Salmos 71:5 - Biblia Dc en Mixe de Quetzaltepec

⁵ Wintsën, jëtu'unyëm mijts ntuk'ijxpety koos nmëxu'unk'ajty ets tyampaat maas të nmëj ja'ayënën, mijts n'a'ijxyp njëjp'ijxyp ets mijts näjyëtu'un ntukjotkujk'ajtyp.

Biblia Mixe de Quetzaltepec

⁵ Wintsën, jëtu'unyëm mijts ntuk'ijxpety koos nmëxu'unk'ajty ets tyampaat maas të nmëj ja'ayënën, mijts n'a'ijxyp njëjp'ijxyp ets mijts näjyëtu'un ntukjotkujk'ajtyp.

Salmos 71:5 ပူးပေါင်းရင်းမြစ်များ

Jeremias 17:7

E kënu'kxy nyaxa'any yë ja'ay mëti'ipës xytyuk'ijxpäjtpën, mëti'ipë ëwxijtp mä'kxtujkpën ma ëjtsën.

Salmos 39:7

E ko jyëtu'un'aty, Wintsën, ëjts ¿tiijës njaak'ëwxitëp? Ëjts jämyës yë n'ëwxijtën nmä'kxtujkën njaakpëjktä'äky ma mijtsën.

Salmos 71:17

Dios, mëti'ipës nTios'ajtypyën, mijtsës të xytyukni''ixë winë koos të n'ëna'k'aty, e tyam je'eyëmës ka'ap ntuk'ëmony wi'ix winë të xyajkojy të xypyëjktä'äkyën.

Salmos 119:81

Janty jëtu'unës n'ëwxijnë etsës mijts xyajtso'okëty; jamës tu'ukyë të npëjktä'äky yë nwinma'any ma m'aaw m'ayukën.

Jeremias 17:17

Këtii atsë'ëkë ajawë tii xytyunëty ma ëjtsën, jä'ä ko mijts ntsoktakn'ajtyp koos ëxëëk njaty nkëpety.

Salmos 119:166

Wintsën, ëjts n'a'ijxyp njëjp'ijxypyës etsës xyajtso'okëty, jä'ä ko ëjts nkuuytyuunpyës yë m'ënä'ämën mtëyajtën.

Romanos 15:13

Ja Dios, mëti'ipë njëjp'ijxëmën, wä'än yë'ë ni'ëmukë mmo'ojëtë ja xoontakën ets ja jotkujk'ajtën mëët ko yë'ë xymyëpëktë ets wä'än mmo'ojëtë ja jotkujk'ajtën mëët ja myëk'ajtën ja Kënu'kxymyëkajtën.

Jeremias 17:13

Wintsën, mijts yë Israel ja'ayëty m'a'ijx mjëjp'ijxëp. Mëti'ipë m'ëxmajtsëpën, tsëtyu'unmëët wyë'ëma'any. Mëti'ipë mmëjëkämkäkëpën, jëtu'un nëjkx jyäty tä ja'ayxyëëw naaxwayjoty yajkëxja'ayën, poj'am pyojtëkoy, mëët ko ënety mijts të myaj'ëxmatsy ma jëtu'un m'ityën tä nëëkopkën.

Jeremias 14:8

Mëti'ipë ja Israel ja'ayëty tyuk'ijxpäjtëpën, mëti'ipë ëëtsëty xyajnitsoktëpën ko jyää'aty ja ëyo'on jotmay, ¿wi'ix ko jaaypyaat jaaypyo'kxyën mnäypyëjktä'äkyë naaxjoty kajpnjoty, jëtu'un tä tu'uk yë ja'ayën mëti'ipë tu'u'am'ajtpën, tu'ktsuuyëpë muum myä'äyën?

2 Timoteo 3:15

Ja'amyäts ko mutsknëm të xynyijawë ja Dios ja y'aaw y'ayuk mëti'ipë të myajwijy të myajkejyën, mëti'ipë mtu'uwinwowanëpën ets xypaatëty ja nitsokën ko ja Kristë Jesús të xymyëpëky.

Lucas 2:40

Ets ja mëxu'unk ye'ky pyejty oy mëk, kuwinma'any ets kënu'kxëp ja Dios.

Salmos 13:5

Ëjts yi'iyës ntuk'ijxpejtyp ko mijts mtsoky mjawë; jotkujkës yë njot nwinma'any njawë koos të xyajnitso'oky.

1 Samuel 16:13

Tä ja Samuel tu'ktsim yë on tpëjkë'ky. Ja nëë jëtu'unpë kyëxë'ëkyën waay tsyooyën ets tukuja'axy ja David tam ënety ja myëkä'äxtëjk y'ixëtë. Ko jëtu'un tyuunë jyajtë, ënätyë ja Wintsën ja myëk'ajtën y'oyajtën tyukëtakë. Ok ja Samuel ojts tsyo'onë ets nyëjkxnë jam Ramá.

Jeremias 50:7

Ko ja myëtsip ijty pyaatëtë, poj'am yajkutëkoyëtë ets y'ëna'antë: Ka'ap ëëts npoky'ajtëmë, kë'ëm yë Wintsën të tmëtëtëkoytyë, mëti'ipë yajkaay yaj'ukëtëpën, mëti'ipë ojts ja y'aptëjk tuk'ijxpätën xëmë.

Eclesiastés 12:1

Ja'amyäts mëti'ipë myajkoj mpëjktakën tyam ma m'ëna'k'atyën ma ka'anëm mmëja'ayënëm; minaanp ja xëëw jëmëjt ma nëjkx m'ëna'anyën: Nijënu'unës xoontakën; nkapaaty ma juukyajtënën.

Salmos 42:11

¿Wi'ixës ko nkumon nkutukëty? ¿Wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

1 Reyes 18:12

Ëjts wa'atsës ntsyäty nyijawë ko ënät yaa ntsoonëtyës wiinktsow ënät ja Wintsën ja myëk'ajtën y'oyajtën myajnëjkxa'anyë maas ka'ap ninu'un nijawëtyën. E koos ënät ntuk'ëwaanëty ja Ahab, yë'ë kajts ja maa m'ëk patënëty, etsës ënätës xyaj'ookëty. Ëjts nwinkutsë'këpës yë Wintsën mutsknëm.

2 Crónicas 34:3

Ma tyuktujk jëmëjtpetyën, ma Josías tyëkën yajkutujkpë, jää yë Josías ojts ëka'any yë Wintsën t'ixta'ay, mëti'ipë y'ëwtajtën yë y'aptëjk. E ma majkmäjtsk jyëmëjpetyën jää tjëpëjktaay ja Aserá y'awinax ets ja nyitsajptëjk ja ka'apë Wyintsënëtyën ets mëti'ipëjaty ënety oytyunyën mëët yë pujxn, jampë yajpaatyën Judá ets Jerusalén,