Salmos 51:4 - Biblia Dc en Mixe de Quetzaltepec

⁴ Mijts të nmëtëkoy, koos të ntuny ja ëxëëkpë mëti'ipë ka'ap xy'oy'ixyën. Paatykyëjxm ja mtëytyu'unën xypyaat'ajtpës; e ëjts ka'apës mëpaat njëjpmëwa'akë mëti'ipë mijts mtëy'ajtën'ajtypyën.

Biblia Mixe de Quetzaltepec

⁴ Mijts të nmëtëkoy, koos të ntuny ja ëxëëkpë mëti'ipë ka'ap xy'oy'ixyën. Paatykyëjxm ja mtëytyu'unën xypyaat'ajtpës; e ëjts ka'apës mëpaat njëjpmëwa'akë mëti'ipë mijts mtëy'ajtën'ajtypyën.

Salmos 51:4 ပူးပေါင်းရင်းမြစ်များ

Lucas 15:21

Ënet t'ënëmaay ja tyeety: Tatë, tëëjës nmëtëkoy ja Dios ets mijts, ka'apës tyam xy'ëknitëjkënë xytyijëtyës m'u'unk.

Romanos 3:4

Niwi'ix'äämpy. Dios aak mëtëy winë tuny, oy ja ja'ay ni'ëmukë y'anta'aktë. Jëtu'un ja Kënu'kxymyëkajtën y'ënä'äny: Mijts wa'ats mnaxa'any mëët mëti'ipë të xynyikäjpxyën, ets ko ënety myajnipaye'ey mijts mëta'akaanp.

Génesis 39:9

Ma ya'atë tëjkën ni pën yaa kyajëtu'unëty ijxtëm ëjtsën, yë nwintsënës ka'apës tii xytyukmëwintuk'ooky; e mijtsyë tëy jëtu'un ka'ap mëpaat nmëmay nmëtajy, jä'ä ko mijts mto'oxytyëjk'atyë e jëtu'un ¿wi'ixës ko ëxëëkpë mtunëty ets nmëpokytyunëtyës yë Dios?

Génesis 20:6

Ënet ja Dios y'ëtsoowë nän kuma'ayjoty: Ëjts wa'atsës nijawë ko mëët ja oyjyot oywyinma'any jëtu'unpë të xytyuny. Paatyës ka'ap të nyajkutuky ets xykyë'ënixajëty tääpë to'oxytyëjk, këtiipë mpokytyunëty ma ëjtsën.

Apocalipsis 16:5

Ënet nmëtooyës ko y'ënä'äny ja tsajpjotmëtë kukäjpxy mëti'ipë kyëwent'ajtypyën ja nëë: Dios, mijts m'ijtp ets mijts m'itaanp, mëtëy winë xynyipaye'ey. Jëtu'un mijts të mtëytyuny ets të mpaye'ey ijxtëm pyaat'atyën.

Santiago 2:9

Pën win'ixy wiinkexy ja mmëku'uk xytsyoktë, poky ënety mtuuntëp, ja Dios ja y'ënä'ämën ënety mmëtëkooytyëp.

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënety ja Dios tyajnikëxe'eka'anyën ja jyoot'an ko ja paye'eyën tunëty,

Hechos 17:31

Jä'ä ko tëë ja Dios tuknipëjktaakë jëna'a ja naaxwiinyëtë ja'ay tpaye'eyä'änyën ijxtëm pyaat'atyën. Yë'ë të tuknipëky tu'uk ja ja'ay mëti'ipë të twin'ixyën; ets tëë xytyuk'ijxëmë ja myëk'ajtën ko ojts tyajjuukpyiky jatëkok oy ënety të y'ëk'ooky.

Lucas 7:29

Ko ja mayjyä'äy ets ja yajkukëpäjtpëtëjk jëtu'un tmëtoowtë ja Jesús y'ënä'äny, ënät ojts tkupëktë ko Dios ja jyä'ä ko y'oyëty jä'ä ko tëë ënety ja Juan yajnëëpätëtë.

Salmos 50:6

E yë tsajp yë'ë nyikäjpxyp ko yë Dios mëtëy nyipaye'ey.

Salmos 50:4

Jam këjxm yë Dios tmëkäjpxy yë tsajp ets naaxwiinyëtë, ets tniminy yë nyaax kyajpn tääts tukwinmëtowa'any tëkokyë tiijaty të tuntën.

2 Reyes 21:6

Ojts ja y'u'unk y'ëna'k tyajtooy tyajjäämnë, ma tukwintsë'këyën ja ka'apë tyiosëtyën, yajtuun ja najtsja'apë, yajkutujk ets ja ja'ay tuunk'atëty ja kajpxpojkën, paatoy panajxk. Tim tëkatsy ojts winë tuny, je'eyë ja Wintsën tyajjoot'anpëjk.

2 Reyes 17:17

Ojts ja y'u'unk y'ëna'k tyajnitooynyëtë, tyajknëtë ets wyintsë'kën'atëty, ojts tjajtnëtë wi'ix winë tnajtsjawëtëtyën ets ojts tnija'awënyëtë wi'ix ja kë'ë tyajmëtya'aktëtyën, tuunëtë tkajpxnëtë ja ëxëëkpë, mëti'ipë ja Wintsën ojts tukyajjoot'anpëktën.

Génesis 9:6

Pën yë myëku'uk yaj'o'kpy, nän ja'ay nëjkx yaj'ookyë. Jä'ä ko yë naaxwiinyëtë ja'ay jëtu'un yë të kyojy ijxtëm yë Dios kë'ëm y'ixëtyën.

Apocalipsis 19:11

Tääts n'ijxyës ko ja tsajp y'ëwatsy. Jamts kyëxë'ëky tu'uk ja poop kwaay ets mëti'ipë tuk'u'unyääyëpën jä'ä xyëëwajtyp, Mëtëypyë ets ja Oypyë winë tunyën, jä'ä ko tëytyuunp, paye'epy ets tsiptuump jä'ä ijxtëm pyaat'atyën.

Santiago 2:11

Jä'ä ko Dios tëë y'ënä'äny: ka'ap xyajtëkoytyëty ja nyiwintsë'kën ja pëjkën ukën, näjyëtu'un të y'ënä'äny: ka'ap myajja'ay'ookëty. Jëtu'unts, ko pën yajja'ay'ookëty, oy tkayajkwintsë'këntyëkoy ja pëjkën ukën, tëë ënety ja ënä'ämën tmëtëkooytyä'äy.

Génesis 38:7

Yë Er ëxëëk ënety yë jyot wyinma'any ets ëxëëk ijty jyä'äy'äty; aakyë'ë tyuunpy mëti'ipë yë Dios ka'ap t'oy'ixyën, paaty yë jyuukyajtën ojts tpëjkë.

Isaías 43:25

E ëjts, mëët koos xyTyios'aty, tyamës npo'ta'aja'any mpoky ma të myajja'ay'ookyën, ets ka'apës nja'amyätsa'any ja mpoky.