Salmos 69:28 - Biblia Dc en Mixe de Quetzaltepec

²⁸ Jo'tsëtë yë xyëëwëty mëti'ipë jap këxja'ay ijtpën ma ja nokyën juukyajtën mëëtpë, këtii jap xypyëjkta'akëty ma myinyën ja xyëëwëty ja wa'ats ja'aytyëjk.

Biblia Mixe de Quetzaltepec

²⁸ Jo'tsëtë yë xyëëwëty mëti'ipë jap këxja'ay ijtpën ma ja nokyën juukyajtën mëëtpë, këtii jap xypyëjkta'akëty ma myinyën ja xyëëwëty ja wa'ats ja'aytyëjk.

Salmos 69:28 ပူးပေါင်းရင်းမြစ်များ

Filipenses 4:3

Ets mijts mëku'uk, mëti'ipës oy të xypyutëkën ma ja Kristë yamëtunyën, n'amëtoopyës ja mëyajtën ets xypyutëkëty ya'atë to'oxytyëjkëty. Yë'ë mëk ojts tyuntë mëët ëjts ma yajkajpxwä'kxyën ja oy aaw oy ayuk, näjyëtu'un ja Clemente ets wiinkëtypë mëti'ipës mëët të ntuunmuktën. Kuja'ay ja xyëëw y'ijnëtë nokyjoty ma ja ja'ay xyëëwëtyën mëti'ipë juuky'ajtëpën xëmëkyëjxm.

Lucas 10:20

Je'eyëp ko këtii yi'iyë xytyukxoonta'aktëty ko ja ku'oypyë mmëmëtowëtëty, yë'ë mtukxoonta'aktëp ko ja Dios të tuny ja mëyajtën ko mxëëw jap kuja'ay y'ijnëtë tsajpjotm.

Hebreos 12:23

Näy tëë xymyëwinkontë nimay ja Dios ja y'u'unk y'ëna'k mëti'ipë ja xyëëw jaaypyety tsajpjotm yajpatëpën. Miits të xymyëwinkontë ja Dios, mëti'ipë ni'ëmukë ja ja'ay pyaye'eytyëpën ets nän miits të xymyëwinkontë ja ja'ay jyot wyinma'anyëty mëti'ipë oyjyä'äy'ajtë ets ojts y'ooktë ets ja Dios ojts pyëjkta'akëtë oy wa'ats,

Ezequiel 13:9

Nkoxäämpyës yë käjpxynyajxpëtëjkëty mëti'ipë ka'ap tii mëtëy twinkëma'atën ets mëti'ipë win'ë'ëntëpën. Ka'ap tjëkyepy jam yajpaatëty ma tyu'ukmuktën yë Israel ja'ayëty; ka'ap nëjkx yë xyëëw yajkëxja'atë ma myintën këxja'ay yë Israel ja'ay yë xyëëwëty ets ka'ap nëjkx tyëkëtë ma Israel ja'ay nyaaxjotëtyën. Ënet nëjkx xy'ijxpaatës ko ëjts Wintsënajtp.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Apocalipsis 22:19

Ets pën jää pën tpëjktuky mëti'ipë yap jaaypyetyën, näjyëtu'un ja Dios pyëjktuka'anxëty mëti'ipë ënety ja paat'ajtëpën ets tjë'kxëty ja kepy tyëëm mëti'ipë yajjuuky'ajtpën ets ka'ap jam y'itëty ma ja kënu'kxypyë ja mëj kajpnën mëti'ipë yap nokyjoty të yajnimëtyä'äkyën.

Apocalipsis 3:5

Pën mëtaktëp, näjyëtu'un poop witxë y'ita'antë ets ka'apës ja xyëëw nyajtëkoyanëtë jap nokyjoty mëti'ipë ja juukyajtën myë'ijtypyën, ni'ikyës nkajpxkëxë'ëka'antë maajës yë nTeetyën ets ma ja anklëstëjkëtyën.

Isaías 65:16

Ko ënety pën ma naax kajpnën t'amëtoy ja näkyënu'kxë, Dios y'amëtowëp, mëti'ipë tëyajtën winë tyuunpyën; ko ënety pën tii tnikajpxa'any ëkë tnikajpxpäta'any, Dios nëjkx ja xyëëw tkajpxpatëyë, mëti'ipë tëyajtën winë tyuunpyën. Ja ëyo'on jotmay mëti'ipë ënety të y'ityën, nëjkxëp yajja'atyëkooytyääynyë, ets ka'ap nëjkx maa y'ëkyaj'ijxnë.

Oseas 1:9

Ënet ja Wintsën ojts tmëkäjpxy ja Oseas ets t'ënëmaay: Llamá Lo-ami xytyijëty yë mmaank, jä'ä ko miitsëty ka'ap n'ëkkajpn'ajtnëtë, etsës ka'apës ëjts miits xy'ëk'ëwtajnëtë.

Isaías 4:3

Ja ja'ayëty mëti'ipë ënety juuky të jyaakwë'ëmtën jam Sión, mëti'ipë ka'ap të y'ooktën ma Jerusalén kajpnën, ets mëti'ipë ënety jam jaaktsuxk'ajtëpën, jä'ä nëjkx yajtijtë Wintsën të yajtuknipëjktaakë.