Salmos 73:3 - Biblia Dc en Mixe de Quetzaltepec

³ Jä'ä ko ëxëëkës të nmëtsip'aty yë ëxëëkja'aytyëjk mëti'ipë winë pyatëp y'ijxtëpën, mëti'ipë amëj akëjxm ja'ay'ajtëpën.

Biblia Mixe de Quetzaltepec

³ Jä'ä ko ëxëëkës të nmëtsip'aty yë ëxëëkja'aytyëjk mëti'ipë winë pyatëp y'ijxtëpën, mëti'ipë amëj akëjxm ja'ay'ajtëpën.

Salmos 73:3 ပူးပေါင်းရင်းမြစ်များ

Job 21:7

¿Tii jëtää ko yë ëxëëkja'aytyëjk jeky jyuuky'ajtëpë, mëjja'ayëtëp ets oy mëk xëmë yajpaatë?

Jeremias 12:1

Wintsën, ko n'ëktëjkëmëty mëtyakpë, mijts aak mëtëy winë xynyimëtyä'äky, je'eyëp ko oy jyajëtu'unëty ëjts nmëët'ajtypyës tu'uk mäjtsk yajtë'ëwën. ¿Wi'ix jëtää ko jotkujk jyuuky'ajtëpë ja'ay mëti'ipë ëxëëk ja'ay'ajtëpën, wi'ix jëtää ko ka'ap tii tmaytyë tajtë yë ja'ayëty mëti'ipë myëku'uk nyikäjpxytyu'unëpën?

Proverbios 23:17

Këtii xy'ëxëëk ixëty yë pokyjyä'äytyëjk; nikë yë'ë xëmë Dios yajmëjnax;

Salmos 37:7

Ko myajpaatëty Wintsën wintuuy amonyë m'itëty; je'eyë ëwxit mä'kxtuk, xy'a'ix xyjyëjp'ixëty jëna'a mputëkëty. Këtii xy'ëxëëkjawëty ko yë ja'ay nyämyëmëta'akëtëty ma jyuuky'ajtënën, ets ko pën ëxëëk winë tuknipëjktaakëty.

Salmos 37:1

Këtii mjoot'anpëkëty ko jyää'atë ëxëëkja'aytyëjk, këtii xy'ëxëëk'ixëty yë ja'ay mëti'ipë ëxëëk ëtëtstëp ënantëpën,

Proverbios 24:1

Këtii xy'ëxëëk'ixëty yë ëxëëkja'aytyëjk; ets këtii xywyinmayëty jam myajpaata'anëty ma yë'ëjëtyën.

Santiago 4:5

Tam tii ko ja Dios ja y'aaw y'ayuk këxja'aypyë y'ënä'änyën: Xytsyojkni'ikëm ëëtsajtëm ja Kënu'kxymyëkajtën mëti'ipë Dios të tpëjktä'äkyën ma ja njoot'ajt nwinma'any'ajtëmën, ets ka'ap tsoky ets wiinkpë xyjyä'ä'ajtmëty.

Proverbios 3:31

Këtii yë ja'ay xy'ëxëëk'ixëty mëti'ipë ka'ap yë wyinma'anyën, ni xykyatunëty jëtu'un winë ijxtëm yë'ë winë tunyën;

Job 12:6

Yë ja'ayëty mëti'ipë ëxëëk ëtëtstëp ënantëpën, jotkujk mya'atë pyo'kxtë ma jyëën tyëjkëtyën; mëti'ipë Dios myëkajpxtëkooytyëpën, jotkujk tyimnax tyimtëkëtë, jëtu'un myäytyë tyajtë ko aak kyë'ëjotjotm winë tmëët'atë.

Job 17:8

Ko jëtu'un t'ixtë yë oyjyä'äytyëjkëty je'eyës xynyimon xynyituktë; je'eyës xytyukjoot'anpëktë ets ëxëëkës xytyijtë.

Job 24:23

Dios yë'ë yajjuuky'ajtëtëp akujk jotkujk, je'eyëp ko ijxëtëp wi'ix nyë'ëye'ey tyu'uye'eytyën.

Salmos 10:5

Xëmë nyänyikäjpxyë winë oy wyimpëtsë'ëmxëty mëti'ipë tyuunpyën. Mëët yë'ë jëkäm yajpaaty ja mnipaye'eyën, jëkäm yajxon, ka'ap t'ixy. Je'eyë nëxi'iky tukxi'iky ja myëtsip,

Eclesiastés 7:15

Tëkokyë ya'atë tëëjës n'ixta'ay ntuunta'ay ma yaa naaxwiiny naaxkëjxy njuuky'ajtkojëmën; yë oyjyä'äytyëjk nän je'eyëm y'ooktë ets oy të jyajuuky'atë ets ëxëëkja'aytyëjk jeky jyuuky'atë ets ëxëëk të jyajuuky'atë.

Malaquías 3:15

Tëë n'ijxëmë ko ja'ay mëti'ipë mëj këjxm ja'ay'ajtpën nikë jotkujk jyuuky'äty, mëti'ipë ja'ay ëxëëk ëtëtsp ënaanpën nikë oy winë wyimpëtsë'ëmxëty, jyayajjoot'anpëjktëp yë Dios ets ka'ap wi'ix tyunëtë.