Salmos 66:3 - Biblia Dc en Mixe de Quetzaltepec

³ Jëtu'un yë Dios ënëëmëtë: Dios, tu'kë'ëyë mëti'ipë të xyajkojy të xypyëjktä'äkyën janty oyëty yaj'ixy ets tukxoontaknëty. Mëët yë mmëkajtën, yë mmëtsiptëjk aakmijts mëmëtowanëp,

Biblia Mixe de Quetzaltepec

³ Jëtu'un yë Tios ënëëmëtë: Tios, tu'kë'ëyë mëti'ipë të xyajkojy të xypyëjktä'äkyën janty oyëty yaj'ixy ets tukxoontaknëty. Mëët yë mmëkajtën, yë mmëtsiptëjk aakmijts mëmëtowanëp,

Salmos 66:3 ပူးပေါင်းရင်းမြစ်များ

Salmos 18:44

Je'eyës tu'k aaw nkäjpxy täätsës xymyëmëtowtë; jëkämpaat muum yë ja'ay të tsyoontë mëti'ipës të xymyëmëtowtën.

Salmos 65:5

Dios, mëti'ipës xyajnitsoktëpën, ko m'ëtsoy jam xyajnikëxë'ëky ko tii mëtëy xynyipaye'ey, paaty nitëkokyë yë naaxwiinyëtë ja'ay mijts mtuk'ijxpetyë jampaat mejy awinaxy;

Salmos 81:15

Mëti'ipë myëtsip'ajtëpën yë Dios, tsë'ëkë mëët jeexyë të wyë'ëmta'atë, ma të yajtëytyuntën, tsa'ay jeexyë të wyë'ëmtë.

Salmos 47:2

Jä'ä ko yë Wintsën, Ni'ik Këjxmëpë, atsë'ëk ajawë yë'ë, yajkutujkpë y'ity naaxwiinyëtë apëtsëmy.

Jeremias 10:10

Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Isaías 2:19

Ko ënety ja Wintsën tnipëtë'ëky ja naax kajpn ets jyää'aty ja tsë'ëkë jawë naaxwiiny naaxkëjxy, nëjkxëp ja ja'ay tsyaatëkëtë jyutëkëtë ets jap nyäyu'utsëtëty, këtiipë ja Wintsën y'ixëtëty ko ënety ja myëj'ajt y'oyajtën tyaj'ixyë.

Isaías 64:3

Ko xyaj'ijty ja ëyo'on tsë'ëkëpë jawëpë ka'ap ënety pën jëtu'un tyim'ëna'any, ko mjënäjky yaa ëpa'tkë'ëy, ojts ja tun kopk yu'kxpëjkta'atë mijts mwintuuy.

Salmos 76:12

Yë'ë pyëjkëp yë jyuukyajtën mëti'ipë ënä'ämtëpën ets yajkutujktëpën, y'ëtsë'këp yë ënä'ämpëtëjk naaxwiinypë yajpaatën.

Salmos 68:30

oj yë Egiptë ja'ayëty, mëti'ipë ja'ay'ajtëpën tä mëj jëyujkën aayjoty ujtsjotypë, tä tsajpkaa yä'äyën inpë, mëti'ipë näjya'awëyëpën tsajpkaa ëna'kën, mëti'ipë yi'iyë myëmääpy myëtäjpyën wi'ix ja wit meeny may'äämpy tpaatëty oy ja naax kajpn ëxëëk tyajjatëty; oy ja naax kajpn tsyiptun tsyippaatëty.

Éxodo 15:21

Tä ja Maria ojts t'ëy ya'atë ëy: Win'ëw winya'axtë yë Dios ets mëjjaw kënu'kxyjyawëtë. Jä'ä ko yë'ë jëtu'un të myëtä'äky mëjwiin këjää, ko të tyajkiinta'ay ja këwaayëty, mëët tu'kë'ëyë ja nyija'ay mëti'ipë tuk'ënyääyëpën.

Salmos 18:45

Yë ja'ay mëti'ipë jëkäm tso'ontëpën jëtu'unyë wyinkumon jyotkumonëtë, tsëtyu'unmëët jap pyëtsëëmnëtë ma y'ijtaknëtyën.

Isaías 25:3

Paaty ja naax kajpn mwinkutsë'ëkëty mëti'ipë ta'tspëky yajpatpën, mtsë'këyëp yë jotmëk kajpn.

Isaías 40:26

Jam yujk'ixtë tsajpwinm ets xy'ixtëty: ¿Pën jam winë të tyajkojy? Mëti'ipë të tuknipëjktakëtyä'äyën maajaty y'itëtyën nitu'ukjaty ets aak xyëëw tyukmëkäjpxyp. Nëkooyë tmëët'ajnë mëk'ajtën ets mëjaaw paaty nitu'uk kyatëkoy'äty