Salmos 68:4 - Biblia Dc en Mixe de Quetzaltepec

⁴ Win'ëwtë miitsëty yë Dios, ëwtë yë ëy yä'äxy oyëtypë ets jëtu'un yë xyëëw mëjjawëtë, tukxoonta'aktë mëti'ipë jam tsajpjotm ijtpën tsënääpyën. Xoonta'aktë jam ma Wintsënën. Xoontä'äky yajpaatë ma yë'ëjën.

Biblia Mixe de Quetzaltepec

⁴ Win'ëwtë miitsëty yë Tios, ëwtë yë ëy yä'äxy oyëtypë ets jëtu'un yë xyëëw mëjjawëtë, tukxoonta'aktë mëti'ipë jam tsajpjotm ijtpën tsënääpyën. Xoonta'aktë jam ma Wintsënën. Xoontä'äky yajpaatë ma yë'ëjën.

Salmos 68:4 ပူးပေါင်းရင်းမြစ်များ

Deuteronomio 33:26

Ni pën tkamëpaatëty yë Dios jampë yajpaatyën Jesurún, mëti'ipë jokjoty yootsjoty yajpatpën tsajpkëjxm, poj'am mnimina'anyë ets mputëkëtëty.

Salmos 66:4

tëkokyë yë naaxwiinyëtë ja'ay aakmijts m'ëwtajtëp ets yë'ë mxëëw kyuuy'ëëw kyuuyaxtëp.

Salmos 104:3

Mijts të xypyëjktä'äky yë nyixeny yë mjëën mtëjk nëëwiinkëjxy, mëti'ipë jam tsajpjotm mtuktsëna'ayëpën. Ko muum mnëjkxy pojjoty yootsjoty mjëtity.

Salmos 68:33

mëti'ipë jam ënyääpyën tsajpjotm mëti'ipë kë'ëyxyëëw kë'ëyjyëmëjt ijtpën. Mëtoow'itë wi'ix yë y'aaw y'ayuk yajmëtoyën, yë y'aaw y'ayuk mëti'ipë mëj'ajtën mëëtën.

Salmos 66:2

kuuy'ëw kuuya'axtë yë myëjxëëw kyënu'kxyxyëëw, tukwin'ëwtë oypyë ëy yä'äxy.

Salmos 67:4

Wä'än yë mëjëtypë naax kajpn tukyaax tukjokëtë yë xoontakën, jä'ä ko mijts, mëët yë tëyajtën yë naax kajpn xy'ëne'emy xymyëkäjpxy; mijts tu'kë'ëyë yë naax kajpn mtu'uwinwoopy naaxwiinyëtë apëtsëmy.

Salmos 18:10

Ënet të tukwä'tspety tu'uk yë Dios kyukäjpxy käkn mëëtpë, ets të myëkääkë'ëkyë pojotm.

Isaías 40:3

Jëtu'un tu'uk ja aaw yo'kn yajmëtoy y'ënä'äny: Yaj'oyëtë ja në'ë tu'u ma ja Wintsën nyaxëtyën, tuk'akäätsëtë tëywyijtsnë ma nyajtswa'akëtyën ja nWintsën'ajtëm Dios, jam të'ëts'itjotm ma ka'ap tii y'ity wyintëyën.

Salmos 83:18

Jëtu'un nijawëtëty ko mijts tu'ukyë mWintsën'ajtp, ko mijts tu'ukyë Ni'ik Këjxmëpë ma tëkokyë yë naaxwiinyëtë y'ëwtityën.

Éxodo 6:8

Jamës yë naax kajpn nyajnëjkxa'any maas ojts yë Abraham, Isaac ets Jacob të ntukwinwanëtën ets yë'ë tjä'ä'atëty. Ëjts jëtu'un Wintsën.

Éxodo 6:3

Ojtsës nnänyikëxë'ëkyë ma Abraham, Isaac ets Jacob, etsës ojts jëtu'un ja nxëëw nkë'ëyäky, Dios mëti'ipë maaytyääyëpën winë. Ëjts ka'apës nëkoo ja nxëëw ojts ntimkyë'ëyajkojy, tääjës mëtëy nxëëwatyën: Wintsën.

Éxodo 3:14

Ënet ja Dios y'ëtsoowë: ËJTS JËTU'UN MËTI'IPË ËJTS'AJTPËN. Ets tyaa nëjkx xy'ënëëmë yë Israel ja'ayëty: Yë mëti'ipë ËJTS'AJTPËN, yë'ëjës të xykyexy ma yaa miitsëtyën.

Isaías 62:10

Pëtsëmtë, pëtsëmtë tëjk ëkë'ëy, nipëjktaakëtë ja nyë'ë tyu'u ja nnaax nkajpnës. Oytyuntë yajxon ja në'ë aaw tu'u aaw ets xyjyëkoonta'atëty yë tsaa; Pëjkta'aktë tu'uk ijxpäjtën ets naax kajpn t'ixtëty.

Isaías 19:1

Ixtë wi'ix ja Wintsën tniminyën ja Egiptë ja'ayëty yootsjoty. Ja awinax jëtu'unyë tsyëtyuupyëjkta'atë ko t'ixtë myiny ja Wintsën, ja Egiptë ja'ayëty nän yajxon tsyë'kënëtë.

Salmos 5:12

jä'ä ko mijts Wintsën mkënu'kxyp mëti'ipë oy mmëtuunëpën; yë m'oyjot jëtu'un xytyukna'ëwtity tä akëëytyukën.

Salmos 16:11

Xytyuk'ixëpës ja në'ë tu'u mëti'ipë ja juukyajtën myëët'ajtypyën. Jam ma mijtsën tam yajpaaty xoontakën. Jotkujk jam xëmë mijts mwintuuy.

Salmos 97:11

Jam'ajtp yë të'kxën jajën ma oyjyä'äytyëjkëtyën; yë xoontakën yë'ë ojts yajtuknipëjktaakëtë ja'ayëty mëti'ipë juuky'ajtëpën mëët yë näywyinkutsë'kën.

Proverbios 10:28

Yë wa'ats ja'aytyëjk akujk jotkujk yajpaatë ma mëti'ipë miimp këtakpën; e yë ëxëëkja'aytyëjkëty jëtu'un tjawëtë mëj ëyo'on yowë tim tukëtakpäjtëtëp.