Salmos 74:2 - Biblia Dc en Mixe de Quetzaltepec

² Ja'amyäts yë mnaax mkajpn mëti'ipë ojts xypyäätyën ets xyjyä'äniwany; mëti'ipë ojts xyajpëtsëmyën ma ënety ëxëëk jyätyën kyëpetyën ets mijts xyjyä'ä'ata'any. Ja'amyäts yë mtun mkopk mëti'ipë txëëwajtpën Sión, ma mijts ojts m'ity mtsëënën.

Biblia Mixe de Quetzaltepec

² Ja'amyäts yë mnaax mkajpn mëti'ipë ojts xypyäätyën ets xyjyä'äniwany; mëti'ipë ojts xyajpëtsëmyën ma ënäty ëxëëk jyätyën kyëpetyën ets mijts xyjyä'ä'ata'any. Ja'amyäts yë mtun mkopk mëti'ipë txëëwajtpën Sión, ma mijts ojts m'ity mtsëënën.

Salmos 74:2 ပူးပေါင်းရင်းမြစ်များ

Jeremias 10:16

Yë Dios mëti'ipë Jacob Tyios'ajtypyën tëkatsy yë'ë, yë'ë yajkoj winë. Ojts twin'ixy yë Israel ko yë'ë tkajpn'ata'any. Jä'ä txëëwaty Wintsën mëti'ipë maaytyääyëpën winë.

Deuteronomio 32:9

Jä'ä ko mëti'ipë yë Wintsën kyuma'ayën'ajtypyën yë'ë yë Jacob yë y'u'unk y'ëna'k ets yë'ë jyä'ä'ajtyp.

Éxodo 15:16

Wintsën, wä'än tsë'ëkëtë, wä'än tsë'ëkëtë tjawëtë. Wä'än jëtu'unyë twë'ëmta'atë tä tsaajën mëët ja mëk'ajtën mkutujkën, koonëm ënety ja mnaax mkajpn të nyajxta'atë, ja mëti'ipë të xyjyä'äniwa'anyën.

Éxodo 15:13

Yë'ë mëët yë mtsojkën mja'awën ya'atë naax kajpn xytyu'uwinwoy mëti'ipë të xyajtso'okyën. Yë'ë mëët yë mëk'ajtën jam xyajnëjkxy jam ma mtsajptëjkën.

Salmos 135:4

Yë'ë ojts twin'ixy yë Jacob mëti'ipë yajtijpën Israel, ets yë'ë jëtu'un tjawëja'any tä kyë'ëm wit kyë'ëm meenyën.

Deuteronomio 4:20

E miitsëty, Dios ojts kë'ëm mtimjyuutëtë jap Egiptë, ma ënety myajpaatën mëj jëënjotypyën ets mkajpn niwanëtë.

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Dios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Dios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Dios jyä'äy'äjtypyën mëti'ipë të tku'ookën.

Jeremias 51:19

Tëkatsy ni'ik yë Jacob yë Tyios, mëti'ipë yajkojtaayën tëkokyë winë. Yë'ë wyin'ijx yë Israel kajpn ets yë'ë tjä'äpëjky. Jä'ä txëëwaty Wintsën mëti'ipë maaytyääyëpën winë.

Isaías 63:17

Mijts Wintsën, ¿wi'ix ko të xyajkutuky ets ntu'utëkatstëtyës, etsës ni'ik ja njot nwinma'any mëk npëjkta'aktëtyës këtiipë myajwintsë'ëkëty? Yajtëkats ja mjot mwinma'any mëët ko xytsyoky xyjyawë ja mtuunpë ets ko xytsyoky xyjyawë ja mja'ay.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Isaías 62:12

Ets Israel ja'ayëty yajtijanëtë Ja wa'atspë ja naax kajpn. Mëti'ipë yë Wintsën të yaj'ëwaatsëpëtsëmëtën, ets näjyëtu'un ja Jerusalén kajpn mëkpë yajtsokyën. Ja naax kajpn ka'apë yaj'ëxmatsyën nätyu'uk.

Isaías 51:11

Jëtu'un nëjkx wyimpitë mëti'ipë ënety mijts të xyaj'ëwaatsëpëtsëmyën ets nëjkx kyajpntëkëtë xoontä'äky jam Sión, mëët ja ëy yä'äxy; jam nëjkx yaj'ixtë wyiinkëjxm jyëjpkëjxm ko ënety jotkujk yajpaatë; akujk jotkujk nëjkx y'itë, ka'ap yuu pa'am tmëët'ata'antë, ets ja jë'ëyën yaxën jëtu'unyë nëjkx tyëkooytyä'äy.

Salmos 106:40

Yajxon yë Wintsën ojts ja kyajpn tukjoot'anpëky, paaty ojts ka'ap tmo'oy mëti'ipë ënety ja patëtëpën,

Salmos 77:15

Mëët yë mmëkajtën ojts xyjyuuty yë mnaax mkajpn jam o'kënjëjp'am, yë y'u'unk y'ëna'k yë Jacob ets José.

Salmos 68:16

Miitsëty jënu'un jam mnaxtën mtëkëtën tunkëjxm kopkëjxm, ¿wi'ix ko ëxëëk xy'ixtë ja kopk ma ja Dios tsyëënëja'anyën? Yë Wintsën xëmëkyëjxm jam y'ita'any.

Salmos 33:12

Jotkujk yë naax kajpn yajpaaty mëti'ipë yë Dios Wyintsën'ajtypyën, ja naax kajpn mëti'ipë Dios të twin'ixyën ets yë'ë nyätyukjä'ätijyë.

Salmos 9:11

Win'ëw winya'axtë yë Wintsën, mëti'ipë ënä'ämpën jam Sión; tuk'ëwaanëtë yë naax kajpn mëti'ipë të tunyën.

Deuteronomio 9:29

E mijts Wintsën wa'ats xynyijawë, ko ya'atë naax kajpn, mijts mkajpn'ajtyp, mijts kë'ëm të xyjyuuty jap Egiptë mëët yë mmëjajtën ets mkutujkën.

Deuteronomio 9:26

Etsës nmënu'kxtäky, n'ënëmaayës: Wintsën tun yë mëyajtën, këtii ya'atë naax kajpn xyajkutëkoy, mëti'ipë mijts mkajpn'ajtypyën, mëti'ipë të xyjyuutyën jap Egiptë mëët yë mmëjajtën mkutujkën.

Salmos 9:12

Dios jyä'ämyejtsyp yë ja'ay mëti'ipë yuujoty pa'amjoty yajpatpën ets ka'ap tja'atyëkoy ja jyi'iyën yaxën; tyiytyuunpy mëti'ipë ëxëëk ëtëtsp ënaanpën.

Salmos 94:14

Yë Wintsën ka'ap yë nyaax kyajpn t'ëxmatsa'any ets ka'ap atu'uk tyajwë'ëma'any mëti'ipë jyä'ä'ajtypyën.

Isaías 62:6

Jerusalén, jam ma mpotsykyopkën tëëjës jam npëjktä'äky yë këwent'ajtpë, xëëny koots y'ëna'antë: Këtii m'ëmontë miitsëty mëku'uktëjkëty mëti'ipë Wintsën myëkajpxtëpën,