Salmos 72:3 - Biblia Dc en Mixe de Quetzaltepec

³ Tuk'ixëty ja naax kajpn ja jotkujk'ajtën ets oy yajpaatëty.

Biblia Mixe de Quetzaltepec

³ Tuk'ixëty ja naax kajpn ja jotkujk'ajtën ets oy yajpaatëty.

Salmos 72:3 ပူးပေါင်းရင်းမြစ်များ

Isaías 52:7

Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

Joel 3:18

Jä'ä xëëw yë tsatsymnyëë ets tsi'tsknëë pyëyë'ëka'antë tä mëjnëëjën jam tunkëjxm kopkëjxm ets ma Judá y'itjotmën; komnëë jam pëyë'ëkaanp wokjotm. Jam maas yë ntsajptëjkën jam yë nëë myuuta'any mëti'ipë Sitim itjot yajxookäämpyën.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Salmos 72:16

Wä'än may'äämpy tyajpaaty yë tsajpmok ma naax kajpnën, ets wä'än jam tmayë tunkëjxm kopkëjxm. Wä'än yë tsajpmokpajk tyajpëky may'äämpy tä jamën Líbano, ets wä'än yë tyëëmpt jëtu'un tyäky tä yë aay ujts myäykyëxë'ëkyën kamjotm tu'ujotm.

Salmos 65:12

yë mëëynyak mëti'ipë jamën ma të'ëts'itën tsuxk yaj'ixtë, ets ja tun kopk janty'oy kyëxë'ëktë;

Isaías 45:8

Ëjts nkäxäämpyës yam këjxm yë nmëk'ajtënës ets nmëta'aka'anyës ma tsip y'ityën, jëtu'un tä myaanikyën ets tä tyuuyimyën ets jëtu'un nyaaxkëta'aka'any, jëtu'un ja nitsokën y'ita'any ets jyää'ata'any ja tëypyë nipaye'eyën.

Isaías 60:17

Yë'ë nmo'ojäämpy yë pu'ts pujxn tä jeexyë tsyuxk pujxnëtyën, poop pujxn nmo'ojäämpy tä jeexyë jyuunpujxnëtyën, tsuxkpujxn nmo'ojäämpy tä jeexyë kyëpetyën, juunpujxn nmo'ojäämpy tä jeexyë tsyaajëtyën. Ëjts kë'ëm ntuknipëjktaakëjäämpy ets yë'ë m'ënä'ämëtëty ja jotkujk'ajtën, ets mtu'uwinye'eyëtëty ja tëyajtënpë.