Salmos 71:22 - Biblia Dc en Mixe de Quetzaltepec

²² E ëjts, mëti'ipës xypyatpën, n'ëwäämpyës yë ëy ets nmëjpëjkta'aka'anyës ko winë oy xytyuny, nyaj'ëna'anäämpyës yë xijn ets kow, Dios, mëti'ipës nTios'ajtypyën, Wa'atspë mëti'ipë yë Israel ja'ay y'ëwtajtëpën.

Biblia Mixe de Quetzaltepec

²² E ëjts, mëti'ipës xypyatpën, n'ëwäämpyës yë ëy ets nmëjpëjkta'aka'anyës ko winë oy xytyuny, nyaj'ëna'anäämpyës yë xijn ets kow, Tios, mëti'ipës nTios'ajtypyën, Wa'atspë mëti'ipë yë Israel ja'ay y'ëwtajtëpën.

Salmos 71:22 ပူးပေါင်းရင်းမြစ်များ

2 Reyes 19:22

¿Pënën määpy mtäjpy nëkoo ëxaty mnëmääpy ets mtukxi'kpy? ¿Pënën määpy mtäjpy nëkoo mnikäjpxyp mnimëtyäkpy ets xywyinkäjpxy xyjyëjpkäjpxy amëj akëjxm? Yë'ë të xykyamëj'ixy ja mëti'ipë kënu'kxy mëj Wintsënën, mëti'ipë y'ëwtajtëpën ja Israel ja'ayëty.

Salmos 33:2

Mo'otë yë Wintsën yë jya'awëkyëtakën ets win'ëw winya'axtë mëët yë kepykyow,

Salmos 89:18

Yë'ëjës xykyuwantëp yë Wintsën. Yë nkutujkpëtyës, yë'ë jam Israel wa'ats yajpatp.

Isaías 60:9

May kepy nëëwinye'epyë miintëp, mëti'ipë tso'ontëpën Tarsis, yë'ë tsyëëmiintëp yë m'u'unk m'ëna'k, mëët yë poop pujxn ets pu'ts pujxn, ets tukwintsë'ëkëja'antë yë mWintsën, mëti'ipë wa'ats Tios'ajtpën ma Israel ja'ayëtyën, mëti'ipë myajmëjnajxëpën.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Isaías 12:6

Xi'iktë xontë miitsëty naax kajpnëty mëti'ipë tsënaaytyëpën jam Sión, jä'ä ko yë Wintsën, wa'atspë, mëti'ipë yajpatpën ma Israel kajpnën tam yajpaaty ma miitsëtyën mëët tu'kë'ëyë ja myëj'ajtën.

Isaías 5:24

Paaty miitsëty, jëtu'un nëjkx mjatë mkëpätë tä aay pu'uxm nyitoyën ets tä aaykyëta'ak jaam jok jyätyën, tä yë kepypyu'utë'ëkyën ets tä yë pyijy tyëtsta'ayën ets naax y'awinpity. Mëët ko ja Wintsën mëti'ipë maaytyääyëpën winë ja y'ijxpëjkën ets ja y'ënä'ämën ka'ap të xypyatuunëtë.

Salmos 144:9

Wintsën, tyam tu'uk yë ëy jemypyë ntukwin'ëwa'any, yë'ë mëët yë kow ntukpakowa'anyës ya'atë ëy.

Salmos 98:3

tëë tyajnikëxë'ëky ko tmëëtëty yë oyjyot oywyinma'any, ets tëë tuny mëti'ipë të tuknipëjktaakën ma Israel kajpnën, Mapaat yë naaxwiinyëtë y'ëwtityën të yajnijawë ko Tëyajtën ko tëë tmëmëtakta'ay yë myëtsip.

Miqueas 7:20

Wintsën, mëët'at xëmë ja tsojkën ja'awën mëti'ipë tëëyëp ojts xytyukwinwanën ëëts ja n'ap n'okëty Abraham ets Jacob.

Isaías 43:3

Ëjts mijts xyWyintsën'ajtp, xynyitsokpë'ajtp ets xyTyios'ajtp, ja Wa'atspë yajpaatyën ma Israel kajpnën, Tëë mijts njä'äniwa'any; yë'ë Egiptë kajpn, Etiopíë kajpn ets Sabá kajpn të ntukujuy.

Isaías 5:19

Miitsëty mëti'ipë ënantëpën: Wä'än yë Dios tsojkyë tuunkojy tii tyunäämpyën ets n'ijxmëty; wä'än tsojkyë tuunkojy mëti'ipë të tuknipëjktaakën, ets nija'awëmëty.

Isaías 5:16

Ja Wintsën mëti'ipë maaytyääyëpën winë, nëjkxëp ja myëj'ajtën tyaj'ixyë ko ënety winë tnipaye'ey; jëtu'un nëjkx ja Wintsën tyaj'ixyë ja wya'atsajtën ko ënety mëtëy winë tuny.

Salmos 138:2

Japës nkoxtanëja'any ma mtsajptëjkën, etsës nkukajpxëja'any yë mtsojkën mja'awën ets mtëyajtën, jä'ä ko yë mxëëw ets m'aaw m'ayuk tëë mijts xypyëjktä'äky ets mëj'äämpy y'itëty ma tëkokyë winë yajpaatyën.

Salmos 89:1

Wintsën, xëmës n'ëna'ana'any n'ëyjyotyës ko mijts janty'oy yë jot winma'any xymyëëtëty, janaam jatsojkës nikajpxa'any nnimëtya'aka'any ko mijts aak'oy winë xytyuny.

Salmos 78:41

E ka'ap wyinjekyëty ijty ja Dios tyajjotkëxtë, ets jëtu'un tyajmon tyajtuktë ja Wa'atspë jampë yajpaatyën Israel.

Salmos 56:4

Tiosës tu'uk ntuk'ijxpejtyp, ets yë'ëjës nmëjja'ap njaantyjya'ap yë y'aaw y'ayuk; Tiosës ntukjotkujk'ajtyp, paatyës ka'ap ntsë'ëkë. ¿Wi'ixës yë naaxwiinyëtë ja'ay xy'ëktunëty?

Salmos 25:10

Yë'ë ko tii tuny, aak mëtëy winë tuny ets mëët yë tsojkën ja'awën ma ja ja'ayën mëti'ipë kuuytyu'unxëyëpën ja y'aaw y'ayuk ets ja y'ënä'ämën tyiyajtën.

Romanos 15:8

Ja Kristë tëë jëyëjp tniminy ja Jutiis ja'ay ets tpatuny ja aaw ayuk mëti'ipë ja Dios tyukwinwa'anëyën ja n'ap'ajt nteety'ajtëmë, ets tyajnikëxë'ëky jëtu'un ko Dios pyatuumpy yë'ë ko tii twinwanë.

Salmos 43:4

Etsës nja'tëty ma ja mwintsë'këntyaknën, jam nwin'ëwa'any nwinya'axa'any mijts Dios mëët yë kow, jä'ä ko mijts Dios, mëti'ipës nTios'ajtypyën, akujk jotkujkës xyajjuuky'äty.

Salmos 98:4

Jotkujk win'ëw winya'axtë yë Dios, tëkokyë miitsëty jënu'un m'itën naaxwiiny naaxkëjxy; akujk jotkujk ëwtë ya'axtë ets tukxoonta'aktë mëët yë ëy yä'äxy.

Salmos 98:5

Win'ëwtë yë Wintsën mëët yë kow, tukpa'ëna'antë tëkokyë oymyëti'ipë kowëty.