Salmos 51:1 - Biblia Dc en Mixe de Quetzaltepec

¹ Mijts Dios, mëët yë mtsojkën mja'awën, pa'ëyoow najts'ëyo'owëkës; mëët ja m'oyjot m'oywyinma'any ja mëjpë këjääpë, po'tëkës yë npoky.

Biblia Mixe de Quetzaltepec

¹ Mijts Tios, mëët yë mtsojkën mja'awën, pa'ëyoow najts'ëyo'owëkës; mëët ja m'oyjot m'oywyinma'any ja mëjpë këjääpë, po'tëkës yë npoky.

Salmos 51:1 ပူးပေါင်းရင်းမြစ်များ

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Isaías 43:25

E ëjts, mëët koos xyTyios'aty, tyamës npo'ta'aja'any mpoky ma të myajja'ay'ookyën, ets ka'apës nja'amyätsa'any ja mpoky.

Salmos 51:9

Ka'ap mëpaat yë'ë xy'ix nnëë npokyës, po'ta'a tëkokyë yë ntuuntëko'oy nkajpxtëko'oyënës.

Colosenses 2:14

Tëë ja Dios tjëpëky ja ënä'ämën mëti'ipë ja Moisés yajmooyën ets tyajnikëxë'ëky ja npoky'ajtëmë mëti'ipë jeexyë nkupäjtëmën. Jëtu'un ojts tyajkëxy tyajnaxy ja tsip ko ojts yajmëjwojpety kruutskëjxm.

Salmos 69:16

Wintsën, ëtsoowinpijtkës; mijts janty'oy mTios'aty ets mëj këjää yë tsojkën ja'awën xymyëët'aty. Mëët yë janty yu'unkpë yë mjot mwinma'any ni''ijxkëtakës;

2 Samuel 11:2

Jä'ä xëëw, jënäkyxyëëw ënety ko ja David myä'äypyëti'ky ets jam pyejty këmoon tëjkëjxm, jamts nyäxy tyëkë ko t'ijxpaty jap ëpa'tkë'p tu'uk yë to'oxytyëjk tsyi'iy, janty tsujpë. Ya'atë to'oxytyëjk tëë ënety je'eyë tyukjënajkta'ayë ja myëjaaw.

Salmos 106:45

ënety ojts tja'amyetsy ja käjpxytyu'unën mëti'ipë ënety mëët të tunyën, tää tyajtëkajtsy ja jyot wyinma'any, jä'ä ko yë tsyojkën jya'awën ni'ik myëj kyëjääjëty.

Salmos 4:1

Dios mëti'ipës xykyuwaanp xykyënu'kxpën, xy'ëtsowëpës ko nmëkajpxëty. Koos ënety nyajpaaty mon tuk, ojtsës xymyo'oy jotkujk'ajtën. Pa'ëyoow najts'ëyo'owëkës ets mëtoow'it wi'ix n'ënëëmën.

Lamentaciones 3:32

Oy xy'ëkyaj'ëyo'owmëty, xypya'ëyo'owmëp jatëkok, jä'ä ko tsyojkën jya'awën mëj këjää ni'ik.

Salmos 119:124

Mëët'at ya'atë mtuunpë mëët ja mtsojkën mja'awën; tukni''ijxëkës yë m'ënä'ämën mtëyajtën.

Salmos 109:21

E mijts Wintsën, yajmëjnax yë mxëëw, oyës mmëët'ajtk. Yajtsokës ets kuwaankës mëët yë mtsojkën mja'awën.

Salmos 40:11

E mijts, Wintsën, këtii xytyukmëj'aty yë myu'unkjot mnaxym jot ma ëjtsën. Yë'ëjës xykyëwent'atëp xëmë yë mtsojkën mja'awën ets mtëyajtën.

Salmos 5:7

E ëjts mëëtkyëjxm koos xytsyoky xyjyawë, jyëkyejpyës ntëkëty ma ja mtsajptëjkën; njëkyejpy mijts n'ëwtat nmënu'kxta'akëty mëët tu'kë'ëyë ja winkutsë'kën, ets jamës ja njot nwinma'any mpëjktä'äky ma mtsajptëjkën.

