Salmos 69:7 - Biblia Dc en Mixe de Quetzaltepec

⁷ Mëët mijtskyëjxm tëës nmënaxy nyajnaxy yë näy'oj näyya'axë; tëës nyajpaaty wintsëtyu'un jëjptsëtyu'un;

Biblia Mixe de Quetzaltepec

⁷ Mëët mijtskyëjxm tëës nmënaxy nyajnaxy yë näy'oj näyya'axë; tëës nyajpaaty wintsëtyu'un jëjptsëtyu'un;

Salmos 69:7 ပူးပေါင်းရင်းမြစ်များ

Salmos 44:15

Winjëpom nyajnëxi'iky nyajtukxi'ikyës; naax'ix naaxkow xëmë n'ityës mëët ja tsëtyu'un,

Salmos 44:22

E mëët mijtskyëjxm o'këntumës xëmë nyajpaatë; jëtu'unës nyajpëjktaknëtë tä tu'uk yë kupixynyën mëti'ipë yajmënëjkxnëpën o'këntum.

Isaías 50:6

Ojtsës yë njot nnini'kx nkë'ëyäky ets yajwop yajka'atsëty, ets ka'apës wi'ix n'ënany ko tnëwijxtaaytyë ja n'awaayës. Oy ojts pën xy'ojy xyä'äxyës ets xywyintsujy xyjyëjptsujyës, ka'apës n'akoowtuty.

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Jeremias 15:15

Wintsën, mijts wa'ats winë xynyijawë. Ja'amyäjtskës ets minës putëjkëk. Mijtsës xyajni'o'ktu'utëp ma ja ja'ayëtyën mëti'ipës xy'ixjëtijt xypyajëtijtëpën. Këtii tääpë ja'ayëty nijënu'un xymyëmä'kxtukëty, xyaj'ookantëpës yë'ëjëty; ni'ijxkëtakës, mijtsë jëtu'un nkujajtëp koos nyaj'ojy nyajyä'äxy.

Lucas 23:11

Ënet ja Herodes mëët ja tsyiptuunpëtëjk nëxik tukxiktë ja Jesús, ka'ap tmëj'ixtë ets ja wit tukxojxtë ijxtëm ja yajkutujkpë wyitën. Tääts jatëkok tuknikejxy ja Pilato.

Hebreos 12:2

Mpëjktakëm ja njoot'ajt nwinma'any'ajtëmë ma Jesusën, jä'ä ko yë'ë yäjkpy ets yajkä'pxyp ja nmëpëjkën'ajtëm. Ëyoow ja Jesús kruutskëjxm, ka'ap tmëjpëjktäky ja tsëtyu'un ko y'o'ky, jä'ä ko nyija'ap ënety ko ok y'ita'any ja xoontakën; tëë nyaaxweetsy aka'any'äämpy ma ja Dios ja kyutujktaknën.