Salmos 74:1 - Biblia Dc en Mixe de Quetzaltepec

¹ Dios, ¿wi'ix koos xëmëkyëjxm xy'ëxmats xymyajtstu'utë? ¿Wi'ix ko nëkooyë të xytyimtukjoot'anpëky yë m'u'unk m'ëna'k mëti'ipë jëtu'un mmëët'ajtypyën tä yë kupixyny ëna'k myäytyänëtën mëëykyijxy ujtskëjxy?

Biblia Mixe de Quetzaltepec

¹ Tios, ¿wi'ix koos xëmëkyëjxm xy'ëxmats xymyajtstu'utë? ¿Wi'ix ko nëkooyë të xytyimtukjoot'anpëky yë m'u'unk m'ëna'k mëti'ipë jëtu'un mmëët'ajtypyën tä yë kupixyny ëna'k myäytyänëtën mëëykyijxy ujtskëjxy?

Salmos 74:1 ပူးပေါင်းရင်းမြစ်များ

Deuteronomio 29:20

Yë Wintsën ninu'un nëjkx jëtu'unpë poky tkame'kxy, nëjkxëp ja ja'ay tëytyuny mëti'ipë ënety të yajjoot'anpëkyën ets ja pojkën mëti'ipë yajnikajpxpën jap ma ja nokyën wa'ats nëjkx tyuka'ata'ayë. Ja Wintsën nëjkxëp tjo'tsta'ay ja y'u'unk y'ok yaa naaxwiiny.

Salmos 100:3

Ja'amyätstë ko Wintsën yë'ë Tios'ajtp; yë'ë të xyajkojëm, e paaty yë'ë xyjyä'äniwa'anëmë. Yë'ë xykyajpn'ajtëm ets yë'ë xy'ijx'ijt xykyëwent'ajtëm tä ja'ay kyupixyny tkëwent'atyën.

Salmos 79:13

ets ëëtsëty, maas nxëëwatën mijts mnaax mkajpn, ets koos jëtu'un xykyëwent'atë mkamjoty tä ja'ay yë kupixyny tkëwent'atyën, ets tyajtänën yë kyupixyny mëëynyakjoty, kë'ëyxyëëw kë'ëyjyëmëjt nkukajpxëja'antë, ets nwin'ëwa'antë ma mijts myajmëjpëjktä'äkyën winë xëëw winë jëmëjt.

Salmos 95:7

Jä'ä ko Dios yë'ë n'ëwtajtëmë ets xykyajpn niwa'anëmë, jëtu'un xymyëët'ajtëmë tä yë ja'ay yë tsyajppax tkëwent'atyën. Mëtoow'itë tyam mëti'ipë ntukmëmëtya'akanëtëpën.

Salmos 44:9

E mijts tëës xy'ixtijtë, tsëtyu'unmëëtës të xyajwë'ëmtë. Ka'ap mëët m'ëk tso'onë ntsiptuunpëtëjkëtyës.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Ezequiel 34:31

Miits nkupixyny'ajtëp, mëti'ipë jam tënaaytyëpën maas yë nmëëykyamën. Ëjts xyTyios'ajtëp. Ëjts Wintsën, ëjts ënaanp.

Jeremias 31:37

Jä'ä xëëw ma ënety yajkijpxy yajtsa'atyën yë tsajp ets yaj'ixy yë naaxwiinyëtë mapaat jyëjpkëxyën, jä'ä xëëw nëjkxëpës yë Israel ja'ayëty n'ixtijnëtë mëët ko ënety ëxëëkjaty winë të tuntë. Ëjts Wintsën, ëjts ënaanp.

Jeremias 23:1

Jëtu'un yë Wintsën y'ënä'äny: Janty mon janty tuk yajpaatë yë kupixyny këwent'ajtpë mëti'ipë nyäy'ijxtëpën ko ye'eytyëkoy yë nkupixynyës.

Salmos 79:5

Mijts Wintsën, ¿Jëna'apaat mijts mjoot'anpëka'any? ¿Xëmë yë mjoot'an tyoyä'äny tä jëënënë?

Salmos 77:7

¿Wä'än jëtää yë Wintsën xëmë äjkëp yajpaata'anyë? ¿Ka'ap jëtää nijëna'a jatëkok xy'oyjya'awëmëtyë?

