Salmos 53:6 - Biblia Dc en Mixe de Quetzaltepec

⁶ Jääpëk jeexyë myiny yë Israel kajpn nyitsokën ma Sión kopkën. Ko ënety yë Wintsën tyaj'oyë yë nyaax kyajpn, wi'ixpëm nëjkx xyoonta'aktë Jacob yë y'u'unk y'ok, ets tu'kë'ëyë Israel kajpn.

Biblia Mixe de Quetzaltepec

⁶ Jääpëk jeexyë myiny yë Israel kajpn nyitsokën ma Sión kopkën. Ko ënäty yë Wintsën tyaj'oyë yë nyaax kyajpn, wi'ixpëm nëjkx xyoonta'aktë Jacob yë y'u'unk y'ok, ets tu'kë'ëyë Israel kajpn.

Salmos 53:6 ပူးပေါင်းရင်းမြစ်များ

Salmos 14:7

Jääpëk jeexyë Israel ja'ay nitsokën tpaatë mëti'ipë jam tso'onpën ma Sión kopkën. Ko ja Wintsën tyaj'oyëty ja nyaax kyajpn ja jyuukyajtën, ënät xyoonta'aka'antë ja Jacob ja y'u'unk y'ok, ets tëkokyë yë Israel kajpn.

Jeremias 30:18

Jëtu'un yë Wintsën y'ënä'äny: Nyajtëkatsanëpës yë Jacob yë nyaax kyajpn, npa'ëyowäämpyës jatëkok tääpë naax kajpn; nëjkxëp yaj'akojëtyä'äy yë potsykyutuk ets kutujkëntëjk, jam nëjkx jatëkok nyaaxkëtä'äky ma ënety të y'ityën.

Isaías 12:6

Xi'iktë xontë miitsëty naax kajpnëty mëti'ipë tsënaaytyëpën jam Sión, jä'ä ko yë Wintsën, wa'atspë, mëti'ipë yajpatpën ma Israel kajpnën tam yajpaaty ma miitsëtyën mëët tu'kë'ëyë ja myëj'ajtën.

Isaías 14:32

¿Wi'ix tääpë naax kajpn y'ëkyaj'ëtsoowinpitëty? Yë Wintsën tëë ja nyaax kyajpn ja jotkujk'ajtën tmo'oy jam Sión, aakjam ja ja'ay nyëjkxta'aja'antë mëti'ipë jëëytyëp yaxtëpën ets jam tsyo'oktëty.

Salmos 85:1

Wintsën, janty'oy yë mwinma'any xyajnikëxë'ëky mëët ya'atë mnaax mkajpn. Ix tëë jatëkok xymyo'oy yë jyotkujk'ajtën yë Jacob yë nyaax kyajpn,

Nehemías 12:43

Jä'ä xëëw may yajxon ja wintsë'kën jyänty yajyäjky, ets ja'ayëty aak akujk aak jotkujk ojts nyäyjyawëtë, jä'ä ko ja nTios'ajtëmë yë'ë ënety të tyajkëtä'äky ja kyënu'kxën ets jyam'atëty mëjwiin këjää ja jotkujk'ajtën ets ja xoontakën. To'oxytyëjktëjkëty ets pi'k ëna'këty aak xoontä'äky yajpatë, ja ëy yä'äxy ets ja xoontakën jëkämpaat ojts yajmëtoownë.

Amós 9:14

Ënätës nyajmina'any ja nnaax nkajpnës mëti'ipë ënety të yajpaatyën tsumy matsy wiink naax wiink kajpn. Ets nëjkx tkoj'o'oyëtya'atë ja kajpn mëti'ipëjaty të jyityën ets jam jyuuky'atëty; nëjkxëp yë tsatym tniyu'ujëtë ets nëjkx t'uuktë yë tsatym nyëë; nëjkxëp tkojtë tpäntë yë y'ääy y'ujtsëty ets y'ääy kyepyëty mëti'ipë jyë'kxtëp pyëktëpën.

Joel 3:1

Ko ënety tpaaty tääpë xëëw jëmëjt, jëtu'un yë Wintsën y'ënä'äny: nyajtëkatsäämpyës yë Judá ja'ayëty ets Jerusalén ja'ay jyuuky'ajtënëty.

Jeremias 31:23

Yë Wintsën mëti'ipë maaytyääyëpën winë, yë Israel ja'ay yë Tyiosëty, yë'ë ënaanp: Ko ënety nyajtëkajtsës yë Judá ja'ay yë jyuuky'ajtënëty ets ko ënety jam jatëkok yajpaatë ma nyaax kyajpnëtyën, jëtu'un nëjkx y'ëna'antë: Yë Wintsën kyënu'kxëp ya'atë tun kopk wa'atspë ma jyää'atyën mëtëypyë nipaye'eyën.

Salmos 50:2

Dios yë'ë jam të'kxp jajp ma Sión kajpnën, ma ja kajpnën janty'oy janty tsujpë.

Job 42:10

Ko ja Job tkënu'kxtaay ja myëku'uktëjk mëti'ipë mëët oy nyämyäyën, ojts ja Dios myooywyimpijta'ayë ja jyotkujk'ajtën, ni'ik ojts myo'oyë, tëkëëkjëtu'un tä ja mëti'ipë ënety të nmëët'atyën ko pya'tkë'p'ajty.

Esdras 3:11

Nimay ja ja'ay ënety twin'ëw twinya'axtë ja Wintsën ets nimay y'ëtsowtë: Kukajpxëtë ja'awëkyëta'aktë ja Wintsën, jä'ä ko yë tsyojkën jya'awën oy yë'ë ets xëmë y'ity. Tëkokyë ja naax kajpn aak xoontaktëp, jä'ä ko tëë ja tuunk tsyo'ontä'äky ma ja tsajptëjk yajkoj oyën.

Proverbios 28:1

Yë ëxëëk ja'ay nëkooyë jyänty kye'eky jyänty pyuty oy pën kyapapo'oyë; yë wa'ats ja'aytyëjk akujk jotkujk tyimnäjyawëtë jëtu'un tä kaajën.