Salmos 67:1 - Biblia Dc en Mixe de Quetzaltepec

¹ Dios xypya'ëyo'owmëp ets xykyënu'kxmëty; wä'än xynyi''ijxkëtakëmë,

Biblia Mixe de Quetzaltepec

¹ Tios xypya'ëyo'owmëp ets xykyënu'kxmëty; wä'än xynyi''ijxkëtakëmë,

Salmos 67:1 ပူးပေါင်းရင်းမြစ်များ

Salmos 4:6

May y'ëna'antë ja'ayëty: ¿Pën jëtää xy'ëktuk'ijxmëp ja oyajtën jotkujk'ajtën? Wintsën, ni''ijxkëtaktëkës mëët yë m'oyjot m'oywyinma'any.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

Salmos 4:1

Dios mëti'ipës xykyuwaanp xykyënu'kxpën, xy'ëtsowëpës ko nmëkajpxëty. Koos ënety nyajpaaty mon tuk, ojtsës xymyo'oy jotkujk'ajtën. Pa'ëyoow najts'ëyo'owëkës ets mëtoow'it wi'ix n'ënëëmën.

Salmos 119:135

Ni''ijxkëta'ak ya'atë mtuunpë, ets tukni''ijxëkës yë m'ënä'ämën mtëyajtën.

Salmos 31:16

Ni''ijxkëta'ak ya'atë mtuunpë mëët yë oyjyot oywyinma'any, ets yajnitsokës mëët yë mtsojkën mja'awën.

Salmos 80:19

Wintsën, Dios mëti'ipë maaytyääyëpën winë, mijts m'a'ixëp etsës jatëkok jëtu'un nja'ay'atëty tä ijty tëëyëpën. Ni''ijxkëtaktëk ëëtsëty etsës npaatëty ja nitsokën.

Salmos 80:7

Dios, mëti'ipë maaytyääyëpën winë, mijts m'a'ixëp ets jatëkok ëëtsëty jëtu'un nja'ay'atëty tä pya'tkë'p'ajtyën. Ni''ijxkëtaktëk ëëtsëty ets jëtu'un jatëkok nyajpaatëtyës ëwaatsëtuuy.

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

2 Corintios 13:14

Ja myëj'ajt y'oyajtën ja nwintsën'ajtëm Jesukristë, ja Dios ja tsyojkën jya'awën ets ja Kënu'kxypyë ja Mëk'ajtën wä'än tyajpaaty ma miitsëtyën ni'ëmukë.

Salmos 28:9

Wintsën yajtso'ok mnaax mkajpn; kënu'kxy mëti'ipë mjä'ä'ajtypyën. Kwent'at jëtu'un tä ja'ay yë kupixyny këwent'atyën. Jam xëmë xymyëët'atëty ma mkë'ëjotmën.

Deuteronomio 21:8

E paaty yam myajpëjktsoy Wintsën, pokymyä'kx yë naax kajpn, yë Israel kajpn, mëti'ipë të xyjyuutyën jam ëyo'ontum. Ets këtii yë'ë xypyoky'ixëty mëët ko ya'atë ja'ay të y'ooky, mëti'ipë ka'ap tii poky të tunyën. Jëtu'un'äämpy nëjkx ja Wintsën ja nëë poky tme'kxy mëët ma ya'atë ja'ay të y'ookyën.

Salmos 6:1

Wintsën, këtiis xy'ojëty, këtiis xytyiytyunëty mëët yë mtsip m'äkë.

Salmos 76:1

Yë Dios wa'ats yajnijawë jam Judá ets xyëëw mëj yajëkyepy jam Israel.