Salmos 72:2 - Biblia Dc en Mixe de Quetzaltepec

² jëtu'un mëtëy ja naax kajpn t'ënä'ämëty ets oy tii tnipaye'eyëty ma ëyoopëja'aytyëjkën.

Biblia Mixe de Quetzaltepec

² jëtu'un mëtëy ja naax kajpn t'ënä'ämëty ets oy tii tnipaye'eyëty ma ëyoopëja'aytyëjkën.

Salmos 72:2 ပူးပေါင်းရင်းမြစ်များ

Isaías 32:1

Ma y'ita'anyën ja mëtëypyë ja nänyipaye'eyën, tu'uk ja yajkutujkpë jam yajpaata'any mëti'ipë oy nipaye'eyaanpën ets aakjëtu'un ja ënä'ämpëtëjk y'ita'antë mëti'ipë jam tunantëpën.

Apocalipsis 19:11

Tääts n'ijxyës ko ja tsajp y'ëwatsy. Jamts kyëxë'ëky tu'uk ja poop kwaay ets mëti'ipë tuk'u'unyääyëpën jä'ä xyëëwajtyp, Mëtëypyë ets ja Oypyë winë tunyën, jä'ä ko tëytyuunp, paye'epy ets tsiptuump jä'ä ijxtëm pyaat'atyën.

Isaías 32:17

Ja oypyë ja nänyipaye'eyën nëjkxëp tyajjää'aty ja jotkujk'ajtën, xeemyajtën ets oyajtën xëmëkyëjxmëpë.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Salmos 12:5

Yë Wintsën jëtu'un të y'ënä'äny: Yë ëyoopëja'aytyëjk ets paki'ixtëjk; o'ktëypyë jyatën kyëpätën, mëti'ipë jëëytyëp yaxtëpën. Yë'ëjës yam mputëkëjantëp etsës nkuwa'ana'antë, ijxtëm yë'ë tsojkën'atën.

Job 34:19

Yë'ë ka'ap tpukajpxë yë yajkutujkpëtëjk ets ka'ap yë kumeenyjyä'äytyëjk ni'ik tputëkë këtiinëm yë ëyoowpëja'aytyëjk, jä'ä ko yë'ë yajkojtaay wä'än tpënëty.

Jeremias 33:15

Ko ënety tpaaty ja xëëw po'o, ëjts nyajkutukäämpyës ets jam tu'uk ja'ay pyëtsëmëty ma David y'u'unk y'okën mëti'ipë nëjkx mëtëy winë tnipaye'eyën ets nëjkx oy winë tuny ma naax kajpnën.

2 Samuel 23:3

Yë Wintsën, mëti'ipë yë Israel ja'ayëty y'ëwtajtëpën; mëti'ipë kyuwäämpy nyixäjpyën ja Israel kajpn, jëtu'unës të xy'ënëëmë: Mëti'ipë tyu'uwinye'epyën ja ja'ayëty mëët ja tëyajtën, mëti'ipë winë tyuunpyën mëët ja Wintsën ja wyinkutsë'kën,

1 Reyes 3:28

Ojts ja ja'ay tnijawëtë wi'ix ënety ja Salomón të tyaj'oyën ja jotmay ets wi'ix ënety ja wyijy'ajtën të tyajwinkëxë'ëkyën, tëkokyë ja ja'ayëty jam ma ja Israel kajpnën mëk twinkutsë'këtyë ja Salomón ets tmëmëtoowtë, mëët ko ënety ja Wintsën të myo'oyë ja ixpëkyajtën wi'ix tu'uwinye'eyëtyën ja naax kajpn mëtëy.

1 Reyes 10:9

Kënu'kxy mëjjawë yë mWintsën y'ity, ko të mo'oyë ja oyajtën ets ja kutujktakn ma ja Israel ja'ayëtyën. Mëëtkyëjxm ko ja Wintsën oy tsoky tjawë yë nyaax kyajpn. Paaty mijts të mpëjktä'äkyë yajkutujkpë ets xytyu'uwinwowëty mëët ja tëyajtën jaanty'ajtën.

1 Crónicas 29:19

Tun yë mëyajtën, mo'o yë n'u'unk nmaayës Salomón ja oypyë ma'ayën tajën ets ja oypyë jot winma'any, wä'än tyajtu'uye'ey oy tsuj yë tyuunk ma tpatunëtyën ja m'ënä'ämën mtëyajtën, mnë'ë mtu'u ets ja m'aaw m'ayuk ets yë'ë tkuuytyunëty, tkojëty ja mjëën mtëjk mëti'ipës të nitun të niye'eyën.

Proverbios 29:14

Mëti'ipë yajkutujkpë oy ënä'ämpën ma ëyoopëja'aytyëjkën, yë kyutujktakn xëmë tmëët'ata'any.

Ezequiel 34:16

Nëjkxëpës n'ixta'ay ja kupixyny tëëpë tyëkoyën, mpatäämpyës ja mëti'ipë tëkoy'ijtpën, mpitäämpy nmotsäämpyës mëti'ipë tsëtyutën, mputëkëjäämpyës mëti'ipë ëmaay paki'ixën ets nkëwent'atäämpyës mëti'ipë mëkën ets ni'kxën. Jëtu'unës nkëwent'ata'any ijxtëm pyaat'atyën.