Salmos 106:7

Yë nteety n'apëtyës ka'ap ojts jap Egiptë tmëj'ix tmëjpëjkta'aktë ja mmëjajtën, ojts tja'atyëkooynyëtë ja mëjpë këjääpë ja mtsojkën mja'awën, ets ojts kyäjpxykyumëtoownaxtë winkon ma Tsaptsmejyën.

Salmos 69:13

E ëjts, Wintsën, mijtsyë nmëyäxy nmëjojkpy, Dios, mëti'ipës nTios'ajtypyën, putëjkëkës. Mëët yë mëjpë m'oyjot m'oywyinma'any, ëtsoowkës. Mëët yë mputëjkën xëmëpë y'ityën, yajtsokës.

Daniel 9:9

E mijts Wintsën, mëti'ipës n'ëwtajtëpën, mijts tam xymyëëtëty yë poky nyimä'kxën ets pa'ëyo'owën najts ëyo'owën. Ëëtsëty wa'atsës nijawëtë ko tëë njanty kyäjpxykyumëtoownaxtë

Isaías 63:15

Ix Wintsën, ma myajpaatyën jam tsajpjotm, jam ma kënu'kxy mëjjawë m'ityën. ¿Maa ënät tyam ja mtsojkën mja'awën ets ja mjot mmëjaaw? ¿Maa ënät tyam ja mjot mja'awën? ¿Ëkë wä'än të kyixyë ja mpa'ëyo'ow mnajts'ëyo'owënë?

Isaías 63:7

Ëjts yë'ëjës nimëtya'akäämpy yë nätsyok näjyawë mëti'ipë yë Wintsën jyä'ä'ajtypyën, yë'ëjës nkuuy'ëwäämpy nkuuyya'axäämpy ko oy winë tuny ma ëëtsajtëmën, ko jyot wyinma'any oy tyaj'ixyë ma Israel ja'ayëtyën, ko winë oy të tnajtstun të tnajtskajpxë mëët yë tsyojkën jya'awën mëjwiinpë këjääpë.

Salmos 145:9

Yë Wintsën aak y'oyjya'awëtyääpy wä'än tpënëty, mëët oyjyot oywyinma'any tkëwent'aty mëti'ipë të tyajkojyën.

Salmos 77:9

¿Tii tëë jëtää Dios tja'atyëkooynyë yë y'oyjyot y'oywyinma'anyë? ¿Tëë jëtää yajxon tu'ukyë tyimjoot'anpëkyë ets ënät ka'ap ja pa'ëyo'owën t'ëkmëët'ajnë?

Daniel 9:18

Wintsën, mëtoow'it; ets ni'ijkëtaktëk ëëtsëty ma o'ktëy njatës nkëpätës ets wi'ix o'ktëy jyäty kyëpetyën yë mnaax mkajpn ma yaja'amyetsyën yë mxëëw. Ëëtsëty yë'ëkyëjxm mijts nmëmëtya'aktë mëët ko xymyëët'aty ja pa'ëyo'owën najts'ëyo'owën ets ka'ap yë'ëkyëjxmëty koos xypyaat xynyitëkëtë ets miits nmëkajpxtëty.

Nehemías 4:5

Këtii nijëna'a xypyokymyä'kxëty ets këtii nijëna'a xyjyä'äytyëkoyëty ijxtëm ëxëëk y'ëtë'ëtstën y'ëna'antën, jä'ä ko yë'ë mëj këjää jëtu'un tyëkoytyë ko t'akajpxtuktë ets ja naax kajpn ja pyoty yajkoj'oyëty.

Jeremias 18:23

E mijts Wintsën, wa'ats xynyija'awëtyä'äy wi'ix myäytyën tyajtën ets xyaj'ooka'antës. Këtii xymyä'kxëty yë tyëko'oyënëty ets këtii yë nyëë pyokyëty xyjyä'äytyëkoyëty. Wä'än tka'atë mijts mwintuuy ets mëët ja mtsip m'äkë tëytyun.