Salmos 68:2 - Biblia Dc en Mixe de Quetzaltepec

² jëtu'un pyojwa'kxta'atë tä jok pyojwä'kxyën tsajpkëjxm, ets jëtu'un yaj'ixtë jëtu'unyë yowë jyiiywya'kxnëtë tä onën jëënjoty, jam ma Tiosën yë ëxëëkja'aytyëjk ijxtëkoy ja'atyëkoy y'itë.

Biblia Mixe de Quetzaltepec

² jëtu'un pyojwa'kxta'atë tä jok pyojwä'kxyën tsajpkëjxm, ets jëtu'un yaj'ixtë jëtu'unyë yowë jyiiywya'kxnëtë tä onën jëënjoty, jam ma Tiosën yë ëxëëkja'aytyëjk ijxtëkoy ja'atyëkoy y'itë.

Salmos 68:2 ပူးပေါင်းရင်းမြစ်များ

Miqueas 1:4

Jëtu'un yë tun kopk jyiiywya'kxa'any ma tyekpya'tkën tä yë cerë jyiiywyä'kxyën ko yajjëënkupëky ets joy it jëtu'un mäjtskpëky wya'kxa'any tä jeexyë mëj komnëë të nyäwyä'kxyën.

Salmos 37:20

Yë ëxëëkja'aytyëjk jëtu'un nëjkx tyoytyë jyämtë tä aaytyë'ëts ujtstë'ëtsën; tëkokyë mëti'ipë yë Wintsën y'ëxëëk'ijxtëpën ets myëtsip'ajtëpën, jëtu'un pyojwa'kxa'antë tä yootsën.

Oseas 13:3

Paatykyëjxm jëtu'un jyata'antë tä nëëma'a yaj'ixyën jopyëp; tä maanik kyä'äyën ets ënätyë tyëkoy; tä aaykyëta'ak wyimpapojyën; tä jok pyëtsimyën jëëntooytyaknjoty.

Isaías 9:18

Yë ëxëëktu'un ëxëëk kajpxën mëj këjää ëyo'onpëjktä'äky, jëtu'un tä patoyë jëënën, wa'ats tno'ktëkooytyä'äy aayjyot pejyjot ets aay kepy, ko wyimpapojy jëtu'un yaj'ixy pojxujtykyën.

Salmos 97:5

Yë tun kopk jëtu'un jyiiytyakta'ay tä yë pu'unykyën ma Wintsënën, mëti'ipë nyiwintsën'ajtypyën yë naaxwiinyëtë.

Salmos 80:16

Myajkutëkoyëp mëët yë mjoot'an, mëti'ipë pyujxtëpën ets nyino'ktëpën;

Isaías 64:2

ets naax kajpn xyajtooytya'ajëty jëtu'un tä yë mats wyintooykyëtä'äkyën ëkë jëtu'un tä yë nëë y'ë'tskëtä'äkyën. Ënet ja mmëtsiptëjk m'ixkapëtëty ets ja naax kajpn mwinkutsë'ëkëtëty.

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Salmos 22:14

Jëtu'unës ëjts tä nëë nyajtstämën. Tëës yë nwaay mpajk jyäjxma'ta'ay. Jëtu'unës yë njuukyjot tä pu'unykyën tëë jap jyiiytyakta'ay njootjotyës.

2 Samuel 10:13

Tä ja Joab ojts tnitsoony ja sirië ja'ayëty, ko ja sirië ja'ayëty t'ijxtë ko tam ja Joab nyiminëtë pojën ojts kyäkta'atë.

2 Samuel 10:18

ja sirië ja'ayëty ka'ap jatëkok myëtaktë; paaty ojts je'eyë tyimkäknëtë, jä'ä ko ja David ja tsyiptuunpëtëjk tëë ënety ja sirië ja'ayëty nayaj'o'knëtë niwëxtyikxy mil aakyë'ë ja tsiptuunpë mëti'ipë kwaaykyijxy ënyääytyëpën, ëpëky niwëxtujk mëko'px mëti'ipë myëtsiptuuntëpën ja pujxnwintëkäämpë; ojts näjyëtu'un ja David tyaj'ooky ja Sobac, mëti'ipë nyiwintsën'ajtypyën ja tsiptuunpëtëjk mëti'ipë sirië ja'ayëtyën.

Isaías 33:3

Ko ënety mijts nkäjpxy, nëjkxëp kyäkta'atë ja nmëtsipëtyës; ko ënety mijts xytyuktëkë ja tsip, jëtu'unyë ja naax kajpn axit ako'owë jyajtaja'antë.

Jeremias 46:15

¿Wi'ix ko të kye'eky yë mtsajpkaa mëti'ipë m'ëwtajtypyën? ¿Tii ko ka'ap twintänë ëyo'on jotmay? Jä'ä ko ka'ap të nyajmëtä'äkyës; jëtu'unës të ntuny tä ja'ay potsy tjijtë'ëkyën.