Salmos 57:2 - Biblia Dc en Mixe de Quetzaltepec

² Minës yë Dios Ni'ik Këjxmëpë mëk n'ëkmëkäjpxy ets mëti'ipës xypyutëjkëpën oymyaajëty.

Biblia Mixe de Quetzaltepec

² Minës yë Tios Ni'ik Këjxmëpë mëk n'ëkmëkäjpxy ets mëti'ipës xypyutëjkëpën oymyaajëty.

Salmos 57:2 ပူးပေါင်းရင်းမြစ်များ

Salmos 138:8

Yë Wintsën, oy tsuj tyajwinpëtsëma'any yë tyu'unën kyajpxën maas ëjts xypyutëkën. Wintsën, yë mtsojkën mja'awën xëmëkyëjxm yë y'ity; këtii jëtu'unyë xy'ëxmatsy tuuntuk mëti'ipë tëë xyajtso'ontä'äkyën.

Filipenses 1:6

Njëjp'ijxypës ko ja oypyë tuunk mëti'ipë ja Dios yajtso'ontakën ma miitsëtyën, yë'ë oy yajtu'uye'eyäämpy koonëm ja Jesukristë wyimpitëty.

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

Isaías 26:12

Wintsën, mijts ëëts xyaj'oy'ijtp, mijts mtëy'ajtën'ajtp; mijts myaj'apatëtyääpy mëti'ipës nmëmaay nmëtajtëpën ntuna'antë.

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Salmos 56:2

Oyjyëna'ajëty xy'ixjëtit xypyajëtitës yë ja'ayëty mëti'ipës xymyëtsip'ajtëpën; nimay nyäpyaatëtë mëti'ipës xynyipëtë'ktëpën ets janty mëj këjxm jyä'äy'atë.

Salmos 17:8

Këwent'ajtkës ijxtëm yë mwiin xykyëwent'atyën; ets tuknikëëykyës yë mkäkn

Salmos 41:5

Yë nmëtsiptëjkës oy tjatsoktë jeexyë ëxëëk njaty nkëpetyës: Jyatsojktëp ets jeexyë muum n'ookyës ets ka'ap nyajja'amyätsëtyës.

Salmos 143:9

Wintsën, yajtsokës maas nmëtsiptëjkën, ma mijtsën jamës npaaty yë tsoktakn.

Isaías 26:20

Paaty myaj'ënëëmëtë miitsëty naax kajpnëty, tëkëtë ma mjëën mtëjkëtyën ets ko ënety jap tëkoty myajpaatë tääts xyaj'ëtuktëty ja mtëjk. Jap wäänë mnäyu'utsëtëty koonëm ja Wintsën ja tsyip y'äkë nyaxëty.