Salmos 66:8 - Biblia Dc en Mixe de Quetzaltepec

⁸ Miitsëty naax kajpnëty, wintsë'ëk mëjjawëtë yë Dios. Wä'än tyajmëtoy ko m'ëwtë mya'axtë.

Biblia Mixe de Quetzaltepec

⁸ Miitsëty naax kajpnëty, wintsë'ëk mëjjawëtë yë Tios. Wä'än tyajmëtoy ko m'ëwtë mya'axtë.

Salmos 66:8 ပူးပေါင်းရင်းမြစ်များ

Salmos 98:4

Jotkujk win'ëw winya'axtë yë Dios, tëkokyë miitsëty jënu'un m'itën naaxwiiny naaxkëjxy; akujk jotkujk ëwtë ya'axtë ets tukxoonta'aktë mëët yë ëy yä'äxy.

Apocalipsis 19:1

Ko jëtu'un y'ëkjajty, ënätës nmëtooy ko mayjyä'äy kyajpxtë tsajpjotm ets mëk y'ëna'antë: Tukxoontä'äky mëjjawë yë Dios yë xyëëw nyaxëty, ja nitsokën, ja mëj'ajtën jaanty'ajtën ets ja mëk'ajtën Dios yë jyä'ä'ajtääpy,

Jeremias 33:11

ja ëy xoontä'äky ets xuxën wojpën. Nëjkxëp ja pëjkpë ukpë yajwinxoonta'aktë ets ja ja'ay tyaka'antë ja wintsë'kën, tyajnaxa'antë ja kukajpxën.

Salmos 66:2

kuuy'ëw kuuya'axtë yë myëjxëëw kyënu'kxyxyëëw, tukwin'ëwtë oypyë ëy yä'äxy.

Salmos 47:1

Tukë'ë'apo'kxmuktë, miitsëty naax kajpn; mëk yë Dios mmëkajpxtë mëët yë xoontakën.

Deuteronomio 32:43

Miitsëty naaxëty kajpnëty, xoonta'aktë mëët tu'kmukyë yë Wintsën yë nyaax kyajpn. Yë'ë ka'ap jëtu'unyë näyajninaxa'any, ko yë y'u'unk y'ëna'k y'ooktë tyëkoytyë. Pyaatëp yë xëëw po'o jëna'a ets tyajkutëkooytya'ajëty yë myëtsiptëjk, ets nëjkx ja nyaax kyajpn tpokymye'kxy.