Salmos 66:12 - Biblia Dc en Mixe de Quetzaltepec

¹² Ojts xy'ëwa'atsy etsës nyaj'atään nyajtuktääntëty; jëtu'unës yë ëyo'on jotmay të ntuknaxtë tä mëk komnëë ets mëj jëën yajtuknaxyën, e ka'ap të xytyimja'atyëkoytyës, tëës jatëkok xyajjotmëkpëktë.

Biblia Mixe de Quetzaltepec

¹² Ojts xy'ëwa'atsy etsës nyaj'atään nyajtuktääntëty; jëtu'unës yë ëyo'on jotmay të ntuknaxtë tä mëk komnëë ets mëj jëën yajtuknaxyën, e ka'ap të xytyimja'atyëkoytyës, tëës jatëkok xyajjotmëkpëktë.

Salmos 66:12 ပူးပေါင်းရင်းမြစ်များ

Isaías 51:23

Yë'ëjës nmo'ojäämpy yë ja'ayëty mëti'ipë ëxëëk të mtunyën, mëti'ipë ijty m'ënëmaayëpën: Xii naaxkëjxy nekyo'okët, wä'änës jam nkëxye'eytyë; ets ojts mnäkyo'okyë tää myaj'ate'eny myajtukte'eny naaxwayën.

Santiago 5:11

Ëëtsëty jä'äs ntijtë ko akujk jotkujk yë ja'ay yajpaatë mëti'ipë myëmëtaktëpën ja ëyo'on jotmay. Miitsëty tëë xymyëtoy'atë wi'ix ja Job tmëtënaayën ja ëyo'on jotmay, ets mnija'awëtëp näjyëtu'un wi'ix ojts ja Dios myo'oyë ja oyajtën ok, jä'ä ko yë Dios myëët'ajtyp yë pa'ëyo'owën najts'ëyo'owën.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënety ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Dios ja kyutujkënën, kopkpëky ko nku'ëyo'owëmëty.

Job 36:16

Mijts ojts myajtso'okyë o'kënjëjp'am, may'äämpy winë mmooyë ets myaj'ëwaatsëpëtsëëmë; ujts të tyaj'ity yë mkaaytyakn mëët yë jë'kxy pëky.

Salmos 33:19

tääts tyajtso'oka'any o'kpë akujky, ets tmo'oja'any yë juukyajtën oy jënu'un yuu xëëw y'itëty.

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

2 Samuel 15:17

Ko ënety jam timtyukpëtsëmanëtë ja kajpn jam ojts wya'akwë'ëmtë ma tu'uk ja tëjk jyaak yajwinaxyën.

Job 5:19

Yë'ë, xëmë myajtso'oka'anyë, janaam jatsojk, ka'ap wi'ix mjata'any.

Daniel 3:26

E ko jëtu'un kyajpxtaay, ënät ja Nabucodonosor ojts jam nyijkxy jëënjut ëkë'ëm ets mëk yujk'ënany: Sadrac, Mesac ets Abed-negó, miitsëty, Dios Ni'ik Këjxmëpë m'u'unk'ajtëtëp, pëtsëmtë jap ets yam mintë. Ënet nitëkëëk pyëtsëëmtaaytyë jap jëënjutjoty,