Salmos 74:3 - Biblia Dc en Mixe de Quetzaltepec

³ Min ix wi'ix ya'atë naax kajpn xit ko'ow yajpaatyën ets ka'ap tii a'ijxën jëna'a jyëjpkëxy. Yë mëtsip yë'ë të tyajkutëkooytyä'äy winë mëti'ipë ënety jap yajpatëpën tsajptëkoty.

Biblia Mixe de Quetzaltepec

³ Min ix wi'ix ya'atë naax kajpn xit ko'ow yajpaatyën ets ka'ap tii a'ijxën jëna'a jyëjpkëxy. Yë mëtsip yë'ë të tyajkutëkooytyä'äy winë mëti'ipë ënäty jap yajpatëpën tsajptëkoty.

Salmos 74:3 ပူးပေါင်းရင်းမြစ်များ

Daniel 9:17

Mijts Dios, mëtoow'it ja jëëytyak nu'kxtakën mëti'ipë ya'atë mtuunpë yäjkpyën; yajmëjnax mxëëw Wintsën, ets ko xymyëët'aty ja tsojkën ja'awën, ni''ijxkëta'ak yë mnaax mkajpn ets mtsajptëjk, ix o'ktëy të jyajnë.

Lamentaciones 1:10

Tëë yë mëtsip tjä'äpëjkta'ay mëti'ipë Jerusalén jyä'ä'ajtypyën. Ojts yë naax kajpn t'ixy wi'ix kyajpntëjkëtyë yë ja'ayëty mëti'ipë wiink tios y'ëwtajtëpën, ja ja'ay mëti'ipë mnikajpxën ets ka'ap nijëna'a jap tyëkëtëty ma mjëën mtëjkën ma nätyu'ukmukë y'ityën.

Salmos 79:1

Mijts Dios, yë ja'ayëty mëti'ipë y'ëwtajtëpën ka'apë tiosëtyën, tëë tniwa'kta'atë tëkokyë mëti'ipë mijts mjä'ä'ajtypyën, tëë tyajma'ta'atë yë mtsajptëjk ets xit ko'ow të tuunta'atë yë Jerusalén kajpn.

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.

Marcos 11:17

Ets ja Jesús tyëjkëy yaj'ijxpëjkpë, jëtu'un y'ënäny: Jëtu'un ja Dios ja y'aaw y'ayuk kuja'ay myiny: Yë ntëjkës jä'ä wya'anëty Dios ëwtajtakn. E miitsëty, jëtu'un xywyanëtë ijxtëm yë mä'tspë tsyënaaytyaknën.

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Miqueas 1:3

Tsoonaanp yë Wintsën jam ma y'ityën ets ye'epy myina'any jam tunkëjxm kopkkëjxm.

Daniel 11:31

Yë tsyiptuunpëtëjkëty nëjkxëp tyaj'ëxëëkëtë ja tsajptëjk mëti'ipë ta'tspëkpyë, nëjkxëp t'akajpxtuktë këtiipë pën tyakëty ja wyintsë'kën jëpom jëpompë yajyäkyën ets nëjkx jam tpëjkta'aktë ja nëkooyëpë y'ëxëëk'ajnën ets mya'at'ajnën ma ja wintsë'këntyaknën.

Daniel 9:27

E ja tu'k sëmaanpë wyi'imyën, jää nëjkx mëët kanaak yë naax kajpn käjpxytyu'unën tuny, e sëmaanjoty jää t'akajpxtuka'any këtiipë wintsë'kën yajyäkyën. Ets tu'uk yë mëjpoky yajtuna'any ma ja wintsë'kënytyaknën ma yajyäkyën ja wintsë'kën, koonëm ja o'kën tyukja'tëtëty ja mëti'ipë ënety ja ëxëëkajtën tyuuntëkoopyën.

Jeremias 52:13

ets tno'ktëkooy ja tsajptëjk ets ja kutujkëntëjk ets ja jëën tëjk jampë kajpnjotm yajpaatyën, yë'ë ni'ik ja wintsëntëjkëty ja jyëën tyëjkëty mëti'ipë ënety mëj'äämpy të y'itën;

Isaías 61:4

Nëjkxëp yajkoj'oyëtë ja tukpotsy, nëjkxëp yajkoj'oyëtë ja tuk tëjk, ets y'o'oyëtya'ajëty ja mëjëtypë naax kajpn mëti'ipë të kyutëkoytyën.

