Salmos 72:1 - Biblia Dc en Mixe de Quetzaltepec

¹ Mijts Dios, mo'o yë myajkutujkpë ja winma'any ets tii mëtëy tnipaye'eyëty ets tëyajtën winë tunëty mëti'ipë mijts mjä'ä'ajtypyën,

Biblia Mixe de Quetzaltepec

¹ Mijts Tios, mo'o yë myajkutujkpë ja winma'any ets tii mëtëy tnipaye'eyëty ets tëyajtën winë tunëty mëti'ipë mijts mjä'ä'ajtypyën,

Salmos 72:1 ပူးပေါင်းရင်းမြစ်များ

Isaías 11:2

Tääpë ja'ay nëjkxëp yajpaaty xëmë mëët yë Wintsën ja myëk'ajtën y'oyajtën, mëti'ipë nëjkx myo'oyën nija'awën, wijyajtën, këpetyajtën, mëk'ajtën, ixpëkyajtën ets ma Wintsënën.

2 Crónicas 1:10

E tyam, mijts yam n'amëtoopy npëjktsoopy xymyo'ojëtyës ja wijyajtën kujk'ajtën ets ja nija'awën wi'ix ntu'uwinye'eyëtyës ya'atë naax kajpn; ¿jä'ä ko, pën jëtää kë'ëmwinma'any ëkmayëtëp wi'ix ya'atë mëj kajpn tu'uwinye'eyëty?

1 Crónicas 29:19

Tun yë mëyajtën, mo'o yë n'u'unk nmaayës Salomón ja oypyë ma'ayën tajën ets ja oypyë jot winma'any, wä'än tyajtu'uye'ey oy tsuj yë tyuunk ma tpatunëtyën ja m'ënä'ämën mtëyajtën, mnë'ë mtu'u ets ja m'aaw m'ayuk ets yë'ë tkuuytyunëty, tkojëty ja mjëën mtëjk mëti'ipës të nitun të niye'eyën.

1 Reyes 1:39

Jamts ja teety Sadoc ojts tyajpëtsëmy tsajptëkoty ja tsajpkaawaj ma jap ja on y'ityën mëti'ipë ja ja'ay yajtukkënu'kxpën, yë'ë ja Salomón ojts mëët yajtukkënu'kxy. Tä tukxuxtë ja tsajppaxwaj ets tëkokyë ja ja'ayëty myäy'ënaantaaytyë: Wä'än ja yajkutujkpë Salomón jeky tjuuky'äty.

Salmos 127:1

Pën yë Wintsën ka'ap yë'ë kë'ëm tkojy yë tsajptëjk, natëkë tyuntë mëti'ipë tëjkkojtëpën; pën yë Wintsën ka'ap kë'ëm tkëwent'aty yë naax kajpn, oy jënu'un yë ja'ay kyëwent'atëty ka'ap nitii tuntëty.

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

2 Samuel 23:3

Yë Wintsën, mëti'ipë yë Israel ja'ayëty y'ëwtajtëpën; mëti'ipë kyuwäämpy nyixäjpyën ja Israel kajpn, jëtu'unës të xy'ënëëmë: Mëti'ipë tyu'uwinye'epyën ja ja'ayëty mëët ja tëyajtën, mëti'ipë winë tyuunpyën mëët ja Wintsën ja wyinkutsë'kën,

1 Reyes 3:9

E yë'ëtsës yam n'amëtoopy, xymyo'ojëtyës tu'uk ja jot winma'any oypyë, mëtëypyë etsës njatëty nijawëty wi'ix ja mnaax mkajpn n'ënä'ämëtyës; ¿jä'ä ko pën jëtää ëkmayëtëp ya'atë mëj naax mëj kajpn janty'oy t'ëktu'uwinwowëty?

1 Crónicas 18:14

David yë'ë ojts y'ëne'emy ma tëkokyë ja naax kajpnën mëti'ipë ja Israel ja'ay nyitënaaytyëpën. David aak'oy winë tuuny ets mëtëy ojts winë tnipaye'ey ma ja naax kajpnën.

1 Crónicas 22:9

E nëjkxëp tu'uk yë mmaank y'ity, mëti'ipë jotkujk yajpaatammpën ets ka'ap tiitsip tpaata'any; ëjts kë'ëm ntuknipëjktaakëjäämpy ets ka'ap nëkoo myëtsip yajjotkëxëtëty. Paatykyëjxm txëëwata'any Salomón. Ma ënety yë'ë tyunyën akujk jotkujk nëjkx ja naax kajpn yajpaaty.