Salmos 71:20 - Biblia Dc en Mixe de Quetzaltepec

²⁰ Oyës të xy'ëktuk'ixy yë ëyo'on jotmay etsës të një'ëy të nyä'äxy, nija'apës wa'ats koos jatëkok xyajjuuky'ata'any, ets koos jatëkok jap xyajpëtsëma'any ëyoowtaknjoty maas ënety jap ëxëëk njatyën nkëpetyën.

Biblia Mixe de Quetzaltepec

²⁰ Oyës të xy'ëktuk'ixy yë ëyo'on jotmay etsës të një'ëy të nyä'äxy, nija'apës wa'ats koos jatëkok xyajjuuky'ata'any, ets koos jatëkok jap xyajpëtsëma'any ëyoowtaknjoty maas ënäty jap ëxëëk njatyën nkëpetyën.

Salmos 71:20 ပူးပေါင်းရင်းမြစ်များ

Salmos 138:7

Koos muum nyajpaaty o'këntum, mijts kë'ëm mpëjk'ijtyp mmajts'ijtyp yë njuukyajtënës. Pojën yë mmëkajtën xyajkëtä'äky maas yë nmëtsiptëjkën ets jëtu'unës xyajtso'oky.

Salmos 60:3

Mijts të xyajkutuky ets mnaax mkajpn ëxëëk jyatëty kyëpätëty, jëtu'unës të tjatë tä ja'ay tsatym nyëë t'uukyën ets yajlokëjatyë.

Salmos 86:13

Mëjwiin këjää yë mtsojkën mja'awën xymyëëtëty mëët ëjts. Tëës mijts xyajtso'oky, ets ka'ap të xy'ëwa'atsy etsës n'ookëty ntëkoyëty etsës nka'ajëty jap o'kpëjutjoty.

Salmos 80:18

ets jëtu'un ka'ap nijëna'a ëëts ëpëky nyajpaatëty mëët mijts, mooytyëkës ja juukyajtën ets mijts atu'uk myajja'amyätsëty.

Jonás 2:6

Jäppaatës të nkëtä'äky mejypya'tkë'p ma mëët yë naax nyäpyäätyë; jëtu'unës näjya'awëy tääjës jeexyë mijts xyaj'ityën jeky tsumy matsy. E mijts Wintsën, nTiosës, o'këntujpës të xyajtso'oky.

Salmos 119:25

Janty o'kën jëjp'amës nnäjyawëty; mooykyës yë juukyajtën ijxtëm të xywyinwanën.

Salmos 16:10

Jä'ä ko mijts ka'apës o'këntuuy xyajwë'ëma'any, ka'ap tjëkyepy jap jutjoty tu'uk yë wa'ats ja'ay xy'ëxmatsëty.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

Efesios 4:9

¿E wi'ix jëtu'un nyiwijy ko y'ënä'äny ko pya'tëjkëy tsajpjotm? Jä'ä jëtu'un yajwinjawë ko jëwyiin të kyëtä'äky naaxwiiny.

Marcos 15:34

Näy jää, mëj jënäkyxyëëw ja Jesús ojts mëk y'ënä'äny: Eloí, Eloí, ¿lamá sabactani? Jä'ä nyiwijy: nTiosës, nTiosës, ¿tiijës ko të xy'ëxmatsy?

Isaías 38:17

Ix, tyam jotkujkës nyajpaaty, ets ka'ap n'ëkmoon n'ëktujknës. Mijts të xykyëwent'aty yë njuukyajtënës këtiipë kyuka'anaxëty jap jutjoty, jä'ä ko mijts tëë xymyä'kxta'ay yë npokyës.

Isaías 26:19

E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Salmos 85:6

¿Tii këtii ëëtsëty xy'ëkyajjuuky'atanëtë, ets ja mkajpn mtukxoonta'akëtëtyë?

2 Samuel 12:11

Ëjts, mëti'ipë Wintsën'ajtpën ëjts yam jëtu'un nikäjpxyp: jam ma mjëën mtëjkën jämyë nëjkx kë'ëm ja m'u'unk m'ëna'k nyämyëtsiptsoonyë ets nëjkxëp kë'ëm xy'ixy ko ënety ja mto'oxytyëjk myajpëjkë ets jä'ä tmëëtko'knëty tu'uk ja mmëku'uk.

Hechos 2:24

E tëë ja Dios tyajjuukpyiky, ets tëë tyaj'ëwaatsëpëtsëmy ma ëxëëk të jyätyën ko të y'ooky, jä'äkyëjxm ko ka'ap ja o'kën tii mëk'ajtën tmëëtëty ets yaj'ookëtëty.

1 Samuel 2:6

Yë Wintsën yë'ë yäjkpy yë juukyajtën, ets yë'ë pyijkpy jatëkok; yë'ë yajkutujkpy ets o'ktëy njajtmëty nkëpäjtmëty, ets yë'ë yajkutujkpy ets jotkujk nyajpatmëty.

Salmos 60:5

Ëtsoowtëkës ets yajtsoktëkës mëët yë mëk'ajtën. Yaj'ëwaatsëpëtsëm mëti'ipëjaty m'oyjya'apën.

Salmos 95:4

Yë'ë y'ijxtääpy nyija'awëtyääpy wi'ix jap naaxpa'tkë'p yajpaatyën, ets yë'ë näjyëtu'un jyä'ä'ajtääpy tëkokyë yë tun kopk mëti'ipë këjxmëtyën.