Salmos 42:11

¿Wi'ixës ko nkumon nkutukëty? ¿Wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

Ezequiel 34:8

Ëjts Wintsën, njuukyajtënës yam ntukajpxpejtyp: Tëë jëyujk kanaakjëjp tmä'tsta'atë yë nkupixynyës ets të ttsu'utstë, jä'äkyëjxm ko ka'ap tmëët'atë këwent'ajtpë. Yë nkupixynykyëwent'ajtpës ka'ap të t'ixta'atë ja nkupixynyës. Yë kupixyny këwent'ajtpë kë'ëm tyäty nyäkyëwent'atëtë ets ka'ap tkëwent'atë yë nkupixynyës.

Salmos 78:1

Naax kajpn mëti'ipës njä'ä'ajtypyën, mëtoow'it yë n'ijxpëjkënës; tuk'akonëtë yë mkopk mtatskëty mëti'ipës yam nikajpxäämpyën.

Salmos 60:10

Jä'äxë ko mijts, Dios, tëës xy'ëxwa'antë; ka'ap tyam xy'ëkpanëjkxnë ja ntsiptuunpëtëjkëtyës.

Salmos 60:1

Mëëtkyëjxm ko të mjoot'anpëky, mijts Dios, paaty ëëtsëty të xy'ëxmatstë, ixpëky ixtuny të xyajwë'ëmtës; e tyam ënät, tun yë mëyajtën mooytyëkës jatëkok ja jot mëjaaw.

Salmos 42:9

Jëtu'unës Dios n'ënëëmë mëti'ipës xykyuwaanpën: ¿wi'ixës ko xyjyä'äytyëkoy? ¿Wi'ix koos nyajpaatëty jë'ë ya'ax ko ja nmëtsipës ëxëëk y'ëti'itsy y'ënä'äny?

Salmos 18:8

Ojts jok pyëtsimy ma jyëjpën, ets ma y'aawën jëën jap pëtsëëm mëti'ipë yaj'o'kpën. Ojts jëënpajk tka'tspëtsëmy y'aawjoty.

Salmos 10:1

Wintsën, ¿wi'ix ko jëkäm myajpaaty? ¿Tii ko jää mnäyu'utsyë ma ëyo'on jotmay y'ityën?

Éxodo 32:11

Yë Moisés ojts tjayajxäämanë mëktä'äky ja Wyintsën Dios ja jyoot'an mëët ya'atë aaw ayuk: Wintsën, ¿wi'ix ko nëkooyë xytyimtukjoot'anpëky yë mnaax mkajpn, mëti'ipë mijts kë'ëm mju'tën jap Egiptë mëët yë mmëjajtën, mëti'ipë jap myaj'ijxën mëj këjää?

2 Reyes 21:14

E ja naax kajpn mëti'ipë ënety jaakwë'ëmtëpën, ka'apës n'ëkajpnniwa'ananë, ntimy'ëxmatsäämpyës wä'än t'ixy pën nimiinëp ja myëtsip ets pën nitëjkëyëp kyajpnjoty ets pën mä'tstaayëp.

Salmos 50:1

Yë Wintsën mëti'ipë Tios'ajtpën ma wiinkëtypë tiosën, tëë kyäjpxy; tëë tmëkäjpxy tëkokyë ja'ayëty jënu'un tsyëënëtën naaxwiiny naaxkëjxy anajnytsyowpë, a'oytsyowpë.

Salmos 77:8

¿Tëë jëtää jäpaat kyixy nyäxy yë tsyojkën jya'awënë? ¿Tëë jëtää kyixy nyäxy ja wyaantakën xëmëkyëjxmë?

Salmos 80:5

Yë nwiinnëëjëtyës yë'ëjës të xytyukjë'kxtë; ka'ap y'ëk'ëmaay'ajnë, mëpaatëpës n'uknëtë,

Salmos 85:6

¿Tii këtii ëëtsëty xy'ëkyajjuuky'atanëtë, ets ja mkajpn mtukxoonta'akëtëtyë?

Isaías 64:8

E mijts Wintsën, je'eyëm nteety'atë e ëëtsëty jëtu'un tä mo'ontsën ets mijts mnajxp tä tu'ts pojtspën; aakmijts ëëts të xyajkojtë.

Lamentaciones 5:22

Mijts je'eyë ëëts të xy'ixtij xy'ëxwanëtë; mëj këjää yowë të mtimjyootanpëky ma ëëtsëtyën.