Salmos 72:14 - Biblia Dc en Mixe de Quetzaltepec

¹⁴ Yajpëtsëmäämpy jam ma ënety ëxëëk yajtun yaj'ënëëmëtën ets ma ënety ka'ap jyotkujk'atën, jä'ä ko jyuuky'ajtënëty këjää tsyowpaaty.

Biblia Mixe de Quetzaltepec

¹⁴ Yajpëtsëmäämpy jam ma ënäty ëxëëk yajtun yaj'ënëëmëtën ets ma ënäty ka'ap jyotkujk'atën, jä'ä ko jyuuky'ajtënëty këjää tsyowpaaty.

Salmos 72:14 ပူးပေါင်းရင်းမြစ်များ

Salmos 116:15

Yë Wintsën mëk tjawë ko t'ixy y'ooktë yë ja'ay mëti'ipë tsojkëpën.

Apocalipsis 19:2

jä'ä ko mëtëy ets tëyajtën yë'ë tyiytyuny ets pyaye'ey. Tëë t'ëyo'onmo'oy ja mëj ku'into'oxy mëti'ipë ja naaxwiinyëtë ja'ay të tyajma'atyën mëët ja y'ëxëëktu'unën, tëë ja Dios tëytyuny ets tpaye'ey ko të yaj'o'kxëty ja tyuunpëtëjk.

Salmos 69:18

Mëwinkoonkës ets yajtsokës; ju'tkës maas yë nmëtsip yë kyë'ë y'aawën.

2 Samuel 4:9

Tää ja David y'ëtsooy: Tyam miitsëty yajxon n'ënëëmëtëty ets Wintsënës yam ntukkajpxpejtyp mëti'ipës xëmë xyaj'ëwaatsëpëtsëëmpën koos nmony ntuky,

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Salmos 130:8

Yë'ë yajpokynyiwa'atsäämpy yë Israel kajpn oy ëxëëk të y'ëtë'ëtstë y'ëna'antë.

Salmos 25:22

Dios, mëti'ipës nTios'ajtypyën, yajtso'ok yë Israel ja'ay ma jotmayjoty yajpaatën.

1 Samuel 26:21

Tä ja Saúl y'ënäny: U'unk maay David, tyamës ok näjya'awëy'ityë ko pokyës ntuunpy. Jëtu'unës ëjts n'ëtë'ëtsy tä ja'ay winma'anytyukpën, ka'apës tii oy ntuny. E tyamtsës npëjktsoy ets mwinpitëty. Ëjts ka'apës yam mijts n'ëk'ixjëtitan n'ëkpajëtitanë, jä'ä ko tëëjës yë njuukyajtën xynyimä'kxë.

Génesis 48:16

Yë Dios yë tsyajpjotmëtë kukäjpxy mëti'ipës xyaj'ëwaatsëpëtsëëmpën ma ëxëëkpë jëpyëkpën. Yë'ë kyënu'kxëp jyëkyäpëp ya'atë ëna'këty. Mëët yë'ëkyëjxmëty ja'amyetsy xëmë yë nxëëwës y'itëty ets xyëëw yë nteetyës n'apës Abraham ets Isaac. Myëët'atëp nimay yë y'u'unk y'ëna'këty, ets jëtu'un nimay y'itëty tsyëënëtëty yaa naaxwiiny.

2 Samuel 23:17

jëtu'un y'ënäny: Tiosës xypyutëkëp etsës ka'ap ya'atë nëë n'uukëty, jä'ä koos n'uukëty jëtu'un ënety tpaaty tääjës jeexyë nye'pny n'ukën ja ja'ayëty mëti'ipë ojts të tyajtsoontën. Jëtu'un ka'ap t'uky. Ya'atë jëtu'unpë ja mëkwinma'any yë'ë ojts tuntë ja nitëkëëkpë ja ja'ayëty mëti'ipë jotmëkëtyën.