Salmos 51:8 - Biblia Dc en Mixe de Quetzaltepec

⁸ Mooykyës yë xoontakën ets jotkujk'ajtën, yajjotkujktakës jatëkok oyës ëxëëk të xy'ëktuny.

Biblia Mixe de Quetzaltepec

⁸ Mooykyës yë xoontakën ets jotkujk'ajtën, yajjotkujktakës jatëkok oyës ëxëëk të xy'ëktuny.

Salmos 51:8 ပူးပေါင်းရင်းမြစ်များ

Mateo 5:4

Jotkujk yë ja'ay yajpaatë mëti'ipë jëëytyëp yaxtëpën, jä'ä ko yë'ë Dios yajjotkujk'atanëtëp.

Lucas 4:18

Ja Dios ja Jyot jya'awën ëjts nmëët'ajtëp, etsës të xypyëjktä'äky ma ja ëyoopëja'ayën etsës ntuk'ëwaanëtëty ja oy aaw oy ayuk, tëëjës xykyexy etsës n'ëwaanëty wi'ix tu'ukyë y'itëty mëti'ipë ijtëpën ijxtëm ja ja'ay pujxn tëkotypyën, ets y'ijxë'ëktëty ja kupi'its kukootspë, ets y'ëwaatsëpëtsëmtëty mëti'ipë yajtëytyuun yajtsaatsytyuuntëpën.

Salmos 38:3

Mëët ko tëë mjoot'anpëky koos të mpokytyuny, tëkokyë yë njot nini'kxës pëjkp atoonpës njawë; ni tu'ukës yë npajk nkajawë y'oyëty.

Salmos 35:10

Täätsës n'ëna'ana'any ëmuumtu'ukjot: ¿Pën jëtu'un tä mijtsën Wintsën? Myaj'ëwaatsëpëtsëëmpy yë ëyoopëja'ay ets mëti'ipë winë yajmëyäjtypyën ma ëxëëk yajtun yaj'ënëëmëtën, ma ja jotmëktëjkëtyën.

Salmos 30:11

Jä'ä ko tëë xyaj'awinpity yë një'ëyënës nyaxënës äjtsën pujtën; tëës yë nwit xytyuknijääntu'uty mëti'ipë kuumpën u'kxpën etsës të xtyukxoxy mëti'ipë ja'ay myëxëëw'ijxypyën.

Isaías 35:10

Ja ja'ayëty mëti'ipë ënety ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.

Salmos 13:5

Ëjts yi'iyës ntuk'ijxpejtyp ko mijts mtsoky mjawë; jotkujkës yë njot nwinma'any njawë koos të xyajnitso'oky.

1 Crónicas 29:17

Ëjts nija'apës Wintsën, ko mijts wa'ats jot winma'any xy'ixy xynyijawë, yë'ë mtsojkën'ajtyp ets ja'ay winë tëyajtën tunëty. Paaty yam nmo'oy tëkokyë ya'atë winë aaw winëjot. Tyam n'ijxypyës ko yë mnaax mkajpn tyampë yaa yajpaatyën tu'ukmukyë mëët ja jot winma'any oy tsujpë, tëë mtukë'ëtëkëty tëkokyë ya'atë ayajk ako'onën.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.