Salmos 5:9 - Biblia Dc en Mixe de Quetzaltepec

⁹ Yë'ëjëty nijëna'a winë tëyajtën tkakajpxtë; tëj joow yë jyot wyinma'any yajpaatë ma yë'ëjëtyën. Yë y'aaw yo'knëty, jëtu'un tä o'kpëjutën ëwa'atspë; aakyë'ë kyajpxtëp ka'apë myëtëyëtyën.

Biblia Mixe de Quetzaltepec

⁹ Yë'ëjëty nijëna'a winë tëyajtën tkakajpxtë; tëj joow yë jyot wyinma'any yajpaatë ma yë'ëjëtyën. Yë y'aaw yo'knëty, jëtu'un tä o'kpëjutën ëwa'atspë; aakyë'ë kyajpxtëp ka'apë myëtëyëtyën.

Salmos 5:9 ပူးပေါင်းရင်းမြစ်များ

Romanos 3:13

Ëxëëk ja yo'kjutëty ijxtëm o'kpëjutën ko ëwa'ats wyi'imy, je'eyë xëmë wyin'ëëntë, ko kyajpxtë tsääpy no'kpëm yajjawë.

Salmos 62:4

Yi'iyë myääytyëp tyajtëp wi'ixës ëxëëk xytyuntëtyën; pën win'ë'ëntëp antaktëp ënät jotkujk nyäyjyawëtë. Winkë'ëy akë'ëy je'eyë oy xynyimëtya'aktës jap jyootjoty wyinma'anyjoty xypyojktëpës jap je'eyë.

Miqueas 6:12

Yë kumeenyjyä'äyëty mëti'ipë yajpatëpën ma ya'atë kajpnën aak tsyuu'ijxtëp yë myëku'uk ets je'eyë tyajmëtuntë ja'ay ka'ap tmëjuytyë; aak antaktëp ets aak win'ë'ëntëp ja'ayëty mëti'ipë yajpatëpën ma naax kajpnën.

Proverbios 29:5

Mëti'ipë ja'ay janty'oy xëmë myëku'uk nyimëtyäkpyën, je'eyë nëkoo myëku'uk ëyo'ontum tyajka'aja'any.

Salmos 51:6

Tëyajtën ko mijts yë'ë mtsojkpy mja'ap yë jot winma'any mëti'ipë wa'atsën ets mëtëyën, mijtsës yë wijyajtën të xymyo'oy mëti'ipë yu'utsypyaat yajpatpën.

Lucas 11:44

Miits fariseë ja'ayëty ets näjyëtu'un miits tsajptëkotyëtë yaj'ijxpëjkpë mon tuk myajpaatë, jä'ä ko jëtu'un miitsëty ijxtëm ja o'kpëjutën ka'apë yaj'ixyën ets kutsë'ëkë ko ja'ay tuktäänëty.

Salmos 52:2

Yi'iyë mmëmääpy mmëtäjpy wi'ix winë ëxëëk xytyunëtyën; yë m'aaw myä'än jëtu'un yajtsëtyuty tä tsujknën jëjpëpë.

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

Jeremias 4:14

Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

Salmos 64:6

paaty ka'ap tjëkyepy pën tpaye'eyëty mëti'ipë tyuuntëkooytyëpën. E ja mëti'ipë tëkokyë winë nyija'awëtyääpyën wi'ix tu'uktu'uk yë naaxwiinyëtë ja'ay yë jyot wyinma'anyën, jä'äts nëjkx winë tnipaye'eytyä'äy.

Salmos 62:9

Yë naaxwiinyëtë ja'ay ka'ap nitii tsowëty, yë kumeenyjyä'äy ets ëyoopëja'ay tu'knax yë'ëjëty; ko jeexyë y'ëk'yaj'akijpxnaxtë yë naaxwiinyëtë ja'ay ni'ik to'tyk jeexyë pyëtsëmtë këtiinëm tii mëti'ipë to'tykyën.

1 Tesalonicenses 2:5

Ka'ap miits nëkoo je'eyë të nwinmëtya'aktë mëët ja aaw ayuk tsujpë ets ni të nka'amëtowtës eetsës xymyëjuytyëty. Dios yë'ë wa'ats nyija'ap.

Lucas 11:39

Tääts ja Jesús y'ënëmaayë: Miitsëty fariseë ja'ayëty, myajwatstëp nëkëjxy ja apëjk atu'unën. Jëtu'un miits mnäpyëjkta'akëtë ijxtëm jeexyë m'oyjyä'äy'atën, je'eyëp ko miitsëty ka'ap wya'ats'atë jä'ä ko je'eyë mtontë määtstë ets ja ëxëëkpë xytyuntë xykyajpxtë.

Esdras 8:21

Ok ojts nipëjktaakës ets ja ja'ay y'ayuu'atëty tu'uk xëëw jam ma mëjnëë nyäxyën mëti'ipë yajtijpën Ahavá, ets yajmëmay yajmëtajëty ja tuuntëko'oy kajpxtëko'oyën mëti'ipë të yajtunyën ma ja nTios'ajtëmën, tääts yaj'amëtow yajpëjktsowëty wä'än oy mëjaaw xyajtu'uye'eyëmë mëët ja n'u'unk'ajt n'ëna'k'ajtëmë ets jënu'un winë nmëët'ajtëmën.

Salmos 27:11

Wintsën, tukni''ijxëkës yë mnë'ë mtu'u; winwoow winwijtskës ma ja oypyë ja në'ë tu'ujën etsës yë nmëtsip t'ixtëty;

Salmos 69:19

Mijts Wintsën wa'ats xynyijawë wi'ixës ëxëëk nyajtuny nyaj'ënëëmën, wi'ixës ja tsëtyu'un nmënaxy nyajnaxyën ets wi'ixës ka'ap pën xymyëj'ixyën; mnija'ap pënjatyës xymyëtsip'ajtëpën.

Isaías 26:7

Ja wa'ats ja'aytyëjk ja nyë'ë tyu'ujëty tëyë nyijkxy; mijts Wintsën, mijts kë'ëm ja nyë'ë tyu'u myaj'o'oyëyëp.