Salmos 72:16 - Biblia Dc en Mixe de Quetzaltepec

¹⁶ Wä'än may'äämpy tyajpaaty yë tsajpmok ma naax kajpnën, ets wä'än jam tmayë tunkëjxm kopkëjxm. Wä'än yë tsajpmokpajk tyajpëky may'äämpy tä jamën Líbano, ets wä'än yë tyëëmpt jëtu'un tyäky tä yë aay ujts myäykyëxë'ëkyën kamjotm tu'ujotm.

Biblia Mixe de Quetzaltepec

¹⁶ Wä'än may'äämpy tyajpaaty yë tsajpmok ma naax kajpnën, ets wä'än jam tmayë tunkëjxm kopkëjxm. Wä'än yë tsajpmokpajk tyajpëky may'äämpy tä jamën Líbano, ets wä'än yë tyëëmpt jëtu'un tyäky tä yë aay ujts myäykyëxë'ëkyën kamjotm tu'ujotm.

Salmos 72:16 ပူးပေါင်းရင်းမြစ်များ

Apocalipsis 7:9

Ko jëtu'un y'ëkjajty, ënätës n'ijxy ja nimayjyä'äy, mëti'ipë tso'ontëpën wiink naax wiink kajpn ets wiink aaw wiink ayuk kyajpxtëp. Jam tyänëtë ma ja kutujktaknën ets ma ja Kupixynyën, nimay yajxon ka'ap tjëkyepy nmëtyo'owmëty. Poop xoxyëty, kum aay myënëjkxtëp.

Hechos 4:4

May ja ja'ay myëpëjktë mëti'ipë ënety të tmëtowtën ja aaw ayuk; ja mëpëjkpëtëjkëty, yi'iyë ye'etyëjktëjkëty, jä'ä nyimay'ajtë mëkoxk mil.

Hechos 2:41

Mëti'ipë myëpëjktën ja aaw ayuk mëti'ipë ja Pedro nyikajpxën, ënätyë ojts nyëëpätë. Jä'ä xëëw, nitëkëëk milën ojts ja ja'ay nyäpyäätyë.

Hechos 1:15

Näy jää tiempo ja Pedro ojts wya'këxë'ëky ma jam ja mayjyä'äyën; nimëko'px ja i'px ënätyëty jam ets y'ënäny:

Jeremias 33:22

Yë ntuunpës David yë y'u'unk y'ok ets Leví y'u'unk y'ok mëti'ipës xypyukë'ë xypyuwijtsëpën, yajxonës nyajnimayëja'antë tä mëtsa'a yaj'ixyën jam tsajpjotm ets tä yë nëë ajinën mejypyë'aaypyë kyëxë'ëkyën, mëti'ipë ni pën kyamayëtëty tmëtsyowëty.

Isaías 35:2

wä'än jam tyony yë pëjy, lirië pëjy, wä'än tuktuky mëët yë xoontakën ets jotkujk'ajtën. Yë Wintsën oy tsuj tyaj'awinpita'any tä ja Líbano kopkën, jë'kxynyaaxjot tä ja Carmel kopk ets Sarón joyën. Ni'ëmukë nëjkx t'ijxtë ja Wintsën ja myëj'ajt y'oyajtën, mëti'ipë ja Wintsën yajmëjnajxëpën.

Isaías 32:20

Miitsëty jotkujk nëjkx mjuuky'atë, ma ja mkam mtu'ujëtyën, jam'ataanp ja mëj komnëë mëti'ipë ja m'aay mkepy mtukyajxooktëpën ets ja mjëyujk mtsajpkaajëty ka'ap nëjkx tyaj'ëmaaytya'aktë ja y'ääy y'ujts mëti'ipë y'oktëp wyëtstëpën.

Isaías 32:15

E ja Wintsën ja myëk'ajtën, mëti'ipë winë yajkojpyën minaanp jatëkok ma ëëtsajtëmën ets nëjkx ja itjot aanë'ëk tëëtsë'ëkpë y'awinpity jë'kxy naaxjot ets nëjkxëp jam winë y'ity wyintëy.

Isaías 30:23

Yë Wintsën mtuknikäxanëp ja nëë tuu ma ënety të mni'ipy të mkojyën, jam mkamwinm mtu'uwinm may jam xyajpëtë'ëkëty ja tsajpmok ets ja mjë'kxy mpëky. Jä'ä xëëw ja mtsajpkaa nëjkx jyë'kxtë pyëktë ku'uxyë.

Isaías 29:17

Tsojk yukjotm y'awinpita'any, yuutakn tuuntakn; ets yuutakn tuuntakn, y'awinpita'any yukjot.

Salmos 104:16

Näyjyëtu'un yë aay kepy wa'ats xyo'kta'atë, tä yë ajë kepyën mëti'ipë Dios kyojën jam Líbano.

Salmos 72:6

Jëtu'un nyaxëty tä tuunikën ëkë tä maanikën mëti'ipë jopyëp yajxo'kojpyën yë naaxwiinyëtë ets aay ujts.

Job 8:7

Yë mwit mmeeny mëti'ipë ijty mmëët'ajtypyën wäänë yë'ë, ni'ikëjaanp ja mëti'ipë mpaatäämpyën.

Job 5:25

May nëjkx xymyëët'aty yë m'u'unk m'ok, jëtu'un yaj'ixëty aay ujtsën kamjotypë yajpaatën.

1 Reyes 4:20

Judá ets Israel, aak mëj aak këjääjëty ënety tmëët'atë ja nyaax kyajpnëty, ka'ap tjëkyepy nmëtsyo'owmëty; jëtu'un ja jyä'äyëty nyimay'ajtë tä nëë ajinën. Ma tääpë kajpnëtyën jë'kxy pëky ka'ap ënety y'ëmaaytyä'äky, aak akujk jotkujk ja ja'ay yajpaatë.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.