Salmos 71:13 - Biblia Dc en Mixe de Quetzaltepec

¹³ Wä'än twë'ëmtë tsëtyu'unmëët ets wä'än tkutëkooytya'atë mëti'ipë myëtsip'ajtëpën yë njuukyajtënës. Wä'än yë'ëjëty nëxi'iky tukxi'iky twë'ëmtë mëti'ipë tsyojktëpën ets jeexyë ëxëëk njaty nkëpetyës.

Biblia Mixe de Quetzaltepec

¹³ Wä'än twë'ëmtë tsëtyu'unmëët ets wä'än tkutëkooytya'atë mëti'ipë myëtsip'ajtëpën yë njuukyajtënës. Wä'än yë'ëjëty nëxi'iky tukxi'iky twë'ëmtë mëti'ipë tsyojktëpën ets jeexyë ëxëëk njaty nkëpetyës.

Salmos 71:13 ပူးပေါင်းရင်းမြစ်များ

Jeremias 20:11

E mijts Wintsën, mijts myajpatp mëët ëjts, mtsip'ixy mijts ets ni pën mkamayë; mëti'ipës xyjya'ixjëtijt xyjyapajëtijtpën ka'ap myëta'aka'any ets ka'apës xymyäyëty; ka'ap wyimpëtsëma'any oy mëti'ipë jyamaay jyatajtëpën, tsëtyu'unmëët wyë'ëma'antë, o'ktëy jyata'antë ets ka'ap nëjkx yajja'atyëkoy ko ënety o'ktëy jyatë kyëpätë.

Salmos 35:26

Wä'än twë'ëmtë tsëtyu'unmëët ets wä'än tkumon tkutukëtë mëti'ipës xytyukxoontaktëpën koos n'ëyo'onpaaty; wä'än twë'ëmtë tsëtyu'unmëët mëti'ipë mëj këjxm näjya'awëtëpën këtiinëm ëjts.

Salmos 71:24

Näyjyëtu'unës xëmë nikajpxa'any ko jëtu'un winë xynyipaye'ey ijxtëm pyaat'atyën, jä'ä ko mëti'ipë ënety tsyojkën'ajtëpën etsës ëxëëk njatëty nkëpätëty, yë'ë të y'ëkwë'ëmtaaynyëtë tsëtyu'unmëët.

Salmos 109:29

Wä'än yë nmëtsiptëjkës tsëtyu'unpata'atë. Wä'än tsëtyu'unmëët twë'ëmta'atë jëtu'un tä jeexyë wit mëët wyë'ëmtën.

Salmos 35:4

Wintsëtyu'un jëjptsëtyu'un kyä'äktëty mëti'ipës xyaj'ookantëpën; wintsëtyu'un jëjptsëtyu'un kyä'äktëty mëti'ipës ëxaty të xyjyatuna'antën.

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Dios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

Isaías 41:11

Tëkokyë mëti'ipë ënety m'ëxëëk'ijxëp mka'oy'ijxëp, tsëtyu'unmëët wyë'ëma'antë; mëti'ipë ënety tsiptunantëpën mëët mijts, wa'ats nëjkx kyutëkooytya'atë.

Salmos 132:18

Tëkokyë ja myëtsiptëjk tsëtyu'unmëëtës nyajwë'ëma'any e yë'ë mëj'äämpy y'ita'any.

Salmos 6:10

Yë nmëtsipës tsë'këtya'ajantëp ets nëxi'iky tukxi'iky wyë'ëma'antë; tu'k'ijxmi'kxyë kyäkta'aja'antë wintsëtyu'un jëjptsëtyu'un.

Ester 9:2

Maajaty ja it naaxwiinyëtë tnitänën ja yajkutujkpë Asuero, ojts tyu'ukmujkta'atë ja Jutiiyë ja'ayëty ets tjëjpkuwa'akëja'antë ja myëtsip mëti'ipë ënety të myäy të tyajtën ko yaj'ooka'anëtë. Ni pën ojts jä'ä xëëw kya'ëknipëtë'kënëtë, jä'ä ko ja myëtsipëty ojts jatëkok tsyë'ëkëtëkëtë.

Salmos 70:3

Wä'än tkä'äktë wintsëtyu'un jëjptsëtyu'un mëti'ipës xynyëxik xytyukxiktëpën.