Isaías 25:10

Yë Wintsën yë'ë kyuwa'anäämpy yë Sión kajpn, ets Moab tnaaxkutäänëja'any tä ja'ay t'ateeny tukteenyën aay pu'uxmën.

Isaías 10:6

Nkäxäämpyës tu'uk yë kajpn ëxëëkpë kyajpn'atyën ma ja kajpnën mëti'ipës të xyajjoot'anpëkyën; yë'ë myajts'ta'ajäämpy ets tpëjkëtya'aja'any mëti'ipë myëët'ajtëpën, tääpë kajpn jëtu'un nëjkx t'atään tuktääntë tä ja'ay naax tä'än'ookyën.

Salmos 44:26

Pëtë'ëk, min putëjkëtëkës, yajtsoktëkës mëët yë këjääpë mtsojkën mja'awën.

Salmos 44:23

¿Wi'ix ko mma'ay Wintsën? Ëkwij, këtii mmaanaxy. Këtiis xëmë xyjyä'äytyëkoytyë.

Nehemías 2:13

Jä'ä tsu'um ntso'onyës, jamës najxy matsow ja tëjk'aawën mëti'ipë nëjkxpën jam joyjyotm, ma ja nëëwooky yajtijyën Dragón etsës najxy ma ja nyitëjk'aawën pu'uxm ko'owtakn yajko'oyën, tääjës n'ijxtaay wa'ats wi'ixjaty ja naax kajpn ënety yajpaatyën, maajaty ënety potsy të jyity ets mëti'ipëjaty ënety ja tëjk'aaw të tyoy.

Nehemías 2:3

tääjës n'ëtsooy ja yajkutujkpë: Mëjwintsën, ma njuuky'ätyën xëmë. ¿Wi'ixëtën ëjts nkamon nkatukëtyës, koos nijawë'aty maas ja n'ap n'ok nyaaxtëjkëtyën axit ako'owë jam je'eyë të yajtuuntaaynyë ets ja naax kajpn ja nyitëjk'aaw jëna'ajëp ja mëtsiptëjk tnino'ktaaynyëtë?

Nehemías 1:3

Tääjës xy'ëtsoowtë: Mëti'ipë ojts kyä'äktën ets ka'ap yajwojpëtsëëmtë nyaaxjotyëty, jam tsyënaaytyajknpëjktë ma mutskëtypë ja kajpnën, yë'ëjëty yajxon jam mëk y'ëyoownëtë ets natsëtyu'unënëp kë'ëm ko n'ëk'ijxmëty wi'ix jyatën kyëpätën. E yë Jerusalén kajpn ënät, yë'ë tëë ja pyoty jyijtë'ktaaynyë ets ja nyitëjk'aaw jëna'ajëp ja ja'ay t'ano'ktutaaynyë.

Josue 10:24

Ko jam twoowmiintë ma Josuéjën, tä ojts twoowmujkta'ay ja ja'ayëty, mëti'ipë jam yajpatëpën ma Israel kajpnën ets t'ënëmaay ja tsiptuunpë wintsënëty: Mëjwa'aktë ets xyo'kmëtäänëtëty tyaapë yajkutujkpëtëjk, yë'ëjëty ojts jëtu'un tuntë,

Apocalipsis 11:2

Je'eyëp ko këtii xykijpxëty ja Dios ja tyëjk tëja'aw, jä'ä ko tëë yë ja'ay yajkë'ëmo'otë mëti'ipë ka'ap jyutiis'atën, mëti'ipë y'ëxëëktunantëpën wëxtyikxy mäjtsk po'o ja wa'ats kajpn.

2 Reyes 25:9

ets tjëën ixko'onëtyë ja tsajptëjk, ja akujktëjk ets tëkokyë ja jëën tëjk mëti'ipë ënety jam kajpnjotm yajpatëpën; jä'ä nyino'ktë jëyëjp ja tyëjkëty ja wintsëntëjkëty,