Salmos 74:5 - Biblia Dc en Mixe de Quetzaltepec

⁵ ma ja nyi'akajën ja tëjkëtyakn. Jëtu'un yaj'ijxnëtë tä yë ja'ayëtyën mëti'ipë ja'axytyo'ktëpën, mëti'ipë yuukjoty ja'axy ixtaaytyëpën.

Biblia Mixe de Quetzaltepec

⁵ ma ja nyi'akajën ja tëjkëtyakn. Jëtu'un yaj'ijxnëtë tä yë ja'ayëtyën mëti'ipë ja'axytyo'ktëpën, mëti'ipë yuukjoty ja'axy ixtaaytyëpën.

Salmos 74:5 ပူးပေါင်းရင်းမြစ်များ

2 Crónicas 2:14

Yë'ë yë myaank tu'uk yë to'oxytyëjk, mëti'ipë Dan jyä'äy'äjtypyën ets tyeety yaa yë Tirë kyukajpnëty. Yë'ë nyija'ap wi'ix tuunk'atëtyën yë pu'ts pujxn, poop pujxn, tsuxkpujxn, juunpujxn, tsaa oyjyätypë ets kepy; wit, mëti'ipë wyooxën tsapts, uky ets tsu'unk; yë'ë tyukjajtyp näjyëtu'un wi'ix winë oy tyaj'ijxëntëkëtyën, wi'ix jyo'okëtyën ets oy tyajkëxë'ëkëty ma tiijaty yaj'oytyuna'anyën ets tyuunmuka'any mëët yë mja'ay ets ja'ayëty mëti'ipë ojts yë mteety David tyajtunyën, ëjts yë nwintsënës.

1 Reyes 5:6

E mijts yam mpëjktsoopy ets jeexyë xy'ëwa'atsy wä'än jam tyajpuxy yë ajë kepy jam Líbano, mëti'ipë tunëpën ko ja tsajptëjk ënety kyojy. Tyam ëjts kë'ëm yë ntuunpës n'ixëty mëti'ipë pyutëkëtëpën ja mja'ay ma ënety jam ja kepy tyukyën, e mijts kë'ëm mtsowmo'ojëp jënu'un ënety winë tsyoowpaatyën ets nkuju'uymyëty ets näjyëtu'un jënu'un ja mtuunpëtëjk yajmëjuya'antën, jä'ä ko mijts wa'ats xynyijawë ko ëëtsëty ka'apës nijawëtë wi'ix yë kepy yajpuxy yajka'atsy, jëtu'un tä tnijawëtën yë Sidonië ja'ayëty.