Salmos 69:21 - Biblia Dc en Mixe de Quetzaltepec

²¹ Maas yë n'uuky ntojkxën tëë jap t'apëkëtë mëti'ipë yaj'o'kpën, koos të ntëëtsë yë'ëjës të xytyuk'uuktë nëë mëti'ipë xunën ets ta'amën.

Biblia Mixe de Quetzaltepec

²¹ Maas yë n'uuky ntojkxën tëë jap t'apëkëtë mëti'ipë yaj'o'kpën, koos të ntëëtsë yë'ëjës të xytyuk'uuktë nëë mëti'ipë xunën ets ta'amën.

Salmos 69:21 ပူးပေါင်းရင်းမြစ်များ

Eclesiastés 4:1

Ënätës ojts n'ixy ntuny wi'ix ja'ay tyaj'ëyoyën yaa naaxwiiny naaxkëjxy. Ënätës ojts n'ixy ko mëti'ipë ja'ay ëyoopën jëëytyëp yaxtëp yë'ëjëty ets ka'ap pën pyutëkëty; mëti'ipë ja'ay myëku'uk yaj'ëyoopyën ëxëëk myëku'uk tyajjaty tyajkëpety ets ka'ap pën pyutëkëty mëti'ipë ëxëëk yajtuuntëpën.

Jeremias 23:15

Paaty ëjts maas nWintsën'atyën, mëti'ipë maaytyääyëpën winë, jëtu'unës n'ënëëmë ja käjpxynyajxpëtëjkëty: Yë ntukkayantëp mëti'ipë ta'amën; yë'ë ntuk'uukantëp mëti'ipë yaj'o'kpën, jä'ä ko mëët yë'ëkyëjxm ko yë käjpxynyajxpëtëjk të pyokytyuntë, tëë ja nëë poky kyëjääjë ma tu'kë'ëyë naax kajpnën.

Jeremias 8:14

Ets nëjkx ja naax kajpn y'ënä'äny: ¿Tii ko yaa nwë'ëmëty? Nikë tsojk nja'amëmë ma kajpnën këwent'atypë wä'än jam n'o'këmë. Yë nWintsën'ajtëm Dios je'eyëm xyaj'ooka'anëmë mëët yë nëë tsooymyëëtpë mëti'ipë yaj'o'kpën, jä'ä ko tëë nmëtëko'oyëmë.

Jeremias 9:15

Paaty ëjts maas nWintsën'atyën, mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'unës n'ëna'any: Yë'ëjës yam ntukjë'kxantëp ta'ampë, nëëjës yam ntuk'uukantëp tsooymyëëtpë mëti'ipë yaj'o'kpën.

Lamentaciones 1:2

Tu'ktsu'um jyi'iy yä'äxy; pëyë'ktëëp yë wyiin nëë ma y'apënuukyën. Nitu'uk yë y'atsoky ja'ay kyajjotkujkmo'oyë. Aak tëë yë y'ëxmajtsta'ayë mëti'ipë ijty mëët oy nyämyäyën; myëtsip të y'awinpijta'atë.

Lamentaciones 1:9

Tëë yë nyëë pyoky yaj'ëxëëkëtë; ka'ap ojts tmëmay tmëtajy wi'ix wyimpëtsëma'any. Ka'ap nmëpëka'anmëty wi'ix të jyäty të kyëpetyën; ni pën kyajjotkujkmo'oyë. Ix Wintsën, wi'ixës o'ktëy njaty nkëpetyën ets wi'ix yë nmëtsipës nyämyëjaw nyäjyäänty jawëtyën.

Mateo 27:34

jam tuk'uktë ja Jesús ja tsatsym nyëë xëpiny mëët yë hiel; ko Jesús tja'awëmyäjtsy, ka'ap t'uukany.

Mateo 27:48

Ënätyë ojts tu'uk nyijkxy wit ixtääpyë ets ojts tukpatijë'ëky ja tsatsym nyëë xun, jam tsajpkäpynykëjxm tkëxtsuumy. Tääts ja Jesús tuk'atijë'ky.

Marcos 15:23

Jamts tmooytyë ja tsatsym nyëë mëti'ipë ënety të t'atäämuktën mëët ja tsooy mëti'ipë xyëëwajtypyën mirra; je'eyëp ko kä'äp ja Jesús t'uky.

Marcos 15:36

Tääts ojts tu'uk ja ja'ay pëyi'ikyë tyajtsoony mëti'ipë këxë'kpën ijxtëm tu'uk ja pixynyën ets ojts tukpakony ja tsatsym nyëë xun ets tukjëjptijëy ja paxy, tääts ja Jesús tukwinmuuka'any ets ja ja'ay y'ënäny: Ixmatstë, tsojk n'ijxëm pën ëknimiinëp yë Elías ets yajjënäkëtëty kruutskëjxm.

Lucas 23:36

Näyjyëtu'un ja tsiptuunpëtëjkëty nyëxik tyukxikëtë ja Jesús, winkon tninëjkxtë ets tuk'uuka'antë ja tsatsym nyëë xun,

Deuteronomio 29:18

Ma miitsëtyën, ni pën tka'ëxmatsëty yë nyë'ë'aaw tyu'u'aaw yë nWintsën'ajtëm Dios ets tpanëjkxtëkëty ja wiink tios, mëti'ipë tääpë yë naax kajpn y'ëwtajtëpën. Ka'ap mëpaat yajpaaty ma miitsëtyën yë ja'ay mëti'ipë yë Wintsën jëtu'un jyawëpën tä yë ujts mëti'ipë ta'amën.