Salmos 6:4 - Biblia Dc en Mixe de Quetzaltepec

⁴ Min Wintsën, yajtsokës yë njuukyajtën, Yajtsokës mëët ko xytsyokyës.

Biblia Mixe de Quetzaltepec

⁴ Min Wintsën, yajtsokës yë njuukyajtën, Yajtsokës mëët ko xytsyokyës.

Salmos 6:4 ပူးပေါင်းရင်းမြစ်များ

Daniel 9:18

Wintsën, mëtoow'it; ets ni'ijkëtaktëk ëëtsëty ma o'ktëy njatës nkëpätës ets wi'ix o'ktëy jyäty kyëpetyën yë mnaax mkajpn ma yaja'amyetsyën yë mxëëw. Ëëtsëty yë'ëkyëjxm mijts nmëmëtya'aktë mëët ko xymyëët'aty ja pa'ëyo'owën najts'ëyo'owën ets ka'ap yë'ëkyëjxmëty koos xypyaat xynyitëkëtë ets miits nmëkajpxtëty.

Salmos 17:13

Pëtë'ëk, Wintsën, mijts mëët näwyinkuwa'akët. Yajtëj yaj'ojtsë yë kyë'ëkox tyekykyox. Tukuwaankës yë mtëypyujxn ma ëxëëk ja'ayën.

Malaquías 3:7

Miitsëty ka'ap të xypyatuntë ja n'ënä'ämën ntëyajtënës jëtu'un tä y'ëtëtstën yë m'ap m'okëty ets ka'ap të mmëtowtë. Ëjts Wintsën mëti'ipë maaytyääyëpën winë, jëtu'un n'ënëëmëtë: Ëjts niwinpijtëkës etsës miits niwinpitëty. E miitsëty tyaa m'ëna'antë: ¿Wi'ix ko mijts myajniwinpitëty?

Salmos 121:7

Yë Wintsën yë'ë mkuwanëp oy tyimmaajëty ma muum kyutsë'ëkëtyën; yë'ë näjyëtu'un y'ijx'ijtyp kyëwent'ajtyp yë mjuukyajtën;

Salmos 116:4

Ënätës ojts ja Wintsën ja xyëëw npa'tmëkäjpxy etsës ojts nmënu'kxtä'äky tääts tyajtso'okëty ja njuukyajtënës.

Salmos 90:13

Wintsën, niwinpijtëkës jatëkok Këtii mpo'oxy. Tun yë mëyajtën, mëët'at pa'ëyo'owën mëët ya'atë ja'ayëty mëti'ipë mmëtuunëtëpën.

Salmos 80:14

Dios mëti'ipë maaytyääyëpën winë, tun yë mëyajtën, winpit jatëkok. Ku'ijxnax jam tsajpjotm ets mëmay mëtaj ya'atë naax kajpn, mëti'ipë jëtu'unën tä tsatym kyepyën.

Salmos 22:20

Mijtsës xyajtso'okëp, ets ka'ap mëpaat n'ooky kupuxy mëët yë tëypyujxn, këtii xy'ëwa'atsëty etsës xyaj'ooktëty yë may uk.

Efesios 1:6

Paaty xëmë ja Dios nmëjja'aw njaantyja'awëmë jä'äkyëjxm ko ja mëjmëyajtën të xynyamo'oyëmë mëët ja y'u'unk, mëti'ipë ni'ik tsyojkpyën.

Isaías 38:17

Ix, tyam jotkujkës nyajpaaty, ets ka'ap n'ëkmoon n'ëktujknës. Mijts të xykyëwent'aty yë njuukyajtënës këtiipë kyuka'anaxëty jap jutjoty, jä'ä ko mijts tëë xymyä'kxta'ay yë npokyës.

Salmos 120:2

Wintsën, këtii xy'ëwa'atsëty etsës nkajpxëty ja mëti'ipë ka'ap tyiyajtënëtyën, ka'apës mëpaat ja ëxëëkpë aaw ayuk nyajpëtsëmy.

Salmos 116:8

tëës xyajpëtsëmy jam o'këntum, etsës të xymyo'oy ja jotkujk'ajtën maas ënety një'ëyën nyä'äxyën ets maas ënety këtaw këpip nyajpaatyën.

Salmos 86:13

Mëjwiin këjää yë mtsojkën mja'awën xymyëëtëty mëët ëjts. Tëës mijts xyajtso'oky, ets ka'ap të xy'ëwa'atsy etsës n'ookëty ntëkoyëty etsës nka'ajëty jap o'kpëjutjoty.

Salmos 69:13

E ëjts, Wintsën, mijtsyë nmëyäxy nmëjojkpy, Dios, mëti'ipës nTios'ajtypyën, putëjkëkës. Mëët yë mëjpë m'oyjot m'oywyinma'any, ëtsoowkës. Mëët yë mputëjkën xëmëpë y'ityën, yajtsokës.

Salmos 25:7

ka'ap xyjyä'äymyätsëty ja nnëë npokyës ets oyës tii të ntuuntëkoy të nkajpxtëkoy koos të n'ëna'k'aty. Wintsën, ja'amyäjtskës koos xytsyoky xyjyawë ets ko xymyëët'aty ja oyjyot oywyinma'any.

Salmos 13:2

¿Jëna'a ka'ap n'ëkmoon n'ëktujknëtyës ets jëna'a ka'ap ja njot nja'awënës y'ëk'ëyoownëty? ¿Jëna'a ka'ap ja nmëtsipës xy'ëk'ënä'ämnëty?

Salmos 74:10

Mijts Dios, ¿Jëna'a jëtää ëëts yë nmëtsip ka'ap xy'ëkyajjoot'anpëjknëtëty? ¿Jëna'a jëtää ka'ap ëxëëk m'ëk tijënëty?

Salmos 79:5

Mijts Wintsën, ¿Jëna'apaat mijts mjoot'anpëka'any? ¿Xëmë yë mjoot'an tyoyä'äny tä jëënënë?