Salmos 71:3 - Biblia Dc en Mixe de Quetzaltepec

³ Mijts jëtu'un mnax tä yë mëjtsaakopkën mëti'ipës xykyuwaanpën, mijts jëtu'un mnax tä tu'uk yë mëjpotsyën mëti'ipë tsoktaknën. Mijts jëtu'un tä tu'uk yë mëjtsaakopkën ets tä tu'uk yë mëjpotsyën mëti'ipës xykyuwaanpën.

Biblia Mixe de Quetzaltepec

³ Mijts jëtu'un mnax tä yë mëjtsaakopkën mëti'ipës xykyuwaanpën, mijts jëtu'un mnax tä tu'uk yë mëjpotsyën mëti'ipë tsoktaknën. Mijts jëtu'un tä tu'uk yë mëjtsaakopkën ets tä tu'uk yë mëjpotsyën mëti'ipës xykyuwaanpën.

Salmos 71:3 ပူးပေါင်းရင်းမြစ်များ

Salmos 18:2

Mijts xykyuwaanp xynyixajpës, mijts ntsoktakn'ajtyp, mijts xyaj'ëwaatsëpëtsëëmpës, mijts nTios'ajtyp, ja tsaa mëti'ipës xy'akëëytyujkp xy'axajtujkpën, ja n'kuwaanpës, ja mëk'ajtën mëti'ipës xyajtsokpën, ets ja ntsoktaknës ni'ik këjxmëpë.

Proverbios 18:10

Yë Dios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Salmos 91:9

Jä'ä ko yë Wintsën yë'ë të xypyëjktä'äky ijxtëm tu'uk yë tsoktaknën; yë Ni'ik Këjxmëpë të xy'ixy ijxtëm tu'uk këwent'ajtpën,

Deuteronomio 33:27

Yë Tiosën xëmëpë y'ityën yë'ë mtsoktakn'ajtyp, yë myëk'ajtën yë'ë mnätyukputëkëtëp. Jä'ä ko yë'ë ojts tyajke'eky tyajputy yë mmëtsip, ets mnëmaayë ets xytyimyajkutëkooytya'ajëty.

Salmos 44:4

Mijts, mëti'ipës nmëj ënä'ämpë'ajtypyën, mëti'ipës nTios'ajtypyën, Mijts të xyajmëtä'äky yë mnaax mkajpn;

Salmos 42:8

Yë Wintsën xytyuknikäjxpës yë tsyojkën jya'awën xëëny; e ko kyoots'aty ëëp yaxpës jää, etsës yë Dios nmëkäjpxy mëti'ipës xyajjuuky'ajtpën.

Isaías 33:16

Tääpë ja'ay jotkujk jyuuky'ata'any, jam tsaatunkëjxm tsoktakn tmëët'ata'any; ma nyäkyuwa'anëtëtyën, myëët'atäämpy xëmë ja kyä'äyën y'ukën, ets nëë ka'ap tyaj'ëmaaytya'aka'any.

Salmos 68:28

Dios, mëti'ipës nTios'ajtypyën yaj'ixëty yë mëj'ajtën; kajpxkëxë'ëk jatëkok mëti'ipë të xytyunyën ma ëëtsëtyën.

Salmos 144:2

Yë'ë tu'uk oy myëku'uk, ma yë'ëjën jamës kuwa'anën npaaty, maas nkäktso'okyën, mëti'ipës mëët näkyuwa'anyën; yë'ëjës xynyikëëpy xynyixajp. Yë'ë tëkokyë të tpëjktä'äky yë naax kajpn maas yë ntekpya'tkën.

Salmos 90:1

Wintsën, mijts ëëts ntsoktakn'ajtëp tyimku'ty jëtu'un yë xëëw jëmëjt.

Salmos 18:3

Mijts Wintsën, mpatëp ets myajwin'ëw myajwinya'axëty; ko mijts nmëkäjpxy, täätsës xyajnitso'oky maas ja nmëtsiptëjkën.

Salmos 89:27

Ets ëjts, nmo'ojäämpyës yë kuttujkën ets nyaxëty tä yë ajtykyopkën, ets yë'ë nyitënaaytya'ajëp tëkokyë yë ënä'ämpëtëjk jënu'un yajpaatën ënä'ämpë naaxwiiny naaxkëjxy.