Salmos 61:2 - Biblia Dc en Mixe de Quetzaltepec

² Jamës nkäjpxy ma naaxwiinyëtë jyëjpkëxyën, jëtu'unës nja'awënë japës yowë yë njot nwinma'any wya'kmëkënë. Yajtsokës yë njuukyajtën jëtu'un tääjës jeexyë muum nkëxwä'äkyën tsaatunkëjxy,

Biblia Mixe de Quetzaltepec

² Jamës nkäjpxy ma naaxwiinyëtë jyëjpkëxyën, jëtu'unës nja'awënë japës yowë yë njot nwinma'any wya'kmëkënë. Yajtsokës yë njuukyajtën jëtu'un tääjës jeexyë muum nkëxwä'äkyën tsaatunkëjxy,

Salmos 61:2 ပူးပေါင်းရင်းမြစ်များ

Salmos 18:2

Mijts xykyuwaanp xynyixajpës, mijts ntsoktakn'ajtyp, mijts xyaj'ëwaatsëpëtsëëmpës, mijts nTios'ajtyp, ja tsaa mëti'ipës xy'akëëytyujkp xy'axajtujkpën, ja n'kuwaanpës, ja mëk'ajtën mëti'ipës xyajtsokpën, ets ja ntsoktaknës ni'ik këjxmëpë.

Isaías 32:2

Nitu'ukjaty jëtu'un të yajpëjkta'aktë tä tu'uk tsoktaknën, oy mëkpoj myinëty, oy mëk tuu myinëty; jëtu'un nëjkx nyaxtë tä yë nëë ntuk'yajxo'kmëtyën aay ujts, tä muum të'ëts'itum nyinikën yë mëjtsaa.

Salmos 62:6

Yë'ë tu'kpajk xyajnitsokpës ets xykyuwaanpës. Nijënu'un tkajëkyepy xymyëmëta'aktëtyës yë nmëtsiptëjkës jä'ä ko yë'ëjës ntsoktakn'ajtyp.

Salmos 77:3

Koos yë Dios nja'amyetsy, täätsës ntëkë yaxpë; ntëkës ënät määpyë tajpë etsës jëtu'unyë nkumon nkutukë.

Salmos 62:2

Yë'ë tu'kpajk xyajnitsokpës ets xykyuwaanpës Nijënu'un tkajëkyepy xymyëmëta'aktëtyës yë nmëtsiptëjkës jä'ä ko yë'ëjës ntsoktakn'ajtyp.

Salmos 18:46

Juuky yë Dios. Kënu'kxy yë xyëëw y'ity mëti'ipës xykyuwaanp xynyixajpën. Wä'än mëj'äämpy tyajpëjktä'äky yë Dios mëti'ipës xyajkäktsokpën.

Deuteronomio 4:29

E pën miitsëty mja'amyäjtstëp jatëkok ja mWintsënëty mëti'ipë mTiosajtëpën ets winë aaw winëjot xymyëkajpxtë, nëjkxëp xypyaatë.

Salmos 27:5

Ko ënety jëna'a yë xëëw jëmëjt wyinkony ëxëëkpë, yë Wintsën yë'ëjës xypyitaanp xymyu'uxaanp ma tsyajptëjkën; mëët yë y'a'äpk xykyuwa'ana'anyës. Ëwaatsëtum xypyëjkta'aka'anyës ma tu'uk yë mëjtsaakopkën.

Salmos 142:3

koos nyajpaaty jë'ë ya'ax, Wintsën, mijts wa'ats xynyijawë yë nnë'ë ntu'ujës. Ma ja në'ë tu'u mëti'ipës npanëjkxypyën, jam të tpëjkta'aktë tu'uk yë o'ktakn yu'utsypë.

Salmos 40:2

tëës xyajpëtsëmy jap o'kpëjutjoty, nëëjoty mo'ontsjoty. Jamës të xyajwa'kta'atsy tsaakëjxm ets ta'tspëky të nwa'ak'oyës.

Isaías 54:11

Mijts naax kajpn ka'apë mjotkujk'atyën, ma ëxëëk mjaty mkëpetyën mëët ja mëktuupoj, ma ka'ap pën mniminyën ets jeexyë myajjotkujk'atyë. Ëjts n'oytyunäämpy yë mtëjk, yë'ëjës ntuk'ëjx'atäämpy yë juuntsaa; ets tsuxktsaajës ntukpojtsë'ëkäämpy;

Salmos 55:5

Tëës yë mëktsë'ëkë xytyuktëkë ets janty tsëyuuypyës mëët yë tsë'ëkë.

Salmos 143:4

Janty mon janty tukës nyajpaaty, ets janty tsë'këpës njootjoty nwinma'anyjoty.

Salmos 43:5

¿Wi'ixës ko nkumon nkutukëty, ¿wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

Salmos 42:6

Mon tukës nnäjyawëty, paaty mijts nmëmay nmëtajy. Jampaat ma Jordán mëjnëëjën, ma Hermón kopk ets ma Misar kopkën.

Lucas 22:44

Ma ja Jesús y'ëyoyën ets ja Dios mëktä'äky tja'amyetsyën, nëkoo ja pyëxyik nyajtsxä'kxënë ijxtëm ja ne'pynyën.

Salmos 17:1

Wintsën, ëjts yë'ëjës n'amëtoopy ja mëtëypyë nipaye'eyë. Kwentëpëk maas yam ya'atë tsajpkäjpxy nyajnaxyën, ëjts mëtëyës yam nkäjpxy, ka'apës n'antä'äky.