtën.

Habacuc 2:20

E yë Wintsën jap yajpaaty ma tsyajptëjkën wa'atspë, amonyë mëpaat yë naax kajpn jap yajpaaty yë'ë wyintuuy naaxwiinyëtë apëtsëmy.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

Mateo 21:16

ets t'ënëmaaytyë ja Jesús: ¿Mmëtoopy wi'ix tääpë ja'ay y'ëna'antënë? Tääts ja Jesús y'ëtsooy: Nmëtoopyës ¿e këtiinëm xykyajpxtë ja noky ma kuja'ay myinyën ko jëtu'un jyata'any kyëpäta'anyë? Ma y'ënä'änyën: mëët ja pi'k ëna'k ja y'iyëty, ja mëxu'unkëty mëti'ipë tsi'tstëpën, tëë xymyo'oy ja mëk'ajtën ets y'ëwtëty ya'axtëty.

Lucas 10:21

Näy jää it ma ja Jesús ënety jotkujk nyäjyawëtyën mëët ko ja Kënu'kxymyëkajtën ënety të tyuktëkëty, ënät y'ënäny: Dios Teety, Wintsën tsajpjotmëpë ets naaxwiinypë, nmëjja'ap njaantyjya'ap mijts, jä'äkyëjxm ko ja ja'ay mëti'ipë yu'unk naxym ja'ay'ajtëpën, tëë xytyuk'ixy xytyuknijawë mëti'ipë të xytyukwinkuyu'tsyën ja wijyjyä'äytyëjk. Jëtu'un, Dios Teety, jä'ä ko jëtu'un mijts të xytsyoky.

1 Corintios 1:27

E tëë ja Dios wyinwitsëtë mëti'ipë yajtijtëpën tsuuja'ay yaa naaxwiiny ets tyajtsëtyu'unpaata'any ja ja'ayëty mëti'ipë nätyijëtëpën wijy kejy; ets tëë ja Dios twinwitsy ja mëti'ipë yajtijtëpën ëmaay paki'ix ets tyajtsëtyu'unpaata'any ja mëti'ipë nätyijëtëpën amëk jotmëk.

1 Samuel 2:9

Yë ja'ay mëti'ipë oy mëtuunpën Kyëwent'ajtyp yë'ë oy maa tyimnëjkxy, E yë ëxëëkja'aytyëjkëty jëtu'unyë muum kyupi'its kyukootsëtë ets y'o'knëtë tyëkooynyëtë. Jä'ä ko atsip jyamëta'akantë ka'ap myëta'aktë.