Salmos 70:2 - Biblia Dc en Mixe de Quetzaltepec

² Wä'än jëtu'unyë tkumay tkutajëtë mëti'ipës xyaj'ookantëpën, wä'än wintsëtyu'un jëjptsëtyu'un tkä'äktë mëti'ipës ëxaty xyjyatunantëpën.

Biblia Mixe de Quetzaltepec

² Wä'än jëtu'unyë tkumay tkutajëtë mëti'ipës xyaj'ookantëpën, wä'än wintsëtyu'un jëjptsëtyu'un tkä'äktë mëti'ipës ëxaty xyjyatunantëpën.

Salmos 70:2 ပူးပေါင်းရင်းမြစ်များ

Salmos 35:26

Wä'än twë'ëmtë tsëtyu'unmëët ets wä'än tkumon tkutukëtë mëti'ipës xytyukxoontaktëpën koos n'ëyo'onpaaty; wä'än twë'ëmtë tsëtyu'unmëët mëti'ipë mëj këjxm näjya'awëtëpën këtiinëm ëjts.

Salmos 35:4

Wintsëtyu'un jëjptsëtyu'un kyä'äktëty mëti'ipës xyaj'ookantëpën; wintsëtyu'un jëjptsëtyu'un kyä'äktëty mëti'ipës ëxaty të xyjyatuna'antën.

Juan 18:6

Ko ja Jesús jëtu'un y'ënëmaayëtë: Ëjts jëtu'un ënätyë ojts y'ixtëkëye'eytyë ets kyëtaktaaytyë naaxkëjxy.

Isaías 41:11

Tëkokyë mëti'ipë ënety m'ëxëëk'ijxëp mka'oy'ijxëp, tsëtyu'unmëët wyë'ëma'antë; mëti'ipë ënety tsiptunantëpën mëët mijts, wa'ats nëjkx kyutëkooytya'atë.

Salmos 109:29

Wä'än yë nmëtsiptëjkës tsëtyu'unpata'atë. Wä'än tsëtyu'unmëët twë'ëmta'atë jëtu'un tä jeexyë wit mëët wyë'ëmtën.

Salmos 71:13

Wä'än twë'ëmtë tsëtyu'unmëët ets wä'än tkutëkooytya'atë mëti'ipë myëtsip'ajtëpën yë njuukyajtënës. Wä'än yë'ëjëty nëxi'iky tukxi'iky twë'ëmtë mëti'ipë tsyojktëpën ets jeexyë ëxëëk njaty nkëpetyës.

Isaías 28:13

Paatykyëjxm ja Wintsën jëtu'un myëkajpxa'anëtë tä pi'k ëna'k yajmëkäjpxyën, mëti'ipë nokykyapxtso'ontëpën. Ko ënety muum nyëjkxtë, jëtu'unyë yuntëty kyëtawtëty ets nyäyajtsëtyutëtëty, nyäyajkuka'anaxëtëty muum ets koonëm tsyiptëkëtëty.

Salmos 6:10

Yë nmëtsipës tsë'këtya'ajantëp ets nëxi'iky tukxi'iky wyë'ëma'antë; tu'k'ijxmi'kxyë kyäkta'aja'antë wintsëtyu'un jëjptsëtyu'un.

Salmos 22:12

Tëës yë nmëtsip xynyapikë, aakjëtu'un yaj'ixtë tsajpkaajën, tä yë tsajpkaa inën mëti'ipë jam Basán.

Salmos 22:20

Mijtsës xyajtso'okëp, ets ka'ap mëpaat n'ooky kupuxy mëët yë tëypyujxn, këtii xy'ëwa'atsëty etsës xyaj'ooktëty yë may uk.

Salmos 40:14

Wä'än tsëtyu'unpaatë mëti'ipë ja ënantëpën xyaj'ooka'antës. Wä'än tkä'äktë wintsëtyu'un jëjptsëtyu'un mëti'ipës xy'ëxëëktunantëpën.

Salmos 71:12

Dios, mëti'ipës nTios'ajtypyën, këtiis xymyëjëkämke'eky; nimiinkës tim tsojkyë ets putëjkëkës.

Salmos 141:1

Mijts yam nmëkäjpxyp, Wintsën: min tsojkyë. Mëtoow'ijtkës yë n'ayuk ma yam mijts nmëkäjpxyën.