Salmos 53:2 - Biblia Dc en Mixe de Quetzaltepec

² Jam tsajpkëjxm jya'ijxyp jyatuumpy yë Dios yë ja'ay, pën jää mëti'ipë oy määpy tajpën ets mëti'ipë y'ixtääpy yë Dios.

Biblia Mixe de Quetzaltepec

² Jam tsajpkëjxm jya'ijxyp jyatuumpy yë Tios yë ja'ay, pën jää mëti'ipë oy määpy tajpën ets mëti'ipë y'ixtääpy yë Tios.

Salmos 53:2 ပူးပေါင်းရင်းမြစ်များ

Isaías 55:6

Ixta'atë ja Wintsën tyam ma tjëkyepyën wi'ix yajpaatëtyën, mëkajpxtë ma tyam winkon yajpaatyën.

2 Crónicas 15:2

ets nitso'ony ja Asá ets t'ënëëmëja'any: Mëtow ya'atë aaw ayuk mijts Asá ets tu'kë'ëyë miitsëty Judá ja'ayëty ets Benjamín ja'ayëty. Yë Wintsën tää yajpaaty ma miitsëtyën, pën miitsëty myajpatëp näjyëtu'un ma yë'ëjën. Pën miitsëty m'ixtaaytyëp yë'ë, mpaatëp yë'ë; e pën miitsëty m'ëxmajtstëp, m'ëxmatsëtëp yë'ë näjyëtu'un.

Salmos 111:10

Yë wijyajtën ets nija'awën, jam yaj'ixy ma ënety yë Wintsën yajwinkutsë'ëkën. Pën yë Dios wyinkutsë'këpën myëët'ajtyp yë wijyajtën. Dios mëj'äämpy y'ita'any.

Jeremias 23:24

¿Pën ëkmayëtëp nyäyu'utsëtëty maajës winë n'ixyën? Ëjts tamës nyajpaaty tsajpkëjxm ets naaxwiiny. Ëjts Wintsën, ëjts ënaanp.

Salmos 27:8

Jëtu'unës njawë yë njot nwinma'any y'ënä'äny: Ixta'a yë Wintsën ma yajpaatyën. E ëjts, Wintsën, mijts n'ixtääpy.

2 Crónicas 19:3

Je'eyëp ko mijts tëë näjyëtu'un winë oy xytyuny, ko ojts xyajjëwa'kta'ay yë Aserá y'awinax mëti'ipë jää kajpnjoty may të yajpaatyën ets ja Wintsën jä'ä të xyajmëjnaxy.

Jeremias 16:17

Jä'ä ko wa'atsës n'ijxtaay ntuuntaay tiijaty tyuuntëp kyajpxtëpën ëxëëkjaty; nitii kyayu'utsy'ity ma ëjtsën, ni yë'ë nyëë pyokyëty tkajëkyepy tkuyu'utstëty.

Salmos 102:19

Yë Wintsën wa'ats jam tsajpjotm tku'ijxnaxy yë naaxwiinyëtë, jam tsajpjotm ma xëmë wa'ats y'ityën,

Salmos 11:4

Yë Wintsën xëmë jam yajpaaty ma tsyajptëjkën. Yë Wintsën jam yë kyutujktakn tmëët'aty tsajpjotm ets kë'ëm t'ijx'ity yë naaxwiinyëtë ja'ay.

Salmos 10:4

Yë ëxëëk ja'ay amëj akëjxm yë wyiin jyëjp tsajptijy ets y'ënä'äny: ko ka'ap ma Dios, pën xy'ëkyajtëwëpës tiis ntuunpy nkäjpxypën. Yi'iyë myääpy tyäjpy.

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

Deuteronomio 4:6

Yë'ë jëtu'un jot'at winma'any'atë ets patuntë, jëtu'un'äämpy nëjkx ja wiinkëtypë ja naax kajpn mëj'äämpy myajnaxëtë. Ets nëjkx y'ëna'antë, ko ma ya'atë kajpnën jam'ajtp ja wijyajtën ets ijxkujk ja'aykyujkën. Ko ënety yë'ëjëty tnijawëtë ya'atë ënä'ämën tëyajtën jyëkyäpëp y'ëna'antëty: Ma ya'atë naax kajpnën janty jam'ajtp yë wijy'ajt kujk'ajtën ets ja'aykyujkën.