Salmos 53:1 - Biblia Dc en Mixe de Quetzaltepec

¹ Ja'ay winma'anytyukpë jëtu'un myäy tyäjy ko ka'ap maa Dios: tëkokyë tëë wyinma'any tyajtëkooytya'atë, aakyë'ë ëxëëkpë tyuuntëp kyajpxtëp; ka'ap ma pën mëti'ipë winë oy tyunëpën.

Biblia Mixe de Quetzaltepec

¹ Ja'ay winma'anytyukpë jëtu'un myäy tyäjy ko ka'ap maa Tios: tëkokyë tëë wyinma'any tyajtëkooytya'atë, aakyë'ë ëxëëkpë tyuuntëp kyajpxtëp; ka'ap ma pën mëti'ipë winë oy tyunëpën.

Salmos 53:1 ပူးပေါင်းရင်းမြစ်များ

Salmos 10:4

Yë ëxëëk ja'ay amëj akëjxm yë wyiin jyëjp tsajptijy ets y'ënä'äny: ko ka'ap ma Dios, pën xy'ëkyajtëwëpës tiis ntuunpy nkäjpxypën. Yi'iyë myääpy tyäjpy.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Lucas 12:20

Tyam ënety jëtu'un y'ënä'äny ko ja Dios y'ënëmaayë: Winma'anytyuk, tyam koots ënät m'o'knëty, ets mëti'ipë jap të xypyëjke'ekyën, ¿pën jyä'ä'atëp?

Job 15:16

ni'ik yë ja'ay, mëti'ipë pokytyum xëmë yajpatpën ets aakjä'ä xëmë y'ijxyp tyuunpy ka'apë y'oyëtyën, mëti'ipë pokytyuunpën tä jeexyë nëë t'uukyën.

1 Reyes 14:24

Näyjyëtu'un ja ja'ayëty kë'ëm ijty ja jyot nyini'kx tyajknëtë tukwintsë'ëkëtë ja tyiosëty ets jëna'ajëty yi'iyë tyimniye'eymujkëtyëp, tuunëtë tkajpxnëtë ja ëxëëkpë ets ja tëkatsypë ja jot winma'any, näjyëtu'un tä ja mëti'ipë ijty ja wiink naax wiink kajpn tyuuntëp kyajpxtëpën, mëti'ipë ja Wintsën të t'ëxwojpta'ayën ma ja Israel ja'ayëtyën.

1 Pedro 4:3

Jeky ojts miitsëty jëtu'un winë xytyuntë xykyajpxtë ijxtëm ja ja'ayëtyën ka'ap ja Dios tnijawëtën, jä'ä ko jam ijty mjuuky'atë ma ja ëxëëkpën; ma yaj'atsokyën winë, ma tëkatsy ja winma'any jyä'tyën, ma ja'ay ja kyë'ëm winma'any tyajtuntën, ma ja'ay y'uuktë myu'ukëtën, kyäytyë y'uuktën ku'uxyë jotkëtä'äky, tyuuntëkoytyë kyajpxtëkoytyë, twintsë'ëkëtë ja tsaa ets kepy.

Efesios 5:12

Tsëtyu'un je'eyë xytyukpatmëp ko nnimëtyakmëty mëti'ipë tyuuntëpën ayu'utsy ame'tsyë.

Mateo 5:22

E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Salmos 10:13

Dios, mëti'ipës nTios'ajtypyën, ¿wi'ix ko ëxëëkja'aytyëjk nyëxi'ik tyukxi'iktë, ets myäytyë tyajtë ko mijts ka'ap xyajtëwa'any mëti'ipë tyuuntëkooytyëpën?

Salmos 10:11

Yë ëxëëk ja'ay jëtu'un myäy tyäjy ko Dios jyä'äytyëkoopy winë, ko je'eyë nyäwyinkumatsëty tääts ka'ap tii t'ixy.

Salmos 10:6

ets ënät myäy tyäjy ko ni pën kyamayëtëty, ets nijëna'a tkapaata'any yë ëyo'on jotmay.

Job 14:4

Ni pën tkayajpëtsëmëty yë wa'atspë ma mëti'ipë ëxëëkën.

1 Reyes 12:26

Je'eyëp ko tyaa ojts myäy tyäjy: Yë David yë y'u'unk y'ok, jyëkyejpy jatëkok tpaatëty ja kyutujktakn,

Deuteronomio 12:31

E miitsëty këtii jëtu'un winë xytyuntëty ma mWintsën Tiosëtyën, tä yë'ëjëty y'ëtë'ëtstën. Jä'ä ko yë'ëjëty aakjëtu'un winë tuntë tä yë Wintsën t'ëxëëk'ixyën. Yë'ëjëty ëxëëk y'ëtë'ëtstë y'ëna'antë ko yë tyiosëty tmëjjawëtë; yajknëtëp ja y'u'unk y'ëna'këty ko ja wyintsënëty ja wyintsë'kën tmo'oja'antë.

Romanos 1:21

Oy ja Dios të tja'ixtë, ka'ap të tmëjjaw të tjaantyjyawëtë ijxtëm ja Dios mëpaat yajmëjpëjktä'äkyën, ni të tkamo'otë ja kukajpxën. Ni'ikyë jëëmpit winë të tuntë, aakjä'ä të tmëmay të tmëtajtë ka'apë tyuunëtyën, jëtu'un ja tsyuuwinma'any të yajwë'ëmëtë ijxtëm ja ja'ay kupi'its kukoots y'ityën.

Ezequiel 16:51

Samaria kajpn ënätpë, yë'ë nikujkwä'kxy mkamëpaatyë ma nëë pokyën. Jä'ä ko mijts ni'ik o'ktëy të m'ëtë'ëtsy ma ja nëë pokyën; ni'ik ja mpoky ko yaj'ijxkijpxy mëët yë'ëjëty, jëtu'un yaj'ixtë ka'ap yowë tii poky tmëët'atë.

Ezequiel 16:47

E mijts näjyëtu'un të m'ëtë'ëtsy tä yë'ëjëtyën nän timjëtu'un winë ëxëëkjaty të xytyuny. Ka'ap mkuxë ni'ik o'ktëy të m'ëtë'ëtsy.

Salmos 92:6

Yi'iyë yë tsuuja'aytyëjkëty ka'ap jëtu'unpë tja'akyukëtë.

Salmos 88:1

Wintsën mëti'ipës nWintsën'ajtypyën ets mëti'ipës xyajnitsokpën, jopy ux mijts n'amëtoy npëjktsoy yë putëjk pupäjtën,