Salmos 76:9 - Biblia Dc en Mixe de Quetzaltepec

⁹ Mijts Dios, ko mpëtë'ëky ets xytyuna'any ja nipaye'eyën, ets xyaj'ëwaatsëpëtsëma'any tëkokyë, mëti'ipë ëxëëk yajtuun yaj'ënëmaaytyëpën yaa naaxwiiny naaxkëjxy.

Biblia Mixe de Quetzaltepec

⁹ Mijts Tios, ko mpëtë'ëky ets xytyuna'any ja nipaye'eyën, ets xyaj'ëwaatsëpëtsëma'any tëkokyë, mëti'ipë ëxëëk yajtuun yaj'ënëmaaytyëpën yaa naaxwiiny naaxkëjxy.

Salmos 76:9 ပူးပေါင်းရင်းမြစ်များ

Mateo 5:5

Jotkujk yë ja'ay yajpaatë mëti'ipë yu'unk naxymëtyën, jä'ä ko yë'ë naaxwiinyëtë kyuma'ayën'atantëp mëti'ipë të yajtukwinwanëtën.

Sofonías 2:3

Yë'ë Wintsën ixta'atë, miitsëty ninu'un yu'unk naxym mjuuky'atën ets ninu'un xymyëmëtowtën yë y'ënä'ämën kyutujkën. Tëyajtën winë xytyuntëty ets yu'unk naxym, wä'änxyëp yë tsoktakn xypyaatëty ko ënety ja Wintsën jyoot'anpëky.

Isaías 11:4

Nyipaye'eyäämpy ja ja'ay mëti'ipë yajpatëpën ëmaay paki'ix ets kyuwa'anäämpy ja ëyoopëja'ay ets ja mëti'ipë patëtëpën.

1 Pedro 3:4

yë'ë oy tsuj myaj'ittëp ja mjot mwinma'anyëty mëti'ipë ka'ap kyixy nyäxyën, mëti'ipë oyën ets yu'unk naxymën. Ja jëtu'unpë ja oyajtën yë'ë yë Dios yajtsowpatyp.

Jeremias 5:28

je'eyë ni'kx të y'awinpijnë ko jyi'kxy janaam jatsojk. Ka'ap yajnijawë naak ok të tyuuntëkoy të kyajpxtëkoy: Ko ja ku'ooky u'unk yajnipaye'eyä'äny, ka'ap tnipaye'eytyë mëtëy, mëti'ipë ja ëyoopëja'aytyëjk ja paatë'ajtëtëp, ka'ap tmëmay tmëtajy ets ka'ap tputëkë.

Salmos 149:4

jä'ä ko Dios tyukxoontäkpy yë nyaax kyajpn; yajmëtäkpy yë ja'ay yu'unk naxymyëpë jyuuky'atën.

Salmos 72:4

Nyipaye'eyëp ja ëyoopëja'aytyëjk, ets tmo'ojëty ja jotkujk'ajtën ja y'u'unk y'ëna'k ets tukumëtowëty ja ja'ay ja nyëë pyoky mëti'ipë ja myëku'uk tyiytyuunpyën ets wyojpy kyä'tsypyën.

Salmos 25:9

ets tyu'uwinwoopy tyu'uwinwijtsyp yë ja'ay mëti'ipë yu'unk naxym ja'ay'ajtpën. Tyukni''ijxëp wi'ix winë oy tunëtyën.

Habacuc 2:20

E yë Wintsën jap yajpaaty ma tsyajptëjkën wa'atspë, amonyë mëpaat yë naax kajpn jap yajpaaty yë'ë wyintuuy naaxwiinyëtë apëtsëmy.