Salmos 7:6 - Biblia Dc en Mixe de Quetzaltepec

⁶ Wintsën, pëtë'ëk mëët ja m'ëwa'an'ajtën. Putëjkëkës. Mijts wiinkuwa'akë ja nmëtsipës ja tsyip y'äkë, Mijts të xynyikäjpxy ko oy winë xynyipaye'eyä'äny, putëjkëkës ënät.

Biblia Mixe de Quetzaltepec

⁶ Wintsën, pëtë'ëk mëët ja m'ëwa'an'ajtën. Putëjkëkës. Mijts wiinkuwa'akë ja nmëtsipës ja tsyip y'äkë, Mijts të xynyikäjpxy ko oy winë xynyipaye'eyä'äny, putëjkëkës ënät.

Salmos 7:6 ပူးပေါင်းရင်းမြစ်များ

Salmos 44:23

¿Wi'ix ko mma'ay Wintsën? Ëkwij, këtii mmaanaxy. Këtiis xëmë xyjyä'äytyëkoytyë.

Salmos 35:23

Pëtë'ëk Wintsën mëti'ipës nTios'ajtypyën, Nipaye'eykyës ets niwaantutkës.

Salmos 3:7

Kuwaankës Wintsën. Yajtsokës ma mijts nTios'atyën. Mijts myajtsëtyutäämpy yë nmëtsipës wyiinkëjxy jyëjpkëjxy; yë y'aaw tyëts jëtu'unyë xymyo'taja'any.

Isaías 33:10

Ënet ja Wintsën y'ënä'äny: Ëjts yam ntuktëkëjäämpy tääpë jotmay, tyamës nyaj'ixa'anyë ja nmëk'ajtën n'oyajtën.

Salmos 138:7

Koos muum nyajpaaty o'këntum, mijts kë'ëm mpëjk'ijtyp mmajts'ijtyp yë njuukyajtënës. Pojën yë mmëkajtën xyajkëtä'äky maas yë nmëtsiptëjkën ets jëtu'unës xyajtso'oky.

Salmos 44:26

Pëtë'ëk, min putëjkëtëkës, yajtsoktëkës mëët yë këjääpë mtsojkën mja'awën.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënety jëtu'unën tä tu'uk mëj jëyujkën nëëjotypë.

Isaías 37:20

E tyam, yajtsoktëk ëëtsëty ma yë'ëjëtyën, Wintsën, mëti'ipës nTios'ajtëpën ets tëkokyë ja naax kajpn nijawëtëty ko mijts tu'ukyë mWintsën'ajtp ets mTios'ajtp.

Isaías 3:13

Ja Wintsën tëë tuknipëjktaakë ets tpaye'eyä'äny ja mtëko'oyën, ets mmo'oja'anyë ja tëytyu'unën ijxtëm mpaatyën.

Salmos 103:6

Yë Wintsën wa'ats ets tëyajtën winë tnipaye'ey ma ja'ayëtyën mëti'ipë ëxëëk jajt këpäjtëpën.

Salmos 78:65

E yë Wintsën ënät ojts pyëti'iky tä yë ja'ay myä'äypyëti'ikyën, tä tu'uk yë ja'ay mëti'ipë tsip'ixyën ets y'ëmu'ukyë wijy,

Salmos 74:3

Min ix wi'ix ya'atë naax kajpn xit ko'ow yajpaatyën ets ka'ap tii a'ijxën jëna'a jyëjpkëxy. Yë mëtsip yë'ë të tyajkutëkooytyä'äy winë mëti'ipë ënety jap yajpatëpën tsajptëkoty.

Salmos 73:20

Ko ënety mijts mpëtë'ëky, Wintsën, jëtu'un tä ja'ay myä'äypyëti'ikyën, ënät nëjkx ka'ap ninu'un xy'ixa'any tääpë ja'ayëty mëti'ipë tëkatsy ja jyot wyinma'anyëtyën.

Salmos 59:5

Mijts Wintsën, Dios mëti'ipë maaytyääyëpën winë, yë Israel yë Tyios, ëkma'aypyëtë'ëk ets tukumëtow tääpë ja'ayëty mëti'ipë oynatii y'ëwtajtëpën; këtii xypya'ëyoy tääpë ëxëëkja'aytyëjk mëti'ipë jyiiky myëku'uk kyë'ëyajktëpën.

Salmos 35:1

Wintsën, jëjpkuwa'akë näjyëtu'un, mëti'ipës xyjyëjpkuwa'këpën; ëtuk mëti'ipës xy'ëtujkpën.

Salmos 12:5

Yë Wintsën jëtu'un të y'ënä'äny: Yë ëyoopëja'aytyëjk ets paki'ixtëjk; o'ktëypyë jyatën kyëpätën, mëti'ipë jëëytyëp yaxtëpën. Yë'ëjës yam mputëkëjantëp etsës nkuwa'ana'antë, ijxtëm yë'ë tsojkën'atën.

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënety jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënety jä'ä t'ëyo'onmo'oja'any ja Absalón.

Salmos 143:3

Yë nmëtsiptëjkës jëtu'un xyjyänty'ixjëtit xyjyäntypyajëtitës, yajxonës naaxkëjxy xynyaaxkutijëtë; yë'ë tsyojktëp etsës ëxëëk njuuky'atëty, jëtu'un ijxtëm ojts jyuuky'atën mëti'ipë të y'o'knëtën.