Salmos 69:3 - Biblia Dc en Mixe de Quetzaltepec

³ Tëës yë nyo'kn nyatimtsyëtsnë koos nyä'äxy njoky; jajnëp tooynyëpës yë nyaxn; ets nwiinës tëë nya'ënu'kxënë koos njajantyjyëjp'ixy yë Dios.

Biblia Mixe de Quetzaltepec

³ Tëës yë nyo'kn nyatimtsyëtsnë koos nyä'äxy njoky; jajnëp tooynyëpës yë nyaxn; ets nwiinës tëë nya'ënu'kxënë koos njajantyjyëjp'ixy yë Tios.

Salmos 69:3 ပူးပေါင်းရင်းမြစ်များ

Salmos 6:6

Tëës n'ënu'kxënë koos nyä'äxy. Xëëny kootsës një'ëy nyä'äxy, nkoy npä'änës tëë nyatsa'amëtyääynyë mëët yë nwiinnëëjës.

Isaías 38:14

Je'eyës njaak ajëjy tä kuukën, tä pakën. Tëës ja nwiin nyatimy'ënu'kxënë mëët koos jam tsajpkëjxm mpa'at'ixy. Wintsën ëjts ëxëëkës näjyawëty, tun mëyajtën mijtsës ni ijxkëtak.

Salmos 119:123

Tëës yë nwiin nya'ënu'kxënë koos yi'iyë ntsäty'ëwxity jëna'ajës xyajtso'oky, koos ntsäty'ëwxity jëna'ajës xy'ëkyaj'ëwaatsëpëtsëmy, ijxtëm të xywyinwanën.

Salmos 119:82

Ënu'kxënëpës yë nwiin ko ntyäty y'ëwxity etsës nmay ntajy: ¿Jëna'ajës xymyo'oja'any ja jotkujk'ajtën?

Deuteronomio 28:32

Nëjkxëp xyjya'ixy, ko ënety yë mnëëx ets maank yajmënëjkxnëtë ets mja'ëna'anëty jatëkok xya'ixa'anëty, mijts nitii nëjkx mkamayë.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

Juan 19:28

Ko jëtu'un jyäjty kyëpejty, ets ko nän nyija'ap ënety ja Jesús ko tëë tyuunta'ay jyajta'ayë winë ets tam mëti'ipë jaaktëkoy'ajtpën paaty y'ënäny: Tëtsëpës.

Lamentaciones 2:11

Moonëpës yë n'ijxën koos je'eyë një'ëy nyä'äxy, jëtu'unës njawë mëpaatëpës yowë nkatsy pyëjnë; tëëjës näjyawëty ntimy xyejykyukëxë koos të n'ixy ja nja'ayës ja nyaax kyajpn të kyutëkoy, koos n'ixy ko yë'ëpaat pi'k ëna'k yuu'o'knëtë tu'ujoty.

Salmos 69:21

Maas yë n'uuky ntojkxën tëë jap t'apëkëtë mëti'ipë yaj'o'kpën, koos të ntëëtsë yë'ëjës të xytyuk'uuktë nëë mëti'ipë xunën ets ta'amën.

Salmos 39:7

E ko jyëtu'un'aty, Wintsën, ëjts ¿tiijës njaak'ëwxitëp? Ëjts jämyës yë n'ëwxijtën nmä'kxtujkën njaakpëjktä'äky ma mijtsën.

Salmos 25:21

Wä'än yë'ë tkuwa'antë koos ka'ap tii ntuuntëkoy ets ko ka'apës npokymyëëtëty, jä'ä ko mijts të ntuk'ijxpety.

Salmos 22:15

Jëtu'unës yë n'aaw tä texy apu'ujën; tëës yë nyä'än myëjtëtspäjnë npa'kxwiinyës. Jap ma o'kpë nyipetyën japës të xyajkëtä'äky.

Salmos 22:2

Dios mëti'ipës nTios'ajtypyën, xëëny koots njamëkäjpxy, e mijts ka'ap ma m'ëtsoy. Ëjts ka'apës yë po'kxën n'ëk'ijxnë.

Job 16:16

Ki'ix tsa'amës yë nwiin njëjp kyëxë'knë koos një'ëy nyä'äxy ets ka'apës oy n'ëk'ijxnë,

Job 11:20

Yë ëxëëkja'aytyëjk oy nëjkx tjatsoktë näypyutëkë, nëkoopë nëjkx t'ixta'atë, ka'ap tpaata'antë ijtakn maa nyäyu'utsëtëtyën, yë o'kën tëko'oyën yë'ë nëjkx tpaatë t'ixtë.

Salmos 40:3

Tëës xytyuk'ëy yë jemy'iy, ëy mëti'ipë yajtukkuuy'ëëpën nWintsën'ajtëm Dios. Nimay yë ja'ay jyot wyinma'any të y'oyë ko jëtu'un të t'ixtë ënät të tpëjkta'aktë ja wyinma'any jämyë ma Wintsënën.

Salmos 88:7

Jam yë mjoot'an të xyajnajxta'ay maas ëjtsën, ets tëës mijts xyajmony xyajtuky mëët ja ëyo'on jotmay mëti'ipës të xytyuknikexyën.