Salmos 68:3 - Biblia Dc en Mixe de Quetzaltepec

³ E ja'ayëty mëti'ipë oy yë jyot wyinma'anyëtyën, akujk jotkujk nyäyjyawëtë; xoontakp jam yajpaatë Dios wintum, ets y'ätstë xyoonta'aktë mëët ja jotkujk'ajtën.

Biblia Mixe de Quetzaltepec

³ E ja'ayëty mëti'ipë oy yë jyot wyinma'anyëtyën, akujk jotkujk nyäyjyawëtë; xoontakp jam yajpaatë Tios wintum, ets y'ätstë xyoonta'aktë mëët ja jotkujk'ajtën.

Salmos 68:3 ပူးပေါင်းရင်းမြစ်များ

Salmos 64:10

Yë oyjyä'äy tyukxoonta'akäämpy yë Dios ets jam yë kuwa'anën t'ixta'aja'any ma yë'ëjën; tëkokyë ja'ayëty mëti'ipë oy tii tyuuntëpën jotkëtä'äky jyuuky'ata'antë.

1 Tesalonicenses 5:16

Xëmë akujk jotkujk mnäjyawëtëty.

Apocalipsis 19:7

Nxoontakëmë, n'ijtëmë nxo'onëmë ets nmëjja'aw njaantyjya'awëmë, jä'ä ko tëë ja xëëw tpaaty ma ja Dios U'unk mëët ja jyä'äy nyäpyaata'anyën, ets mëët pyëka'any y'uuka'any, tëë ja jyä'äy nyäy'ixkukëtë.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.

Salmos 97:12

Jotkujk mnäjyawëtëty ma Wintsënën, miitsëty naaxwiinyëtë ja'ayëty ninu'un oy mja'ay'atën, mëjjaw kënu'kxyjyawëtë wya'atsajtën.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

Salmos 58:10

Jotkujk nyäjyawëja'anyë ja wa'ats ja'ay ko ënety të yajnipaye'ey ma ëxëëk të jyäty të kyëpetyën; jëtu'unyë nëjkx t'ateeny tukteeny ja jyot nye'pyny ja myëtsip ëxëëkpë jyä'äy'ätyën.

Salmos 43:4

Etsës nja'tëty ma ja mwintsë'këntyaknën, jam nwin'ëwa'any nwinya'axa'any mijts Dios mëët yë kow, jä'ä ko mijts Dios, mëti'ipës nTios'ajtypyën, akujk jotkujkës xyajjuuky'äty.

Salmos 21:1

Wintsën, yë yajkutujkpë jotkujk nyäjyawëty ko të xymyo'oy yë mëjaaw mëk'ajtën. Jotkujk nyäjyawëty ko të xyajmëtä'äky tsipjoty.

Deuteronomio 12:12

Nëjkxëp tu'uk yë mëj xëëw xyaj'apaatëtë ma ja Wintsën xymyëjjawëtëtyën, mëët ja m'u'unk m'ëna'këty, ja mtuunpëty ets Leví ja'ayëty. Miits wa'ats xynyijawëtë, ko yë'ëjëty ka'ap yë nyaax tmëët'atë.

Salmos 32:11

Xoonta'aktë jam ma Wintsënën, miitsëty naaxwiinyëtë ja'ayëty ninu'un oy mja'ay'atën ets ninu'un winë mëtëy xytyuntën. Xoonta'aktë ets tukyaax tukjokëtë ko jotkujk myajpaatë.

Salmos 37:20

Yë ëxëëkja'aytyëjk jëtu'un nëjkx tyoytyë jyämtë tä aaytyë'ëts ujtstë'ëtsën; tëkokyë mëti'ipë yë Wintsën y'ëxëëk'ijxtëpën ets myëtsip'ajtëpën, jëtu'un pyojwa'kxa'antë tä yootsën.

Salmos 75:4

Yë ëxëëkja'aytyëjk mëti'ipë nämyëjja'aw näjyääntyja'awëtëpën tyaajës n'ënëëmëtë: Këtii nëkoo mnäkyumayëtë ets janty mëj janty këjxm mnäyajnaxëtë;