Salmos 8:1 - Biblia Dc en Mixe de Quetzaltepec

¹ Wintsën, mëj'äämpyë yajpaatyën ma ëëtsëtyën, yë mxëëw yë'ë y'ënä'ämtääpy yë naax kajpn naaxwiinyëtë apëtsëmy, yë m'oy'ajt mëj'ajtën wyinajxyp yë tsajp.

Biblia Mixe de Quetzaltepec

¹ Wintsën, mëj'äämpyë yajpaatyën ma ëëtsëtyën, yë mxëëw yë'ë y'ënä'ämtääpy yë naax kajpn naaxwiinyëtë apëtsëmy, yë m'oy'ajt mëj'ajtën wyinajxyp yë tsajp.

Salmos 8:1 ပူးပေါင်းရင်းမြစ်များ

Salmos 8:9

Wintsën, mëj'äämpyë yajpaatyën ma ëëtsëtyën, yë mxëëw yë'ë y'ënä'ämtääpy yë naax kajpn naaxwiinyëtë apëtsëmy.

Salmos 148:13

Mmëjpëjkta'aktë ni'ëmukë Wintsën yë xyëëw, jä'ä ko yi'iyë tu'uk ijtp mëj'äämpy. Yë y'oyajtën ets xyoontakën jam yajpaaty tsajpkëjxm ets naaxwiiny.

Salmos 57:5

Dios, mëti'ipës nTios'ajtypyën, mijts jam tsajpkëjxm myajpaaty. Mijts myajwintujkpy yë naaxwiinyëtë mëët yë mmëj'ajt m'oyajtën.

Éxodo 15:11

Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Habacuc 3:3

Jamtsow yë Wintsën tsyoony ma Temán ets Parán y'itjotmën jamtsow yë Dios wa'atspë myiny. Yë myëj'ajt y'oyajtën jëtu'unyë jam tsajpkëjxm jyajwä'kxy ets ja naaxwiinyëtë ja'ay y'ëwtatyë ets wyin'ëw wyinyä'äxyë.

Salmos 145:1

Nimëtya'akäämpyës yë mmëjajtën, mijts Dios, mëti'ipës nTios'ajtypyën ets mëti'ipës n'ënä'ämpë'ajtypyën. Xëmë yë mxëëw nmëjjawëja'any nkënu'kxyjyawëja'anyës.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Isaías 26:13

Wintsën mëti'ipës nTios'ajtëpën, wiink ja'ay ëëts të nwintsën'atë, tyam myaj'ijxkajp ko mijts mWintsënëty.

Apocalipsis 19:6

Tääts nmëtooyës ijxtëm ja mayjyä'äy kyajpxtën, ijxtëm ja mëjnëë y'iitsy kyomyën ets ijxtëm ja ënääwën y'ënä'änyën: Tukxoontä'äky mëjjawë yë Dios yë xyëëw nyaxëty, jä'äkyëjxm ko yajkutujktsoony, ja Wintsën Mëti'ipë Maaytyääyëpën Winë.

Salmos 81:1

Kuuy'ëwtë mëët yë jotkujk'ajtën yë Dios, jä'ä ko yë'ë tu'ukyë ntukjotkujk'ajtëm. Tukxoonta'aktë yë Dios mëët yë yaxën jojkën ets xoontakën mëti'ipë Jacob Tyiosajtën.

Salmos 36:5

E yë mtsojkën mja'awën, Wintsën, jampaat tsajpwinm jyä'ty; ets mwa'atsajtën pyätyp yë tsuxk tsajp.

Deuteronomio 28:58

Ënet jëtu'un pën ka'ap xykyuuytyuny ja mëti'ipë të mjayajtukni''ixën ets ko ka'ap xywyintsë'ëkëty yë mWintsën.

Filipenses 3:8

Ni tiis tyam jëtu'un nka'ixy tsyowpaaty ijxtëm ja oyajtënën mëti'ipë yajmëët'ajtpën ko ja Kristë Jesús të yajnijawë, mëti'ipës nWintsën'ajtypyën. Mëët koos ja Kristë të nmëpëky tëëjës winë nyajtëkooytyä'äy, aak pu'uxmën tu'kë'ëyë winë njawës koos ja Kristë npaata'any,

Salmos 84:1

Wi'ixpëm y'oyëty yë mtsajptëjk, Wintsën mëti'ipë maaytyääyëpën winë.

Salmos 68:4

Win'ëwtë miitsëty yë Dios, ëwtë yë ëy yä'äxy oyëtypë ets jëtu'un yë xyëëw mëjjawëtë, tukxoonta'aktë mëti'ipë jam tsajpjotm ijtpën tsënääpyën. Xoonta'aktë jam ma Wintsënën. Xoontä'äky yajpaatë ma yë'ëjën.

Salmos 63:1

Dios mëti'ipës nTios'ajtypyën, mijts nTiosniwäämpy, jëtu'un nyajmëyäty tä yë ja'ay nyëtëëtsën; tëkokyë yë njot nini'kxës mijts myajmëyajtëp, jëtu'un tä yë të'ëtsnaax nëë tyajmëyätyën.

1 Reyes 8:27

Je'eyëp ko ¿Wä'än jëtää tyiyëty ko yë Wintsën jyëkyejpy jyuuky'atëty naaxwiiny naaxkëjxyë? Ix yë tsajp, ix jënu'un myëjëty ets ka'ap myäyë nyikojta'ajëtëty. E ya'atë tsajptëjk mëti'ipës yam të nkojyën tim yi'inëm yë'ë.

Efesios 4:10

Ets mëti'ipë të kyëtä'äkyën yë'ë jatëkok të pya'tëkë këjxm jam tsajpjotm ets tyawintujkta'aja'any ja tsajp.

Cantares 5:16

Yë pya'kxwiin pa'ak jyawë. Oy ntsojkën'ajtmëty. Jëtu'un y'ixëty yë ye'etyëjk mëti'ipës ntsojkpyën, mëtowtë yajxon miitsëty to'oxytyëjktëjkëty mëti'ipë Jerusalén kukajpnajtëpën.

Juan 20:28

Ënet ja Tomás y'ëtsooy: Mijts nteety'äjtyp, mijts nTios'ajtyp.

Mateo 22:45

¿Wi'ixtsën ja David yë'ë t'u'unk'aty t'ok'aty ja Kristë, pën yë'ë kë'ëm myëkäjpxyp Wintsën?