Salmos 6:2 - Biblia Dc en Mixe de Quetzaltepec

² Pa'ëyoowkës Wintsën, tëës näjyawëty nmëjaawkëxy. Wintsën, yajtsok yaj'akëtakës jatëkok, aak tsëyuuynyëpës yë nini'kx nja'awënë.

Biblia Mixe de Quetzaltepec

² Pa'ëyoowkës Wintsën, tëës näjyawëty nmëjaawkëxy. Wintsën, yajtsok yaj'akëtakës jatëkok, aak tsëyuuynyëpës yë nini'kx nja'awënë.

Salmos 6:2 ပူးပေါင်းရင်းမြစ်များ

Oseas 6:1

Mintë ni'ëmukë ets tsojk Wintsën niwinpijtëmë. Yë'ë atëj awäxë të xytyu'unëmë nän yë'ë mayanëp ets xyajtsokmëty; ojts xyajtsëtyujtëmë je'eyëp ko ojts näjyëtu'un xyajtsokëmë.

Salmos 31:10

Yë pëjkën ijxën ets jë'ëyën yaxën yë'ë ënät jyaak mëmëta'akëp yë njuukyajtënës. Yë monyëtukyë yë'ë yajkëxäämpy yë njot nmëjaawës; ets nwaay npajkës jëtu'unyë y'ënu'kxëtyääynyë.

Salmos 30:2

Wintsën mëti'ipës nTios'ajtypyën, tëë yë putëjkën n'amëtoy npëjktsoy, e tëë xyajtso'okyës;

Jeremias 17:14

Wintsën, yajtsooypyäjtkës etsës ntso'okëty; yaj'ëwaatsëpëtsëëmkës etsës njotkujkëty, jä'ä ko mijts tu'uk nyajmëjnajxyp.

Salmos 51:8

Mooykyës yë xoontakën ets jotkujk'ajtën, yajjotkujktakës jatëkok oyës ëxëëk të xy'ëktuny.

Deuteronomio 32:39

Ëjts jëtu'un tu'kpajk Tios'ajtp; ka'ap maa pën wiinkpë tios. Ëjts nyäjkpyës yë juukyajtën, etsës mpëjkpyës jatëkok. Ëjts yajtsëtyujtp yajwintëkoopyës, ets yajtsokp yaj'akëtakpës. Ni pën tkajëkyepy tkukä'äkëty ëjts yë nmëk'ajtën.

Salmos 38:7

Yë njëxkës je'eyë pya'amnë wyi'tsnë mëët yë jëënpa'am; tëkokyë yë njot nnini'kxës aak pëjkp aak atoonëp.

Salmos 38:3

Mëët ko tëë mjoot'anpëky koos të mpokytyuny, tëkokyë yë njot nini'kxës pëjkp atoonpës njawë; ni tu'ukës yë npajk nkajawë y'oyëty.

Salmos 32:3

Maas ënety ka'ap yë npoky nmaaywyätsynyëmën, yë njot nini'kxës jëtu'unyë ënety nyapëky nyäy'ixyë koos xëëwpaaty n'ëjy ntu'uky,

Génesis 20:17

Ënet yë Abraham ojts yë Dios tmënu'kxtä'äky, tä ja Dios jatëkok tyajjëwä'ky ja yuu pa'am ma ja Abimélec ja jyot nyini'kxën ets ma ja tyo'oxytyëjkën. Ojts näjyëtu'un tsyo'oktë y'akëta'aktë ja tyuunpë ets mëpaat y'u'unk'ixtë.

Mateo 4:24

Ojts yajnimëtyä'äky ja Jesús ma Sirië y'itjotmën mëti'ipë tyuun kyajpxën ets ja ja'ay tyajmiintë ja pa'amja'ay, mëti'ipë mëk pëjkëpën, mëti'ipë ja ku'oypyë myëët'ajtëpën, mëti'ipë mo'tëp ets mëti'ipë kë'ëxujxp tekyxyujxtëpën. Ni'ëmukë ja Jesús ojts tyajtsokta'ay.

Salmos 22:14

Jëtu'unës ëjts tä nëë nyajtstämën. Tëës yë nwaay mpajk jyäjxma'ta'ay. Jëtu'unës yë njuukyjot tä pu'unykyën tëë jap jyiiytyakta'ay njootjotyës.

Job 5:18

Ko pën tyajtsëtyuty, pojën jatëkok tyajtso'oky; ko pën tkoxy, pojën jatëkok tyajjotkujkë.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënety xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

Job 19:21

Pa'ëyoowtëkës miitsëty mëku'uktëjkëty, mëti'ipës mëët oy të nämyäyën, jä'ä ko yë Dios yë'ëjës ëxëëk xytyuunp.

Salmos 38:2

Jëtu'unës näjyawëty tëës yowë mku'umën xytyukjë'pnaxy; ets këjääjës njawë të xyaj'ëyo'onpaaty.

Jeremias 10:24

Oy ëëts xytyiytyuntëty ijxtëm pyaat'atyën, je'eyëp ko ka'ap y'atsip y'a'akëty, jä'ä ko tsojkës xyaj'ook xyajtëkoytyëty.