Salmos 71:16 - Biblia Dc en Mixe de Quetzaltepec

¹⁶ Nimëtya'akäämpyës wi'ix winë mëj këjää të xytyunyën Wintsën, ntukyaaxëjäämpy ntukjojkëjäämpyës ko mijts aak'oy ets aak mëtëy winë xytyuny.

Biblia Mixe de Quetzaltepec

¹⁶ Nimëtya'akäämpyës wi'ix winë mëj këjää të xytyunyën Wintsën, ntukyaaxëjäämpy ntukjojkëjäämpyës ko mijts aak'oy ets aak mëtëy winë xytyuny.

Salmos 71:16 ပူးပေါင်းရင်းမြစ်များ

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Filipenses 3:9

ets nyajpaata'anyës jam ma yë'ëjën; ka'ap yë'ëkyëjxmëty koos të nyajpaye'ey mëët ja ënä'ämën kuttujkën; yë'ëkyëjxm ko yajmëët'aty ja mëpëjkën ma ja Kristën, mëti'ipë ja Dios nyipaye'eyën'ajtypyën ko të yajmëpëky.

Salmos 51:14

Dios, yë nTiosës mëti'ipës xymyoopyën yë nitsokën, këtii xy'ëwa'atsëty etsës pën nyaj'ook nyajtëkoyëty, ets jëtu'un tjëkyäpëty nikajpx nimëtya'akëtyës ko mijts aak'oy aak mëtëy winë xytyuny.

2 Tesalonicenses 1:6

Paat'ajtëp ets ja Dios tukumëtowëty mëti'ipë miits myaj'ëyoowëtëpën,

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

Efesios 3:16

N'amëtoopy npëjktsoopyës ja Dios ets mjotmëkmo'ojëtëty ets myajpaatëty akujk jotkujk mëët ja mëk'ajtën mëti'ipë tso'onpën ma ja oypyë tsujpën, mëti'ipë myëët'ajtypyën ja Dios ja kyënu'kxymyëk'ajtën,

Zacarías 10:12

Ëjts nëjkx nmo'otë yë jot mëjaaw ets tyu'uye'eytyëty mëët yë nxëëwës, ëjts Wintsën, ëjts ënaanp.

Salmos 71:24

Näyjyëtu'unës xëmë nikajpxa'any ko jëtu'un winë xynyipaye'ey ijxtëm pyaat'atyën, jä'ä ko mëti'ipë ënety tsyojkën'ajtëpën etsës ëxëëk njatëty nkëpätëty, yë'ë të y'ëkwë'ëmtaaynyëtë tsëtyu'unmëët.

Salmos 71:15

jëtu'unës nyajnaxa'any yë xëëw jëmëjt, nikajpxa'any nnimëtya'aka'anyës koos mijts të xyajtso'oky ets koos të xynyipaye'ey ijxtëm tyim'ixë'atyën. E tëkokyë ya'atë mëti'ipë të xytyuny të xykyäjpxyën, ka'apës yajxon nja'akyukë wi'ix ko jyëtu'unëty.

2 Timoteo 2:1

Mijts, Timoteo, mëti'ipës n'u'unkja'apën, jam ja mëjaaw xyajtsoonëty ma ja Dios ja y'oyjyot y'oywyinma'anyën mëti'ipë të mtuk'ixyën mëët ja Kristë Jesús.

Romanos 10:3

Jä'ä ko ka'ap tja'akyyukëtë ko Dios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Dios tmëmëtowa'antë.

Romanos 3:21

E tyam, tëë ja Dios xytyuknija'awëmë wi'ix oy nwë'ëmëtyën mëët yë'ë, oy ja ënä'ämën nkanija'awëmë, yë'ë këm jëtu'un nyimëtyäkpy ja ënä'ämën ets ja Dios ja kyäjpxynyajxpëtëjk:

Romanos 1:17

Ya'atë aaw ayuk oypyë yë'ë xytyukni''ijxëmë wi'ix ja Dios ja npoky'ajtëm xytyukniwatsmëtyën: mëët ja mëpëjkën tsyo'ontä'äky ets jëtu'un jyëjpkëxy. Jëtu'un ijxtëm ja Dios ja y'aaw y'ayuk këxja'ay myinyën: Ja wa'ats ja'ay mëpëjkën mëët jyuuky'ata'any.

Mateo 6:33

Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kuttujkën ets xytyuntëty mëti'ipë Dios tsyojkpy ets xy'ëxajëtëty tëkokyë ya'atë jotkujk'ajtën.

Isaías 63:7

Ëjts yë'ëjës nimëtya'akäämpy yë nätsyok näjyawë mëti'ipë yë Wintsën jyä'ä'ajtypyën, yë'ëjës nkuuy'ëwäämpy nkuuyya'axäämpy ko oy winë tuny ma ëëtsajtëmën, ko jyot wyinma'any oy tyaj'ixyë ma Israel ja'ayëtyën, ko winë oy të tnajtstun të tnajtskajpxë mëët yë tsyojkën jya'awën mëjwiinpë këjääpë.

Isaías 40:31

yë'ë tëyëty mëti'ipë yi'iyë Wintsën tyuk'ijxpäjtëpën xëmë amëk jotmëk yajpaata'antë ets jëtu'un nyäjyawëja'anëtë nipe'tym kupe'tym tä witsnën; jyëkyejpy mëk pyëyë'ëktëty ets jyëkyejpy pe'tym ye'eytyëty. Ka'ap y'ënu'kxëja'antë.

Isaías 26:13

Wintsën mëti'ipës nTios'ajtëpën, wiink ja'ay ëëts të nwintsën'atë, tyam myaj'ijxkajp ko mijts mWintsënëty.

Salmos 106:2

¿Pën ëkmayëtëp tnimëtya'akëty wi'ix yë Wintsën të myëtä'äkyën, ¿Pën ëkmayëtëp tmëjpëjkta'akëty ijxtëm pyaat'atyën?

Salmos 71:19

Yë mëtëypyë mnipaye'eyën, mijts Dios, jajtp jam tsajpwinm; mëjwiin këjää winë të xytyuny, kamaa jëtu'unpë tios tä mijtsën.

Salmos 71:2

Yaj'ëwaatsëpëtsëëmkës ets yajtsokës; jä'ä ko mijts wa'ats mTios'aty. Tun yë mëyajtën, mëtoowkës yë n'aaw n'ayuk ets yajnitsokës.

Salmos 29:11

Yë Wintsën myëkmoopy myëjaawmoopy yë nyaax kyajpn; yë Wintsën kyënu'kxyp yë nyaax kyajpn mëët yë akujkajtën jotkujk'ajtën.

Deuteronomio 33:25

Yë tyëjk'aaw ta'tspëky nëjkx xëmë y'ity, yë'ë mëët y'ëtukëty yë juunpujxn ets tsuxkpujxn, jëtu'un akujk jotkujk jyuuky'atëty jap kyajpnjoty.