Salmos 71:18 - Biblia Dc en Mixe de Quetzaltepec

¹⁸ Dios, mëti'ipës nTios'ajtypyën, këtiis xy'ëxmats xymyajtstu'utëty oyës ënety të nmëjja'ayënë etsës të nkupo'ojënyë, jä'ä ko ëjts njaaknimëtya'akäämpyës yë mmëjajtën ma ja'ayëtyën tyampë jyuuky'atën ets mëti'ipë juuky'atantëpnëm.

Biblia Mixe de Quetzaltepec

¹⁸ Tios, mëti'ipës nTios'ajtypyën, këtiis xy'ëxmats xymyajtstu'utëty oyës ënäty të nmëjja'ayënë etsës të nkupo'ojënyë, jä'ä ko ëjts njaaknimëtya'akäämpyës yë mmëjajtën ma ja'ayëtyën tyampë jyuuky'atën ets mëti'ipë juuky'atantëpnëm.

Salmos 71:18 ပူးပေါင်းရင်းမြစ်များ

Isaías 46:4

ëjts je'eyëmës ënety n'ixëty ko miitsëty nëjkx mëjja'ayëtë, ko ënety miitsëty tëë mkupo'ojënëtë ëjts je'eyëm nëjkx miitsëty nmajts'itë. Ëjts miitsëty të nyajkojtë ets je'eyëm ntsäänä'an nkona'antë, ëjts miitsëty nmajts'itantëp ets nyajtso'okantëp.

Salmos 71:9

këtiis xy'ëxëëkjawëty koos ënety tëë nmëjja'ayënë; këtiis xy'ëxmats xymyajtstu'utëty koos ënety ka'ap yë jot mëjaaw n'ëkmëët'ajnë.

Salmos 78:4

Ka'ap ntukwinkuyu'utsa'anëm ja n'u'unk'ajt n'ok'ajtëm. Mëët ja pi'k ëna'këty mëti'ipë juuky'atantëpnëm, yë'ë mëët ntukxoontakmëty ja Wintsën ets nikajpx nnimëtyakmëty ja kyutujkën ets myëj'ajtën.

Salmos 78:6

jëtu'unts nijawëtëty ja mëti'ipë juuky'atantëpnëm, ja u'unk ëna'k mëti'ipë minantëp ja'tantëpnëm naaxwiiny, ets näjyëtu'un yë'ëjëty tukni''ixëtëty ja y'u'unk y'ëna'këty;

Salmos 22:31

Mëti'ipë ënety ok mëxu'unk'ajtëpën, nëjkxëp yajtukmëmëtya'aktë wi'ix winë të tunyën oy ets mëtëy.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënety jëtu'unën tä tu'uk mëj jëyujkën nëëjotypë.

1 Samuel 4:18

Tim je'eyë ojts tnikäjpxy ja ja'ay ja Dios ja kyaaxë, jëtu'unyë yë Eli tsyajpënë'ka'tsy jam tëjkwinm, e komë tëë ënety myëjja'ayënë ets je'emty yajxon. Jëtu'unyë ojts ja jyëwiits tyimtëjtuky ets y'o'ky. Jä'ä ënät të tyuny teety jam ma Israel kajpnën wëxtyikxy jëmëjt.

Hechos 13:36

Jä'ä ko ja David ojts oytyuny ma ja jyä'äyën ijxtëm ja Dios ënety tsokyën, ko ojts y'o'knë jam nyaaxtëjkëy ma ja tyeety y'apën ets ja nyi'kx kyopk ojts wyintëkoy.

Isaías 53:1

¿Pën jëtää y'ëkmëpëkäämpy mëti'ipë të nmëto'owëmën? ¿Pën jëtää të t'ëk'ijxpë ja Wintsën ja myëk'ajtën?

1 Samuel 4:15

Eli jä'ä ënety ja jyëmëjnë majkta'px majkmokx tëkëëk ets ka'ap ënety y'ëk'ijxnë.

Éxodo 13:8

Jä'ä xëëw nëjkx yë m'u'unkëty m'ëna'këty xytyukmëmëtya'aktë. Ya'atë yajtunyën yë'ë yajtukja'amyäjtsp ko ojts ja Dios mëj këjää winë tuny tkäjpxy ma ëëtsëtyën, koos jap xyajpëtsëëmtë ma Egiptë kajpnën.

Génesis 27:1

Yë Isaac tëë ënety myëjja'ayënë ets ka'ap y'ëk'ijxnë, paaty ojts tëkok tmëkäjpxy ja myaank mëti'ipë kä'äxkopkën, ja Esaú ets t'ënëmaay: U'unk maay. Tä y'ënäny yë Esaú: Wi'ix tatë.

Salmos 48:14

Jä'ä ko ya'atë Dios, yë'ë xëmë nTios'ata'anëm oy tyimjëna'ajëty. Yë'ë xytyu'uwinwowa'anëm winë xëëw winë jëmëjt.